Cheyenne Suarez

SK chairman sa Maynila inirereklamo ng pananakit ng buntis na kasintahan

Article (news)

Christopher Sitson

ABS-CBN News

MAYNILA — Inirereklamo ang isang SK chairman sa Maynila ng kanyang kasintahan dahil sa umano’y paulit-ulit na pananakit.Ang biktima ay 24-anyos na model at talent na dalawang buwang buntis habang ang kanyang inirereklamo ay ang 25-anyos niyang boyfriend na SK chairman.Dalawang taon na ang relasyon ng dalawa at nagsimula umano ang pananakit ng lalaki noong sila’y humantong sa kanilang ika-walong buwan.Naganap umano ang pinakahuling insidente ng pananakit nito lamang Biyernes, April 24.Ayon sa babae, nag-ugat ang pananakit matapos magselos ang SK chairman nang biglang tumawag ang kanyang kaibigan sa gitna ng kanilang kulitan. “Bigla na lang po niya akong sinampal tapos ginanon-ganon niya ako ng p@#yu sa mukha. Lumaban po ako sakanya, nilabanan ko po siya. Pinapatulan niya po ako. Tinatadyakan nya po ako, hinahagis nya ako kahit alam nyang buntis ako. Binabalibag niya ako,” sabi ng babae.Isa lang anya ito sa umano’y serye ng pananakit ng kanyang boyfriend na tiniis niya dahil gusto niyang magkaroon ng buong pamilya para sa bata.“Buntis po ako, responsibilidad niya na samahan ako, pero para lang samahan niya ako gusto niya pa-tattoo-an ko po siya. Eh di ginawa ko po kasi gusto ko siya makasama,” kwento ng babae.Nakapanayam ng ABS-CBN News ang SK chairman na may mga sugat din sa katawan dahil sinaktan din umano siya ng babae.Sinira rin anya ng kanyang girlfriend ang kanyang motorsiklo nang sila’y magtalo.Aminado naman ang babae sa akusasyon sa kanya ng SK chairman at sinabing self-defense ang kanyang ginawa.“Opo sa sobrang sama po kasi ng loob ko pati nanay ko sinasagot na niya po,” buwelta ng babae.Ilang beses na ring nakapag-blotter sa barangay ang babae laban sa SK chairman pero hindi ito tinutuluyang kasuhan.Pero ngayon, desidido na siyang ituloy ang kaso.“Papanindigan ko na po na akin lang po ‘yung anak ko. Gaya po ng gusto niyang mangyari na sakin lang po ‘yung anak ko. Hindi dapat maging SK ‘yung ganyang klase ng tao,” sabi pa ng babae.Ayon naman sa barangay kung saan naglilingkod ang lalaki, maayos nitong nagagampanan ang tungkulin.“Si SK po ok naman siya rito sa barangay namin. ‘Yung mga proyekto niya nagagawa naman niya po,” sabi ng isa sa kagawad ng barangay.Pero napansin na minsa’y nakaaapekto sa tungkulin ang relasyon nito sa babae.“Minsan gusto nung girl nandun lang si SK sakanya, minsan pag kailangan si SK dito nale-late siya,” dagdag ng barangay.Pormal nang naghain ng reklamo ang babae sa pulisya laban sa SK chairman na posibleng maharap sa kaukulang kaso.<div><a href="https://www.abs-cbn.com/news/12/01/23/sk-chairman-timbog-sa-pangmomolestiya-umano">SK chairman timbog sa pangmomolestiya umano</a></div>

Inirereklamo ang isang SK chairman sa Maynila ng kanyang kasintahan dahil sa umano’y paulit-ulit na pananakit.

Inirereklamo ang isang SK chairman sa Maynila ng kanyang kasintahan dahil sa umano’y paulit-ulit na pananakit.