Geline Salac

Sekyu binaril ng kapwa sekyu dahil na-late umano sa trabaho

Article (news)

dahil late 2

Christopher Sitson

ABS-CBN News

Patay ang isang 34-anyos na security guard matapos pagbabarilin ng kapwa niya sekyu sa isang warehouse sa Antipolo City, Rizal nitong Lunes ng umaga, February 3, 2025.Sa imbestigasyon ng Antipolo PNP, nagkaroon ng alitan sa schedule sa trabaho ang dalawang security guard.&quot;According sa kanya, madalas na ganun ang ginagawa (ng biktima). Imbes na alas siete ang turnover nila laging lumalagpas ng 7:30 or more. Nag-confront sila, at according sa suspek may mga threatening words na ibinigay including &#x27;yung family niya, so nag-lose control siya at gamit &#x27;yung issued firearms niya, &#x27;yun ang ilang beses niyang pinutok sa biktima,&quot; sabi ni PLTCOL Ryan Manongdo, Antipolo PNP Chief of Police.Posible rin umanong may dati ng naging alitan ang biktima at suspek.&quot;Baka hindi lang &#x27;yun, &#x27;yun lang &#x27;yung inisyal na nag-trigger. Baka may previous na alitan na sila,&quot; dagdag ni Manongdo.Pahayag naman ng asawa ng biktima na si Anet Capin, buong akala niya ay maayos na nakakapag-usap ang kaniyang asawa at katrabaho nito.&quot;Akala ko po nagkakasundo sila kasi matagal na po nilang ginagawa &#x27;yun. May times po na sabi ng asawa ko, nag-chat sa akin &#x27;yung kasama ko na magi-straight daw sya ng ganitong araw, tapos magi-straight din siya ng ganitong araw. Kaya &#x27;yung schedule nila paiba-iba na,&quot; sabi ni Capin.Lubos ang sakit na nararamdaman ng kaanak ng biktima dahil sa marahas na ginawa ng suspek sa biktima. Naulila ng biktima ang isang taong gulang na anak.&quot;Grabe naman ang ginawa mo sa kanya. Parang &#x27;di mo naman inisip na may pamilya ka, may pamilya din siya,&quot; sabi ni Capin.&quot;Pagdating ko diyan sa basketball court sinalubong ako ng mga apo ko. Tinatanong ko kung bakit nag-iiyakan sila pagpasok ko ng bahay, hindi naman nila sinasabi sa akin. Nabigla na lang ako na ganun ang nangyari,&quot; sabi ni Jorlina Navarro, nanay ng biktima.Depensa naman ng suspek, bukod sa nale-late sa trabaho, nagbabanta rin umano ang biktima.&quot;Nagbabanta po kasi siya sa pamilya ko, ilang beses na niyang pinagbantaan.&#x27; &quot;Na-late po eh tapos minsan nag-straight duty na ko tapos hindi na rin niya ako pinasukan noon. Nagsabay-sabay na po &#x27;yung galit ko tsaka &#x27;yung sa pagbabanta niya po,&quot; depensa ng suspek.Sumuko ang suspek sa awtoridad at nakumpiska sa kanya ang baril na ginamit sa krimen.Nasa kustodiya na ang suspek ng Antipolo Police Custodial facility na nahaharap sa kasong homicide.

Sa imbestigasyon ng Antipolo PNP, nagkaroon ng alitan sa schedule sa trabaho ang dalawang security guard.

Sa imbestigasyon ng Antipolo PNP, nagkaroon ng alitan sa schedule sa trabaho ang dalawang security guard.