Rowena Caronan

FACT CHECK: Peke ang ABS-CBN quote cards tungkol sa mga pahayag ni Bong Go laban kay Duterte

Ginamit ang logo ng ABS-CBN News sa tatlong quote cards na nagpapakita kay reelectionist at Senador Christopher “Bong” Go na diumano’y nagpapahayag ng pagsisisi sa pagsuporta kay dating Pangulong Rodrigo Duterte kaya’t tumutulong siya ngayon sa International Criminal Court laban kay Duterte.

Article (news)

ABS-CBN Research and Verification Unit

<p>Hindi totoo ang diumano’y tatlong quote cards mula sa ABS-CBN News na nagpapakita kay Senador Christopher “Bong” Go na sinasabing nagsisisi siya sa pagsuporta kay dating Pangulong Rodrigo Duterte kaya’t tumutulong na siya ngayon sa International Criminal Court (ICC).</p><div><img src="https://od2-image-api.abs-cbn.com/prod/editorImage/174413247366120250408_Bong Go quote card MAIN.png" style="width:960px" class="fr-fic fr-dib"/></div><p>Si Go ay isang dating top aide ni Duterte at kasalukuyang kumakandidato sa pagkasenador. Inaresto si Duterte noong Marso 11, 2025 sa bisa ng arrest warrant ng ICC para sa kasong crimes against humanity kaugnay ng madugo niyang drug war campaign.</p><p>Ayon sa mga pekeng quote card, sinabi diumano ni Go na &quot;para siyang binudol&quot; ni Duterte kaya’t ngayon ay naghihiganti sa pamamagitan ng pakikipagtulungan at pagsumbong kay Duterte sa ICC.</p><p>Ginamit sa mga quote card ang logo ng ABS-CBN News at nilapatan ng tekstong “BREAKING NEWS.” Nilagay din sa mga quote card ang URL ng ABS-CBN website na www.abs-cbn.com pati na ang tekstong “@abscbnnewsupdate.”</p><p>Bagama’t tama ang nakalagay na URL, walang social media handle ang ABS-CBN News na gumagamit ng “abscbnnewsupdate.”</p><p>Hindi ito ang unang beses na ginamit ang ABS-CBN News sa mga peke at manipuladong content at quote card na ipinakakalat online.</p><div><a class="fr-strong fr-green" href="https://news.abs-cbn.com/news/2024/9/5/fact-check-walang-report-ang-abs-cbn-tungkol-sa-kaso-kay-enrique-razon-jr-1431" rel="noopener noreferrer" target="_blank">FACT CHECK: Walang report ang ABS-CBN tungkol sa kaso kay Enrique Razon Jr.</a></div><div><a class="fr-green fr-strong" href="https://www.abs-cbn.com/news/nation/2025/3/18/fact-check-walang-abs-cbn-report-tungkol-sa-isang-investment-scheme-2212" rel="noopener noreferrer" target="_blank">FACT CHECK: Walang ABS-CBN report tungkol sa isang investment scheme</a></div><div><a class="fr-green fr-strong" href="https://www.abs-cbn.com/news/2024/5/9/fact-check-walang-report-ang-anc-tungkol-sa-produktong-nakapagpapagaling-ng-hypertension-1258" rel="noopener noreferrer" target="_blank">FACT CHECK: Walang report ang ANC tungkol sa produktong nakapagpapagaling ng hypertension</a></div><p>Ugaliing kumuha ng mga impormasyon sa lehitimong website ng <a href="https://abs-cbn.com/news" rel="noopener noreferrer" target="_blank">ABS-CBN News</a> at sa mga opisyal na social media account ng “ABS-CBN News” sa <a href="https://www.facebook.com/abscbnNEWS" rel="noopener noreferrer" target="_blank">Facebook</a>, <a href="https://x.com/ABSCBNNews" rel="noopener noreferrer" target="_blank">X (dating Twitter)</a>, <a href="https://www.tiktok.com/@abscbnnews" rel="noopener noreferrer" target="_blank">TikTok</a>, <a href="https://www.instagram.com/abscbnnews/" rel="noopener noreferrer" target="_blank">Instagram</a>, at <a href="https://www.youtube.com/@abscbnnews" rel="noopener noreferrer" target="_blank">YouTube</a>.</p><div style="text-align:center"><em>Kung kayo’y may alam na kahina-hinalang social media page, group, account, o website, artikulo, larawan, o impormasyong ipinapakalat sa mga messaging app, maaring makipag-ugnayan sa aming email </em><a href="mailto:factcheck@abs-cbn.com"><em>factcheck@abs-cbn.com</em></a><em> o X (dating Twitter) account </em><a href="https://x.com/abscbnfactcheck" rel="noopener noreferrer" target="_blank"><em>@abscbnfactcheck.</em></a></div>

<p>Ginamit ang logo ng ABS-CBN News sa tatlong quote cards na nagpapakita kay reelectionist at Senador Christopher “Bong” Go na diumano’y nagpapahayag ng pagsisisi sa pagsuporta kay dating Pangulong Rodrigo Duterte kaya’t tumutulong siya ngayon sa International Criminal Court laban kay Duterte.</p>