Geline Salac

Condo unit ng senior citizen sa Marikina nilooban

Article (news)

pistolevdencecondorobbery

seniornilooban

Christopher Sitson

ABS-CBN News

Arestado ang isang 21-anyos na lalaki matapos magnakaw sa isang condominium unit sa Barangay Sto. Niño, Marikina City Linggo ng madaling araw, January 11, 2026.Ayon sa Marikina police lulan ng motorsiklo ang suspek na hindi huminto sa checkpoint ng mga gwardiya ng codominium.Pinarada nito ang motorsiklo sa parking area at umakyat sa ikalawang palapag ng condominium.“Itong mga guard natin, sinundan nila ‘yung lalaki na dumire-diretso sa second floor. Sinuyod nila ‘yung building,” sabi ni Police Colonel Jenny Tecson, Officer-In-Charge ng Marikina City Police Station.Pwersahan na palang nabuksan ng suspek ang isang condominium unit na pagmamay-ari ng isang senior citizen na dentista na nakatira sa Davao City.“Wala pong tao roon sa lugar ginamit niya ito ng screw para mabuksan at mapwersa talaga,” sabi ni PCol. Tecson.Naaktuhan siya ng mga security guard na lumabas sa unit at nagtatakbo pero nakorner din,.Narekober sa bag ng suspek ang isang airsoft pistol na kargado ng mga bala, kutsilyo, video game console at mga bala nito, neck fan, at iba pang gamit.Agad tumawag ng pulis ang mga guwardiya at tuluyang naaresto ang suspek na napag-alamang taga-Antipolo City.“Sa korte na lang ako magsasalita,” sabi ng suspek.Napag-alamang nakaw din ang gamit niyang motorsiklo mula Quezon City.Dati nang nakulong ang lalaki dahil din sa pagnanakaw.Nasa kustodiya na siya ng Marikina Police at nahaharap muli sa kasong pagnanakaw.

Arestado ang isang 21-anyos na lalaki matapos magnakaw sa isang condominium unit sa Barangay Sto. Niño, Marikina City Linggo ng madaling araw, January 11, 2026.

Arestado ang isang 21-anyos na lalaki matapos magnakaw sa isang condominium unit sa Barangay Sto. Niño, Marikina City Linggo ng madaling araw, January 11, 2026.