Geline Salac

Lalaki sinaksak, ginilitan habang naka-live sa social media

Article (news)

arrested

Bea Cuadra

ABS-CBN News

Patay ang isang 45-anyos na lalaki matapos gilitan at pagsasaksakin ng isang 34-anyos na lalaking suspek sa Silverio Compound, Barangay San Isidro, Parañaque noong Huwebes ng hapon, Mayo 28.Nakunan sa sariling social media live video ng biktima ang krimen, kung saan makikitang naglalaba lang ito nang biglang gilitan at saksakin ng suspek.Sinubukan pang umilag ng biktima at nabitawan ng suspek ang hawak na patalim pero muli siyang bumunot ng isa pang kutsilyo at ipinagpatuloy ang pag-atake.Nagawa pang makalayo ng biktima at nadala sa ospital ng mga kapitbahay pero dahil sa tindi ng tama sa katawan dead on arrival na ito.Ayon naman sa pinsan ng biktima, huli silang nagkausap sa chat noong tanghali bago ang insidente.Laking gulat niya nang mabalitaan mula sa isang kamag-anak ang tungkol sa live video, hanggang sa makatanggap na lamang siya ng tawag mula sa doktor na patay na ang biktima.Ayon kay PCol. Nicolas Piñon, Chief of Police ng Parañaque City Police Station, sa kanilang pag-imbestiga ay napag-alamang may dati nang alitan ang dalawa.“The previous day at bago nangyari &#x27;yung krimen parang  nagkakaparinigan sila… Parang may alitan eh. Alitan sila na  previously nga &#x27;yung pagkapang-abot nila, so &#x27;yun &#x27;yung umpisa at  &#x27;yung mga kasi magkapit-bahay ito eh. So, malamang nagkakaparinigan at   &#x27;yung insidente hindi pa rin naaayos,” sabi ng hepe.Narekober ng mga awtoridad sa crime scene ang isa sa kutsilyong ginamit ng suspek. Matapos ang insidente, tumakas ang suspek at nagtago pero naaresto rin sa isinagawang hot pursuit operation ng pulisya sa Barangay Singkamas, Makati City nitong Lunes ng hapon, June 1.“Pagkatapos ng incident umalis itong suspect, nagtago. So we have some informations kung saan siya nagtatago… From the start na nangyari, hanggang sa kanina na na nakuha natin,” dagdag pa ni PCol. Piñon.Pursigido ang pamilya nang biktima na mapanagot ang suspek.&quot;Sobrang sakit sakit talaga, ma&#x27;am, promise. Hindi talaga namin matanggap, ma&#x27;am, kasi kausap ko pa &#x27;yun. Kausap pa namin. Tapos minuto ng oras lang, nawala na,&quot; pahayag ng pinsan ng biktima. &quot;Pagbayaran niya &#x27;yung ginagawa niya sa kuya ko. Mabulok siya sa kulungan. Ang dami niyang buhay na sinira, ma&#x27;am. Hindi lang sa amin, sa lahat, mga magulang, kapatid niya. Grabe. Wala siyang awa. Sobra talaga, ma&#x27;am, sakit. Grabe,” aniya.Ayon naman sa kapatid ng suspek, mismong ang kapatid niya ang tumawag sa kanya noong Linggo, Mayo 31, upang ipahayag ang kagustuhang sumuko at panagutan ang ginawa.&quot;Hindi din po namin alam kung ano talaga &#x27;yung totoong nangyari kasi after nu&#x27;n, tumakas siya. Pero after niyan tumakas, sa akin siya kumontak para sabihin na nagsusuko daw siya kasi, papanagutan naman niya. Kaya lang hindi lang din siya makalantad kasi baka pagka-ano siya ng mga tao doon. ‘Yun, feeling ko na-ano naman siya, na-blanko, kaya nangyari &#x27;yun. Pero hanggang ngayon, &#x27;di pa namin siya nakakausap ng mahaba-haba,&quot; saad ng kapatid ng suspek.Nasa kustodiya na ng Parañaque Police Station ang suspek at kasalukuyan nang inihahanda ang reklamong murder na isasampa laban sa kanya.

Patay ang isang 45-anyos na lalaki matapos gilitan at pagsasaksakin ng isang 34-anyos na lalaking suspek sa Silverio Compound, Barangay San Isidro, Parañaque noong Huwebes ng hapon, Mayo 28.

Patay ang isang 45-anyos na lalaki matapos gilitan at pagsasaksakin ng isang 34-anyos na lalaking suspek sa Silverio Compound, Barangay San Isidro, Parañaque noong Huwebes ng hapon, Mayo 28.