FACT CHECK: Pekeng mga pro-Duterte rally kumakalat sa social media

Eliseo Ruel Rioja

ABS-CBN Research and Verification Unit

<div><img src="https://od2-image-api.abs-cbn.com/prod/editorImage/174220822477720250317_Main_Fake Pro-Duterte rallies.png" class="fr-fic fr-dib"/></div><p>Nagsulputan ang mga post sa social media na gumagamit ng mga lumang materyal para palabasing rally ang mga ito para kay dating Pangulong Rodrigo Duterte.</p><p>Si Duterte ay kasalukuyang nasa kustodiya ng International Criminal Court (ICC) sa the Netherlands matapos siyang arestuhin noong Marso 11, 2025. Humaharap siya sa kasong crimes against humanity kaugnay ng kanyang war on drugs kung saan libu-libo ang namatay.</p><p>Limang post ang nakita ng ABS-CBN Fact Check na gumamit ng lumang video na walang kinalaman kay Duterte at ang isa ay gumamit ng larawang ginamitan ng Artificial Intelligence (AI).</p><p>Dalawang post ang gumamit ng bidyo ng Sinulog Festival mula sa coverage ng media outlet na GMA Integrated News noong Enero 17, 2025.</p><p>Makikita sa parehong post ang bidyo ng maraming tao na may hawak ng kandila habang bumibigkas ng Aba Ginoong Maria sa wikang Cebuano. Sa isang post, nilagyan ang bidyo ng caption na “Grabe nakakaiyak Pro-Duterte Prayer Rally sa Cebu,” samantala nilagyan naman ng “Pray FPRRD” ang isa.</p><p>Pinabulaanan na ito ng <a href="https://archive.is/lr9oS" rel="noopener noreferrer" target="_blank">GMA News</a> sa isang Facebook post.</p><div><img src="https://od2-image-api.abs-cbn.com/prod/editorImage/17422082401362.png" style="width:600px" class="fr-fic fr-dib"/></div><p>Sa isa namang post, ginamit ang dating bidyo ng isang netizen noong nakaraang taon, Marso 17, 2024, na nagpapakita ng parada ng police, military, at safety personnel. Sa lumang bidyo, gumamit ang post ng mga hashtag na “#arawngdabaw2024 #87tharawngdabaw.” Nilapatan ang lumang bidyo ng caption na “NAGHAHANDA NA ANG MGA TAGA DAVAO CITY REVOLUTION IS COMING?” sa mapanlinlang na post.</p><p>Gayunman, ang Araw ng Dabaw ngayong 2025 ay nagsilbing rally para suportahan si Duterte.</p><div><img src="https://od2-image-api.abs-cbn.com/prod/editorImage/17422082518383.png" style="width:600px" class="fr-fic fr-dib"/></div><p>Sa isa pang post, ginamit ang clip ng mga taong nakasuot ng luntiang damit habang naglalakad sa isang kalsada. Mababasa sa damit ng mga tao ang mga salitang “Mai Dubai” na kapareho ng mga isinusuot sa Dubai Run, isang taunang road running event sa Dubai, United Arab Emirates.</p><p>Ang mapanlinlang na bidyo ay nilapatan ng tunog ng Duterte chant na kapareho ng maririnig sa isang TikTok post noong Hunyo 30, 2024 sa Hakbang ng Maisug event sa Hong Kong. Mababasa rin sa caption ang “Dubai uae.”</p><div><img src="https://od2-image-api.abs-cbn.com/prod/editorImage/17422082774556.png" style="width:600px" class="fr-fic fr-dib"/></div><p>Ang parehong tunog ng Duterte chant sa Hakbang ng Maisug event sa Hong Kong ay maririnig din sa isa namang bidyo. Dito, makikita ang mga deboto ng Jesus Nazareno na naka-maroon at ginto habang nasa Traslacion. Tinakpan din ng malaking sticker ng watawat ng Pilipinas ang andas, pero lumilitaw ito sa ilang parte ng bidyo.</p><p>Ang bidyo ng Traslacion na may background sound na Duterte chant ay kapareho ng bidyo sa post ng isang netizen noong Marso 29, 2024 na may hashtag na “#quiapo #blacknazarene #semanasanta2024”</p><div><img src="https://od2-image-api.abs-cbn.com/prod/editorImage/17422083056355.png" style="width:600px" class="fr-fic fr-dib"/></div><p>Isa namang larawang ginamitan ng AI ang nagpapakita ng isang malaking pagtitipon kung saan nagsasalita sa entablado ang isang babaeng kawangis ni Bise Presidente Sara Duterte, anak ng dating Pangulong Duterte. May caption itong “Liwasang Bonifacio #bringhimhome #duterteparin.”</p><div><img src="https://od2-image-api.abs-cbn.com/prod/editorImage/17422095674104.1 AI.png" style="width:600px" class="fr-fic fr-dib"/></div><p>Unang humarap si Duterte sa Pre-Trial Chamber I noong Marso 14, 2025. Dito binasa sa kanya ang kasong kinahaharap niya, mga karapatan niya sa ilalim ng Rome Statute, at petsa ng kompirmasyon ng kanyang charges na itinakda sa Setyembre 23.</p><div><a class="fr-green" href="https://www.abs-cbn.com/news/nation/2025/3/14/rodrigo-duterte-makes-first-icc-appearance-2153" rel="noopener noreferrer" target="_blank"><strong>Rodrigo Duterte makes first ICC appearance</strong></a></div><div><a class="fr-green" href="https://www.abs-cbn.com/news/nation/2025/3/17/rodrigo-duterte-at-icc-what-happens-next-0812" rel="noopener noreferrer" target="_blank"><strong>Rodrigo Duterte at ICC: What happens next?</strong></a></div><div><br/></div><div style="text-align:center"><em>Kung kayo’y may alam na kahina-hinalang social media page, group, account, o website, artikulo, larawan, o impormasyong ipinapakalat sa mga messaging app, maaring makipag-ugnayan sa aming email factcheck@abs-cbn.com o X account </em><a href="https://twitter.com/abscbnfactcheck" rel="noopener noreferrer" target="_blank"><em>@abscbnfactcheck</em></a><em>.</em></div>

<p>Nagsulputan ang mga post sa social media na gumagamit ng mga lumang materyal para palabasing rally ang mga ito para kay dating Pangulong Rodrigo Duterte.</p>

Nagsulputan ang mga post sa social media na gumagamit ng mga lumang materyal para palabasing rally ang mga ito para kay dating Pangulong Rodrigo Duterte.

FACT CHECK: Pekeng mga pro-Duterte rally kumakalat sa social media | ABS-CBN

Halalan 2025

Entertainment

News

Metro.Style

Lifestyle

Sports

More

Traffic

Horoscope

Nation

FACT CHECK: Pekeng mga pro-Duterte rally kumakalat sa social media

FACT CHECK: Pekeng mga pro-Duterte rally kumakalat sa social media

Eliseo Ruel Rioja,

ABS-CBN Research and Verification Unit

Published Mar 17, 2025 11:59 PM PHT

|

Updated Mar 18, 2025 09:38 AM PHT

Read More:

Rodrigo Duterte

International Criminal Court

ICC

crimes against humanity

war on drugs

misinformation

disinformation

fact check

ABS-CBN Research and Verification Unit

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.