Maria Virginia Sy

Patay ang 25-anyos na lalaki sa Tondo, Manila, matapos saksakin at  pagtulungan ng apat na magkakapatid sa Barangay 105, Zone 8, Tondo,  Maynila, alas tres ng hapon noong ika-3 ng Marso, 2025.

Article (news)

Lalaki, patay sa Tondo, Maynila, nang saksakin at pagtulungan ng apat na magkakapatid

Francis Orcio

ABS-CBN News

Patay ang isang 25-anyos na lalaki sa Tondo, Manila, matapos saksakin at pagtulungan ng apat na magkakapatid sa Barangay 105, Zone 8, Tondo, Maynila, alas tres ng hapon noong ika-3 ng Marso, 2025. Ayon sa Manila Police District-Homicide Section, bago mangyari ang pananaksak, pumunta sa bahay ng mga suspek ang biktima kasama ang live-in partner niya para hanapin ang isang tao—na isa sa mga suspek. Nang mahanap ang tinutukoy ng biktima, nagkaroon sila ng sagutan at pagtatalo, na nauwi sa madugong krimen. “Hindi lang po malinaw kung bakit nagkaroon ng sagutan at hindi magandang pag-uusap. Narinig po ito ng tatlong kapatid, lumabas ng bahay, at hinawakan sa katawan iyong biktima. At iyong isa sa mga suspek, sinaksak nga po ito sa likuran,” ani Police Captain Dennis Turla, Hepe ng Manila Police District - Homicide Section. Dagdag ng MPD-Homicide Section, posibleng kitchen knife ang ginamit ng isa sa mga suspek. Kuwento ng ina ng biktima, naglalaba siya sa kanilang bahay nang mangyari ang krimen. “Noong naglalaba lang po ako sa likod (ng bahay), may sumisigaw po, &#x27;iyong anak mo duguan.&#x27; Nataranta na ako, ‘di ko alam kung saan ako pupunta. Nanghingi po ako ng tulong,” saad ng ina ng biktima. Sinubukan pang isugod sa ospital ang biktima, pero hindi na ito umabot ng buhay. Inamin ng ina ng biktima na kilala niya ang apat na magkakapatid na suspek at pamilya nila dahil naninirahan lang sila malapit sa kanila. “Syempre masakit po. Kasi hindi pa po nahuhuli iyong mga pumatay sa kanya,” sabi ng ina ng biktima. “Kung sinasabi nilang hindi sila iyong pumatay, dapat po humarap sila ‘di ba po? Kaso hindi sila humaharap. Kaya gusto ko silang mahuli. (So, kilala niyo po iyong pamilya?) Opo. Parang ‘di naman na rin sila malayo sa amin,” dagdag niya. Kasalukuyang pinaghahanap  ng pulisya ang apat na suspek. Pinag-aaralan din nila ang mga posibleng motibo sa krimen. “Meron tayong nakukuhang impormasyon patungkol sa droga. Meron ding impormasyon patungkol sa babae. So, lahat iyon pinag-aaralan natin,” saad ni Police Captain Turla. Posibleng maharap sa reklamong murder ang apat na magkakapatid.

Patay ang isang 25-anyos na lalaki sa Tondo, Manila, matapos saksakin at pagtulungan ng apat na magkakapatid sa Barangay 105, Zone 8, Tondo, Maynila, alas tres ng hapon noong ika-3 ng Marso, 2025.

Patay ang isang 25-anyos na lalaki sa Tondo, Manila, matapos saksakin at pagtulungan ng apat na magkakapatid sa Barangay 105, Zone 8, Tondo, Maynila, alas tres ng hapon noong ika-3 ng Marso, 2025.

Lalaki sinaksak, pinagtulungan ng 4 na magkakapatid sa Tondo

News

Entertainment

Lifestyle

Sports

Metro.Style

More

BINI

Sudoku

Word of the Day

Lotto

Horoscope

Nation

Lalaki sinaksak, pinagtulungan ng 4 na magkakapatid sa Tondo

Francis Orcio,

ABS-CBN News

Published March 06, 2025 09:57 AM PHT

Read More:

patay

saksak

Tondo

Manila

Police

crime

ABSNews

ABS-CBN Newsletter

Your go-to source for the latest news, entertainment highlights, exclusive interviews, and updates on your favorite Kapamilya stars.

ABS-CBN Newsletter

Your go-to source for the latest news, entertainment highlights, exclusive interviews, and updates on your favorite Kapamilya stars.

Sign Up

I have read and agree to the Terms and Privacy Policy.

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.