Eliseo Ruel Rioja

FACT CHECK: Hindi namimigay ng cash assistance online ang Malasakit Centers

Hindi totoo ang diumano’y P5,000 cash assistance galing sa Malasakit Center na iniaalok sa isang kumakalat na Facebook post.

Article (news)

ABS-CBN Research and Verification Unit

<div><img src="https://od2-image-api.abs-cbn.com/prod/editorImage/174859760297120250530_Malasakit cash assistance_Main.png" class="fr-fic fr-dib"/></div>Hindi totoo ang diumano’y P5,000 cash assistance galing sa Malasakit Center na iniaalok sa isang kumakalat na Facebook post.Mababasa sa caption ng post ang “MALASAKIT P5K Cash Assistance Para Sa Lahat Ng Pilipino.” Ini-upload ang nasabing post sa Facebook page na Malasakit - Cash Assistance na ginawa noon lamang Mayo 21, 2025. Sa huling tala ng ABS-CBN Fact Check, nakakuha na ito ng 2.1K likes at 5.9K shares.Nilagyan ang post ng larawan ni reelected Senator Christopher Lawrence &quot;Bong&quot; Go sa harap ng Malasakit Center logo at nilapatan ng tekstong “Uunahin Namin Mabigyan Ang Mga Nag-MESSAGE Sa Amin.”Makikita rin sa mapanlinlang na post ang isang link kung saan maaari diumanong mag-rehistro ang mga nais makakuha ng tulong pinansiyal, pero nakadirekta ito sa isang online shopping platform.Pormal na naitatag ang Malasakit Centers sa pamamagitan ng <a href="https://elibrary.judiciary.gov.ph/thebookshelf/showdocs/2/92793" rel="noopener noreferrer" target="_blank">Malasakit Centers Act</a>. Layunin ng batas na ito na pagsamahin sa isang tanggapan ang mga tulong pinansyal at medikal mula sa Philippine Health Insurance Corporation, Philippine Charity Sweepstakes Office, Department of Social Welfare and Development, at Department of Health. Si Go ang principal author at sponsor ng batas. Nauna nang pinabulaanan ni Go na may kaugnayan siya sa isang Facebook post na nag-aalok ng P5,000 cash assistance at gumagamit din ng pangalan ng Malasakit Center. Sa kanyang<a href="https://www.facebook.com/photo/?fbid=1277050393776569&amp;set=pcb.1277049987109943" rel="noopener noreferrer" target="_blank"> post noong Mayo 13, 2025</a>, ang tinutukoy ni Go ay ang Facebook account na “Malasakit Center - Online Application.” Maaaring iba pa ito sa Facebook page na “Malasakit - Cash Assistance.”Ayon sa kanyang post, nilinaw ni Go na “ang mandato ng [Malakit Centers] ay ang tulungang mabawasan ang hospital bill ng pasyente” at hindi ang pamimigay ng pera.Batay sa website ng <a href="https://doh.gov.ph/mpo/process-of-availing-of-medical-assistance/" rel="noopener noreferrer" target="_blank">Malasakit Program Office</a>, kailangang magpakonsulta o magpagamot ng potential beneficiaries sa isang ospital at pumunta sa Malasakit Center nito para makakuha ng tulong. Mayroong mga Malasakit Center sa mga ospital ng Department of Health at state universities and colleges.Sasailalim ang mga aplikante sa interview at assessment at kinakailangang magsumite ng mga dokumento.Maaaring mag-apply sa programa ang mga indigent patients, financially incapacitated patients, at mga pasyente ng Department of National Defense Hospital, Philippine National Police Hospital, at piling Local Government Unit Hospitals.<div style="text-align:center">Kung kayo’y may alam na kahina-hinalang social media page, group, account, o website, artikulo, larawan, o impormasyong ipinapakalat sa mga messaging app, maaring makipag-ugnayan sa aming email factcheck@abs-cbn.com o X (dating Twitter) account <a href="https://twitter.com/abscbnfactcheck" rel="noopener noreferrer" target="_blank">@abscbnfactcheck</a>.</div>

Hindi totoo ang diumano’y P5,000 cash assistance galing sa Malasakit Center na iniaalok sa isang kumakalat na Facebook post.