Geline Salac

18-wheeler inararo ang 5 sasakyan sa QC; 3 patay, 7 sugatan

Article (news)

dashcam 18wheeler mishap

Kaxandra Salonga

ABS-CBN News

<div><iframe width="640" height="360" src="https://www.youtube.com/embed/4Wiho8Oxilo?&amp;wmode=opaque&amp;rel=0" frameBorder="0" allowfullscreen="" class="fr-draggable"></iframe> </div>Tatlo ang nasawi habang pito ang sugatan matapos araruhin ng 18-wheeler truck ang limang sasakyan sa bahagi ng Batasan-San Mateo Road sa Quezon City Miyerkoles ng gabi.Sa kuha ng dashcam video, makikita ang truck na biglang sumulpot sa palusong na bahagi ng kalsada pasado alas-onse ng gabi. Sa bilis ng takbo nito, tumagilid ang truck at tumilapon ang container van.Inararo ng truck ang isang kotse, isang AUV, at tatlong motorsiklo.&quot;Tumama siya sa isang kotse, tumama sa poste. &#x27;Yung karga na container ay nahulog then napunta po siya sa kabilang side ng kalsada,” pahayag ni PLt.Col. Geoffrey Lim, hepe ng Quezon City Police District Traffic Enforcement Unit (DTEU).Sa lakas ng impact, nahiwalay ang container van sa truck at tumilapon ng ilang metro bago humambalang sa gitna ng kalsada. Natumba rin ang poste ng ilaw, na naging sanhi ng mabigat na trapiko sa lugar, ilang oras bago ito naialis.Dead on the spot ang hindi pa nakikilalang biktima at isang 38-anyos na lalaki na naghihintay ng masasakyan sa waiting shed.Isinugod sa ospital ang 49-anyos na lalaking angkas ng nadamay na motorsiklo, pero idineklara siyang dead on arrival.&quot;Ang condition niya is gasping na siya, unconscious, so meron siyang sugat sa likod ng ulo eh namamaga na rin meron siyang gasgas, abrasions sa kaliwang siko, and the rest sa kamay na,” ayon kay Andrew Joseph Delos Santos ng Barangay Batasan Hills Fire and Rescue.Ayon sa pamangkin ng 49-anyos na biktima, patungong San Mateo, Rizal ang kanyang tiyuhin nang mangyari ang insidente.&quot;Sa’kin kasi bilang pamangkin, masakit para sa akin mawalan ng tito kasi parehas lang kami bumubuhay sa lolo ko... sana panagutan na lang ng driver at company ng driver &#x27;yung nangyari sa tito ko,” pahayag ni James Maralit.Nagtamo ng sugat sa mukha, kamay, at tuhod ang 37-anyos na motorcycle rider.&quot;Pauwi na ako tapos napansin ko &#x27;yung trailer truck na gumugulong na pababa... inano ko pa po iwas pero hindi na ako nakaiwas kasi medyo maraming bato, tumama sa akin, yun po nagcause ng pagkasemplang ko,” kuwento ng rider.Ininda ng driver ng unang nabanggang kotse ang sakit sa dibdib. Nawasak ang likurang bahagi ng kanyang sasakyan.&quot;Sobrang bilis, hindi ko na napansin sa salamin ko eh. Ang sabi ng mga nakakita, sobrang bilis na ta’s parang nagliliyab na &#x27;yung mga preno... hindi ko alam kung ano &#x27;yung nakatumbok sa amin, kung &#x27;yung mismong ulo ng truck o &#x27;yung container van,” aniya.Ayon sa truck driver na nanggaling pa ng Maynila para mag-deliver sa Marikina, bigla umanong pumalya ang preno ng truck na bagong ayos pa lamang.&quot;Sa stop light, palusong eh bigla humina preno... hanggang sa wala na, hindi ko na makontrol. Dire-diretso na kaya no choice ako kaya yung manibela kung saan-saan na ho lumiko,” sabi ng truck driver.Humingi siya ng tawad sa mga nadamay sa insidente.“Pasensya na ho, hindi ko po talaga kagustuhan mangyari yung ganon dahil aksidente ho talaga,&quot; aniya.Nasa kustodiya na ng QCPD Traffic Sector 5 ang driver at mahaharap sa kasong reckless imprudence resulting in multiple homicide, multiple physical injuries, at multiple damage to properties.Samanatala, ipinasuspindi na ng Land Transportation Office (LTO) ang lisensya ng truck driver.Sinabi rin ni LTO Chief, Assistant Secretary Atty. Vigor D. Mendoza II na inalagay na rin sa alarma ang truck na nasangkot sa pangyayari.Sa isang show cause order (SCO), ipinagpapaliwanag naman ni LTO Intelligence and Investigation Division (IID) chief Renate Melitante ang rehistradong may ari ng truck kung bakit hindi siya mapapatawan ng sanction sap ag-hire sa isang reckless driver.

Tatlo ang nasawi habang pito ang sugatan matapos araruhin ng 18-wheeler truck ang limang sasakyan sa bahagi ng Batasan-San Mateo Road sa Quezon City Miyerkoles ng gabi.

Tatlo ang nasawi habang pito ang sugatan matapos araruhin ng 18-wheeler truck ang limang sasakyan sa bahagi ng Batasan-San Mateo Road sa Quezon City Miyerkoles ng gabi.

DASHCAM: 18-wheeler inararo ang 5 sasakyan sa QC; 3 patay, 7 sugatan

News

Entertainment

Lifestyle

Sports

Metro.Style

More

Traffic

Manila

Horoscope

Nation

DASHCAM: 18-wheeler inararo ang 5 sasakyan sa QC; 3 patay, 7 sugatan

Kaxandra Salonga,

ABS-CBN News

Published May 29, 2025 08:41 AM PHT

|

Updated May 29, 2025 04:59 PM PHT

Read More:

Road mishap

Road crash

truck

araro

QCDRRMO

Quezon City

tagalog news

absnews

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.