Marilyn Cahatol

Sapul sa CCTV: 8-anyos, ninakawan ng cellphone, pera sa Sta. Cruz, Maynila

Article (news)

Eon Sanchez

ABS-CBN News

<p>MAYNILA — Ninakawan ng isang nakabisikletang lalaki ang isang 8-taong gulang na batang babae habang mag-isang naglalakad para bumili ng meryenda sa Sta. Cruz, Maynila, noong hapon ng Marso 11.</p><div> </div><div style="text-align:center"><iframe src="https://www.facebook.com/plugins/video.php?height=314&amp;href=https%3A%2F%2Fwww.facebook.com%2Freel%2F1413123296797414%2F&amp;show_text=false&amp;width=560&amp;t=0" width="560" height="314" style="border:none;overflow:hidden" scrolling="no" frameBorder="0" allowfullscreen=""></iframe><br/></div><div> </div><p>Nahagip sa CCTV ng Barangay 340 ang pagsabay ng kawatan sa paglalakad ng bata. Makikita sa footage na inabutan pa nito ng kapirasong karton ang biktima bago pasimpleng kinuha ang cellphone na nagkakahalaga ng P8,000. Kasama ring natangay ang P1,000 cash na nakaipit sa phone case.</p><p>Sinubukan pa ng bata na hingin ang kaniyang cellphone, ngunit tinakot siya ng lalaki at pinatigil sa isang tabi habang mabilis na tumatakas ang suspek.</p><p>&quot;Hinawakan niya na po akong mahigpit sa kamay ko tapos sumunod ako tas gusto ko nga po tumakbo kaso tingin siya nang tingin sa likod. Hindi po ako makatakas,&quot; kuwento ng biktima.</p><p>Batay sa imbestigasyon ng barangay, nagsimulang buntutan ng kawatan ang bata mula sa Oroquieta Street sa Barangay 336 hanggang sa Felix Street, bago ito tuluyang ninakawan pagdating sa P. Guevarra Street sa Barangay 340.</p><p>“Habang naglalakad, may lalaki na lumapit at sinabing kilala ang magulang at may ipapakuha raw na plantsa. Makikita po sa CCTV na tila nilansi lang ang bata… pinalayo siya at tuluyang nakatakas ang suspek na nakabisikleta,&quot; ani Kagawad Choleng Lagura.</p><div><a href="https://www.abs-cbn.com/news/nation/2026/2/24/sapul-sa-cctv-magnanakaw-nagpanggap-na-tenant-sa-san-mateo-0702">Sapul sa CCTV: Magnanakaw nagpanggap na tenant sa San Mateo</a></div><p>Ayon sa ina ng biktima, naglakas-loob silang isapubliko ang insidente dahil sa pagkakahawig ng salarin sa lalaking <a href="https://www.abs-cbn.com/news/nation/2026/3/20/tangkang-pagdukot-sa-11-anyos-na-bata-sa-sta-ana-maynila-sapul-sa-cctv-0822">nagtangkang dumukot </a>sa isang 11-anyos na bata sa Sta. Ana, Maynila, noong March 19.</p><p>“May nag-send po sa akin ng video na kagaya ng ginawa sa anak ko… inulit-ulit ko po iyon at sigurado po ako na siya rin iyon. Parehas na parehas po—‘yung cap, t-shirt, tsinelas,” aniya.</p><p>Sa kabila nito, nilinaw ng kagawad na hindi pa kumpirmado kung iisang tao lamang ang suspek sa dalawang insidente. “Hindi ko talaga masasabing pareho, pero ‘yung modus ng pananalansi, halos pareho. Pati ‘yung pananamit—naka-cap, naka-white shirt, at nakabisikleta,&quot; dagdag ni Lagura.</p><p>Isusumite na ng barangay sa pulisya ang kopya ng CCTV para makatulong sa isinasagawang imbestigasyon.</p><p>Samantala, bukod sa paalalang huwag hayaang mag-isa sa daan ang mga bata, binigyang-diin din ng mga awtoridad sa mga magulang na iwasang pagbitbitin ng malaking halaga ng pera ang mga menor de edad, at maging mapagmatyag sa paggamit ng cellphone sa mga pampublikong lugar.</p><div><br/></div><div><strong>RELATED VIDEO:</strong></div><div style="text-align:center"><iframe width="560" height="315" src="https://www.youtube.com/embed/aTUFR-7TE1c?si=3jXo6mkCXS9TLCZ9" title="YouTube video player" frameBorder="0" allowfullscreen=""></iframe></div>

<p>Ninakawan ng isang nakabisikletang lalaki ang isang 8-taong gulang na batang babae habang mag-isang naglalakad para bumili ng meryenda sa Sta. Cruz, Maynila, noong hapon ng Marso 11.</p>

Ninakawan ng isang nakabisikletang lalaki ang isang 8-taong gulang na batang babae habang mag-isang naglalakad para bumili ng meryenda sa Sta. Cruz, Maynila, noong hapon ng Marso 11.