Rowena Caronan

FACT CHECK: ABS-CBN News, ipinalalabas na nagmanipula ng lumang larawan sa posts nito

Article (news)

ABS-CBN Research and Verification Unit

<div><img src="https://od2-image-api.abs-cbn.com/prod/editorImage/177573382582520260409_Fake ABS-CBN posts_main.png" style="width:960px" class="fr-fic fr-dib" width="960"/></div><div><br/></div><p>Minanipula ang kumakalat na screenshots ng social media posts ng ABS-CBN News upang pagmukhaing gumamit at nagmanipula ito ng lumang larawan nang iulat nito ang pagtanggi ni President Ferdinand Marcos Jr. sa mga balitang may iniinda siyang karamdaman</p><p>Sinabi ng dalawang magkahiwalay na Facebook post na gumamit diumano ang ABS-CBN News ng mga larawan ng aktibidad ni Marcos noong mga nakaraang taon sa social media posts nito noong April 8, 2026. </p><p>Hindi totoo ang mga pahayag ng dalawang post at manipulado ang mga ginamit nilang screenshot.</p><div> </div><div><strong>Ang 75th anniversary ng Holy See at Pilipinas</strong></div><p>Sa isang post, ibinahagi ang screenshot ng diumano’y social media post ng ABS-CBN News tungkol sa kalagayan ni Marcos. </p><p>Makikita sa nasabing screenshot ang larawan nina Marcos at Arsobispo Charles John Brown at ang caption na: “<em>Pinabulaanan ni Pangulong Ferdinand Marcos Jr. ang mga paratang na may iniinda siyang malubhang karamdaman…</em>”</p><p>Ayon sa caption ng naturang post, ang diumano’y kalakip na larawan sa ABS-CBN News post ay ginanap noon pang January 17, 2025. “<em>Binura</em>” diumano ng ABS-CBN News ang letrang “<em>J</em>” sa petsang makikita sa likuran nina Marcos at Brown para pagmukhaing “<em>A</em>” para sa April. Pinalitan din diumano ang numerong “<em>5</em>” sa “<em>6</em>.”</p><p>Ang totoo, ang inilabas ng ABS-CBN News noong April 8 na may caption na pareho sa mababasa sa screenshot ay isang <a href="https://www.facebook.com/reel/1296876039204629" rel="noopener noreferrer" target="_blank">Facebook reel</a> tungkol sa pagtanggi ni Marcos sa mga balita tungkol sa kanyang kalusugan. </p><p>Makikita sa video si Marcos na nagsasalita sa kanyang opisina, taliwas ito sa ipinakikitang larawan nina Marcos at Brown sa screenshot.</p><p>Ngayong araw, April 9, ay inilabas ang Facebook post na may parehong caption, ngunit ang kalakip nito ay isang <a href="https://www.facebook.com/abscbnNEWS/photos/pinabulaanan-ni-pangulong-ferdinand-marcos-jr-ang-mga-paratang-na-may-iniinda-si/1472491114926140/" rel="noopener noreferrer" target="_blank">quote card na may mukha at pahayag ni Marcos</a>, at hindi rin ang larawan nina Marcos at Brown.</p><p>Ang larawan nina Marcos at Brown na ginamit sa screenshot ay isang hiwalay na ulat ng ABS-CBN News tungkol sa <a href="https://www.facebook.com/abscbnNEWS/posts/pfbid0Mj4LQo2Jgkz27T7FAA3kMDaDDtjjQXnpEBYSW1Pm8mvpQuwDXGcJQMYPBF7AXeAtl" rel="noopener noreferrer" target="_blank">ika-75 na anibersaryo ng diplomatic relations </a>sa pagitan ng Holy See at ng Pilipinas.</p><div><br/></div><div> <img src="https://od2-image-api.abs-cbn.com/prod/editorImage/17757354742863.png" style="width:960px" class="fr-fic fr-dib" width="960"/></div><div><br/></div><p>Ginanap ang selebrasyon sa Ayuntamiento de Manila sa Intramuros noong April 8, 2026, taliwas sa sinasabi sa post na January 2025. Inilabas ito ng ABS-CBN News sa parehong araw ng selebrasyon.</p><p>Dinaluhan ang selebrasyon nina Brown, na tumatayong Apostolic Nuncio sa Pilipinas, Marcos, at Foreign Affairs Secretary Theresa Lazaro. Si Lazaro ay na-appoint lamang noong July 2025, anim na buwan matapos ang sinasabing petsa ng post.</p><p>Mapapanuod din ang nasabing selebrasyon sa ini-upload ng <a href="https://www.youtube.com/watch?v=jbH26HOYxJw" rel="noopener noreferrer" target="_blank">Radio Television (RTV) Malacañang noong April 9</a>.</p><p>Sa isang <a href="https://www.facebook.com/rolljervismanahan/posts/pfbid021MWjp9HZ4ZPVYPoKBFtLtxkRHvsaYQoa3ygEvq1xLorcKDZrJyuPycJNvw4WaZo5l" rel="noopener noreferrer" target="_blank">Facebook post</a>, pinabulaanan ni ABS-CBN News reporter Jervis Manahan, na siyang nag-ulat ng naturang pangyayari, ang mga maling pahayag ng naturang post.</p><div> </div><div><strong>Pagtanggap ng devotional image ng Our Lady of Guadalupe</strong></div><p>Ibinahagi rin sa isang post ang screenshot ng diumano’y ABS-CBN News report noong March 25, 2024. </p><p>Sa screenshot, makikita ang larawan nina Marcos at Mexican businessman at philanthropist na si Victor González Herrera sa harap ng devotional image ng Our Lady of Guadalupe.</p><p>Nilagyan ang screenshot ng caption na “A<em>BS CBN naman, mahilig talaga kayo sa throwback...</em>” at hashtag na “<em>#NasaanAngPangulo</em>.”</p><p>Ang tunay na ulat ng ABS-CBN News ay inilabas sa <a href="https://www.facebook.com/abscbnNEWS/posts/look-president-ferdinand-marcos-jr-received-devotional-images-of-our-lady-of-gua/1471930128315572/" rel="noopener noreferrer" target="_blank">Facebook post</a> at sa <a href="https://www.abs-cbn.com/news/nation/2026/4/8/marcos-receives-devotional-image-of-guadalupe-ahead-of-national-pilgrimage-1841" rel="noopener noreferrer" target="_blank">website</a> nito noong April 8, 2026, taliwas sa sinasabi sa screenshot na March 25, 2024. Mapapanuod din ang pangyayari sa video na <a href="https://www.facebook.com/rtvmalacanang/videos/meeting-with-mr-victor-gonzalez-herrera-study-room-malaca%C3%B1an-palace-april-8-2026/1424176632307014/" rel="noopener noreferrer" target="_blank">ini-upload ng RTV Malacañang sa parehong araw</a>.</p><div><br/></div><div><a href="https://www.abs-cbn.com/news/nation/2026/4/8/marcos-receives-devotional-image-of-guadalupe-ahead-of-national-pilgrimage-1841" rel="noopener noreferrer" target="_blank"><strong>Marcos receives devotional image of Guadalupe ahead of national pilgrimage</strong></a></div><p>Makikita rin na nilapatan ang nasabing screenshot ng ibang logo at hindi ang tunay na logo ng ABS-CBN News.</p><div> </div><div><img src="https://od2-image-api.abs-cbn.com/prod/editorImage/17757354906264.png" style="width:960px" class="fr-fic fr-dib" width="960"/></div><div><br/></div><p>Hindi ito ang unang beses na ginamit ang ABS-CBN News para magpakalat ng maling impormasyon.</p><div> </div><div><a href="https://news.abs-cbn.com/news/2024/9/5/fact-check-walang-report-ang-abs-cbn-tungkol-sa-kaso-kay-enrique-razon-jr-1431" rel="noopener noreferrer" target="_blank"><strong>FACT CHECK: Walang report ang ABS-CBN tungkol sa kaso kay Enrique Razon Jr.</strong></a></div><div><a href="https://www.abs-cbn.com/news/2024/5/9/fact-check-walang-report-ang-anc-tungkol-sa-produktong-nakapagpapagaling-ng-hypertension-1258" rel="noopener noreferrer" target="_blank"><strong>FACT CHECK: Walang report ang ANC tungkol sa produktong nakapagpapagaling ng hypertension</strong></a></div><div><a href="https://www.abs-cbn.com/news/weather-traffic/2025/7/3/fact-check-hindi-totoong-may-super-typhoon-bising-1953" rel="noopener noreferrer" target="_blank"><strong>FACT CHECK: Hindi totoong may &#x27;super typhoon Bising&#x27;</strong></a></div><div> </div><p>Ugaliing kumuha ng mga impormasyon sa lehitimong website ng <a href="https://abs-cbn.com/news" rel="noopener noreferrer" target="_blank">ABS-CBN News</a> at sa mga opisyal na social media account ng “ABS-CBN News” sa <a href="https://www.facebook.com/abscbnNEWS/" rel="noopener noreferrer" target="_blank">Facebook</a>, <a href="https://x.com/ABSCBNNews" rel="noopener noreferrer" target="_blank">X (dating Twitter)</a>, <a href="https://www.tiktok.com/@abscbnnews" rel="noopener noreferrer" target="_blank">TikTok</a>, <a href="https://www.instagram.com/abscbnnews/" rel="noopener noreferrer" target="_blank">Instagram</a>, at <a href="https://www.youtube.com/@abscbnnews" rel="noopener noreferrer" target="_blank">YouTube</a>.</p><div> </div><div style="text-align:center"><em>Kung kayo’y may alam na kahina-hinalang social media page, group, account, o website, artikulo, larawan, o impormasyong ipinapakalat sa mga messaging app, maaaring makipag-ugnayan sa aming email </em><a href="mailto:factcheck@abs-cbn.com"><em>factcheck@abs-cbn.com</em></a><em> o X account </em><a href="https://twitter.com/abscbnfactcheck" rel="noopener noreferrer" target="_blank"><em>@abscbnfactcheck</em></a><em>. </em></div>

<p>Minanipula ang kumakalat na screenshots ng social media posts ng ABS-CBN News upang pagmukhaing gumamit at nagmanipula ito ng lumang larawan nang iulat nito ang pagtanggi ni President Ferdinand Marcos Jr. sa mga balitang may iniinda siyang karamdaman.</p>

Minanipula ang kumakalat na screenshots ng social media posts ng ABS-CBN News upang pagmukhaing gumamit at nagmanipula ito ng lumang larawan nang iulat nito ang pagtanggi ni President Ferdinand Marcos Jr. sa mga balitang may iniinda siyang karamdaman.