Virgilio Lorenzo Jr

Pasahero ng jeep nag-amok matapos maingayan sa busina ng motor

Article (news)

Christopher Sitson

ABS-CBN News

Arestado ang isang 39-anyos na lalaki matapos mag-amok at manuntok ng motorista sa Divisoria sa Maynila, nitong Linggo ng madaling araw, February 09, 2025.Sa imbestigasyon ng Moriones Police, naingayan ang suspek sa busina ng mga sasakyan habang nakasakay sa jeep.&quot;Ang suspek po natin ay naingayan po sa busina ng motorsiklo tsaka ng mga jeep. Doon po siya nagsimula na makipag-away po siya sa motorista,&quot; sabi ni Police Lieutenant Colonel Alvin Christopher Baybayan, Station Commander ng Moriones Police.Sa video makikita ang pag-aaway ng suspek at motorista na nauwi na sa suntukan.Agad na nagsumbong ang ilang motorista sa pulisya. Nataon namang katatapos lang ng &#x27;Oplan Sita&#x27; ng PNP sa lugar kaya mabilis na narespondehan ang insidente.&quot;Ang sabi niya ay mayroon daw pong nagpakilalang pulis na sinusugod sila o sinusuntok sila. Hindi po nagpapigil &#x27;yung suspek natin kahit pong nagpakilala na pong pulis &#x27;yun atin pong tauhan. Patuloy po niyang sinusugod &#x27;yung isang motorista,&quot; sabi ni PLtCol. Baybayan.Sinubukan pang agawin ng suspek ang baril ng rumespondeng pulis. Nasuntok din ng suspek ang pulis.&quot;Habang siya po ay pinoposasan, doon naman niya sinuntok sa mukha &#x27;yung pulis natin, at &#x27;yun naman po ang dahilan kung bakit pinagtanggol ng atin pong pulis ang kanyang sarili at eventually po naaresto ang suspek,&quot; sabi ni PLtCol. Baybayan.Makikita pa sa isang video ang pandudura ng suspek sa isa pang pulis nang dalhin na siya sa police station.Katwiran ng suspek, may pinagdaraanan siyang problema sa pamilya kaya uminit ang ulo sa drayber ng motorsiklo.&quot;Para naman po siya sir g@g# gawa ng &#x27;yung nauuna sa kaniya &#x27;yung sinasakyan kong jeep, ay busina po ng busina. Hindi ba po kung matino ang pagkatao mo diba dapat hindi mo bubusinahan. Sabi ko kung gusto mo magmadali, lagyan mo ng pakpak at paliparin mo,&quot; sabi ng suspek.Hindi rin umano niya inagaw ang baril ng pulis.&quot;Hindi po talaga. Kasi kung inagaw ko po &#x27;yun, agaw talaga. Kunyari lang po sir para maging alerto siya na sa kaniya ako,&quot; sabi pa ng suspek.Nasa kustodiya na ng Moriones police ang suspek na nahaharap sa mga reklamong alarm and scandal, resistance and disobedience to a person in authority, usurpation of authority, at direct assault.

Arestado ang isang 39-anyos na lalaki matapos mag-amok at manuntok ng motorista sa Divisoria sa Maynila, nitong Linggo ng madaling araw, February 09, 2025.

Arestado ang isang 39-anyos na lalaki matapos mag-amok at manuntok ng motorista sa Divisoria sa Maynila, nitong Linggo ng madaling araw, February 09, 2025.