Tovic Salvador

Lalaking nagnakaw ng 2 drone ng travel vlogger sa QC, arestado sa iligal na baril

Article (news)

Bea Cuadra

ABS-CBN News

Timbog ang isang 29-anyos na lalaki na itinuturong nasa likod ng pagnanakaw ng mga mamahaling drone mula sa isang travel vlogger noong nakaraang linggo.Sa imbestigasyon ng Talipapa Police Station, nakilala ang suspek na siya ring kumuha ng dalawang drone na nagkakahalaga ng mahigit P100,000 noong madaling araw ng February 17 sa Congressional Avenue, Barangay Bahay Toro.Sa kuha ng CCTV, makikita ang nakaparadang tuktuk ng vlogger. Sinamantala ng suspek ang pagkakataon nang masipat na tulog ang biktima bago tinangay ang mga kagamitan.“Upon verification ng identity ng suspek, na-found out natin na same person ito na person of interest doon sa nagnakaw ng mga drone sa isang vlogger,” pahayag ni PLt. Col. Von Alejandrino, Station Commander ng Talipapa Police Station.Naaresto ang suspek nitong Sabado ng gabi, February 21, sa Barangay Tandang Sora matapos mahulihan ng isang kalibre .38 na baril na may lamang dalawang bala sa gitna ng ikinasang Oplan Galugad.“Meron silang namataan na tao na nakaupo sa gilid ng eskinita tapos meron siyang nililinis o kinakapa na baril, kaya bigla itong tinakbo tsaka hinuli ng mga operatiba natin,” kwento ni PLt. Col. Alejandrino.Agad inaresto ang suspek matapos mapatunayang walang kaukulang papeles ang bitbit na armas.Aminado naman ang suspek sa ginawang pagnanakaw at sinabing naibenta na niya ang mga drone sa halagang P5,000 lamang. Lumitaw din sa record ng pulisya na dati na ring nakulong ang suspek noong 2019 dahil sa mga kasong theft at robbery.“Nanghihingi po ako ng tawad sa complainant dahil sa nagawa ko... tungkol sa baril, dala ko po &#x27;yun bilang proteksyon para sa sarili ko. Dala lang po ng pangangailangan, wala kasi akong trabaho,” paliwanag ng suspek.Kasalukuyan nang nakapiit ang suspek sa custodial facility unit ng Talipapa Police Station at nahaharap sa mga reklamong pagnanakaw at paglabag sa Comprehensive Firearms and Ammunition Regulation Act.

Timbog ang isang 29-anyos na lalaki na itinuturong nasa likod ng pagnanakaw ng mga mamahaling drone mula sa isang travel vlogger noong nakaraang linggo.

Timbog ang isang 29-anyos na lalaki na itinuturong nasa likod ng pagnanakaw ng mga mamahaling drone mula sa isang travel vlogger noong nakaraang linggo.