Rowena Caronan

FACT CHECK: Lumang bidyo ng Oakwood Mutiny iniuugnay sa flood control issue

Ginamit ang lumang bidyo ng Oakwood Mutiny noong Hulyo 2003 upang pagmukhaing tila nagbibigay ng pahayag ang militar tungkol sa isyu ng mga maanomalyang flood control project ng Department of Public Works and Highways.

Article (news)

Kevin Luis Fernandez

ABS-CBN Research and Verification Unit

<div><img src="https://od2-image-api.abs-cbn.com/prod/editorImage/175947417499420250926_AFP_Main.jpg" style="width:750px" class="fr-fic fr-dib"/></div><div><br/></div><p>Ginamit ang lumang bidyo ng Oakwood Mutiny noong Hulyo 2003 upang pagmukhaing tila nagbibigay ng pahayag ang militar tungkol sa isyu ng mga maanomalyang flood control project ng Department of Public Works and Highways (DPWH).</p><p>Wala ring naiulat ang mga pangunahing media outlet na naglabas ng pahayag ang isang opisyal ng militar tungkol dito.</p><p>Ini-upload online ang nasabing bidyo ng dalawang magkaibang post noong Setyembre 25, 2025. Kasabay nito ang ikalimang pagdinig ng Senate Blue Ribbon Committee sa nasabing isyu ng korapsyon sa gobyerno.</p><p>Sa nasabing mga bidyo, mapapanood ang pakikipagpanayam ng mga sundalo sa midya. Mababasa rin sa caption ang mga hashtag na “<em>#corruption #senatehearing #congresshearing</em>.”</p><p>Sa isang Facebook reel, nilapatan ang nasabing bidyo ng tekstong “<em>NAKU NAKAKAKILABOT NA ITO 😱😱😱😱😱 GISING NA MGA MILITAR. SUNOD2X na Ito</em>!” Sa isang TikTok post naman, mababasa ang mga katagang “<em>mga sundalo nag salita na</em>.” </p><p> Base sa reverse image search, lumalabas na ang dalawang bidyo ay kuha mula sa <a href="https://www.youtube.com/watch?v=pWQsLrXaqUs" rel="noopener noreferrer" target="_blank"><strong>ulat ng News5Everywhere noong Hulyo 27, 2023</strong></a> tungkol sa pag-alala sa Oakwood Mutiny dalawang dekada matapos itong maganap noong 2003.</p><p> Mapapansing ginamit ng mga post ang clips sa bidyo ng News5 kung saan nagsasalita ang noo’y mga army captain na sina Gerardo Gambala at Milo Maestreca.</p><div><br/></div><div><img src="https://od2-image-api.abs-cbn.com/prod/editorImage/175947419291420250926_AFP_1.jpg" style="width:750px" class="fr-fic fr-dib"/></div><div><br/></div><div><img src="https://od2-image-api.abs-cbn.com/prod/editorImage/175947424422420250926_AFP_2.jpg" style="width:750px" class="fr-fic fr-dib"/></div><div><br/></div><p>Ang Oakwood Mutiny ay ang pag-aalsa ng 300 na miyembro ng Armed Forces of the Philippines at Philippine National Police laban sa administrasyon ni dating Pangulong Gloria Macapagal-Arroyo.</p><p>Sa pangunguna ng grupong “Magdalo” na kinabilangan nina noo’y Army Captain Gambala at Navy Lt. Antonio Trillanes IV, inokupa nila ang Oakwood Premier sa Makati City sa loob ng 20 oras. Pagkatapos ay sinampahan sila ng kasong coup d’etat. <strong><em>– with research and reporting from Guenne Patano, ABS-CBN Research and Verification Unit Intern</em></strong></p><div> </div><div style="text-align:center"><em>Kung kayo’y may alam na kahina-hinalang social media page, group, account, o website, artikulo, larawan, o impormasyong ipinapakalat sa mga messaging app, maaaring makipag-ugnayan sa aming email </em><a href="mailto:factcheck@abs-cbn.com"><em>factcheck@abs-cbn.com</em></a><em> o X (dating Twitter) account </em><a href="https://twitter.com/abscbnfactcheck" rel="noopener noreferrer" target="_blank"><em>@abscbnfactcheck</em></a><em>. </em></div>

<p>Ginamit ang lumang bidyo ng Oakwood Mutiny noong Hulyo 2003 upang pagmukhaing tila nagbibigay ng pahayag ang militar tungkol sa isyu ng mga maanomalyang flood control project ng Department of Public Works and Highways.</p>