Joselito Malig

Danish national arestado matapos manira ng gamit at tumangging magbayad sa inn sa Pasay

Generic thumbnail for jail. Jail thumbnail

Article (news)

Lyza Aquino

ABS-CBN News

MAYNILA — Arestado ang isang 50-anyos na Danish national matapos manira ng gamit at tumangging bayad ng penalties sa isang inn sa Barangay 191, Pasay City.Lumabas sa imbestigasyon ng NCRPO, nagcheck-in sa nasabing establishment ang dayuhan noong May 13, 2026. Nagbayad siya ng cash nang siya ay mag check-in ngunit kinabukasan ay humirit umano ang dayuhan na ma-extend pa ang kanyang pananatili sa lugar.Nagkaroon ng kasunduan ang empleyado ng inn at ang dayuhan na babayaran na lamang ng suspect ang karagdagang fees kapag siya ay magchecheck out na dakong 4:00pm, Huwebes, Mayo 14.Pero nang magsagawa ng inspection ang mga staff sa kwarto ng dayuhan, nakita nilang sira ang safety box ng kwarto at nilabag din niya ang no smoking policy ng establishment.Sinabihan nila ang dayuhan na magbayad ng mga multa na aabot sa mahigit P5,000 ngunit ayaw niya umanong magbayad.Sinusubukan pang hingan ng pahayag ng ABS-CBN News ang dayuhan hinggil dito.Doon na humingi ng tulong sa mga pulis ang mga staff at hinuli ang suspect. Nakakulong na siya ngayon sa Pasay City Police Station na mahaharap sa reklamong estafa at malicious mischief.

Arestado ang isang 50-anyos na Danish national matapos manira ng gamit at tumangging bayad ng penalties sa isang inn sa Barangay 191, Pasay City.

Arestado ang isang 50-anyos na Danish national matapos manira ng gamit at tumangging bayad ng penalties sa isang inn sa Barangay 191, Pasay City.