Geline Salac

Lola na nagbebenta ng umano'y abortion pill sa Quiapo, arestado

Article (news)

Bea Cuadra

ABS-CBN News

Arestado ang isang 65-anyos na babae matapos mahuli sa entrapment operation na nagbebenta ng umano’y abortion pills sa bahagi ng Evangelista Street corner Carriedo sa Quiapo, Maynila, pasado alas 7:00 ng gabi noong Martes, June 23.Ayon kay PMAJ Fredwin Sernio, PCP Commander ng Plaza Miranda PCP (Sta. Cruz Police Station), ikinasá ang operasyon matapos makatanggap ng sumbong mula sa isang confidential informant.Gumamit ang mga awtoridad ng isang police operative na nagpanggap na buntis para makabili sa suspek.&quot;Nagsagawa po tayo ng entrapment operation laban po dito sa ating suspek at ito po ay nagbunga sa sinagawa nating intelligence gathering and sa report o reklamo na natanggap natin mula sa isang concerned  citizen regarding sa isang tao na nag-aalok nga nitong abortion pills,&quot; pahayag ni PMaj. Sernio.Nasamsam mula sa suspek ang limang blister pack ng hinihinalang abortion pills (na naglalaman ng tig-10 tableta bawat pakete) at dalawang sachet ng mga tabletang walang label.Ibinebenta umano ang bawat blister pack sa halagang ₱3,500Ayon sa pulisya, matagal nang nagbebenta ng mga herbal, insenso, at mga tradisyunal na gamot ang suspek sa Quiapo, ngunit palihim nitong itinatago ang pagbebenta ng mga ilegal na abortion pills.Itinatanggi naman ng suspek ang mga akusasyon laban sa kaniya.&quot;Ayoko na nga po magpa-interview po. Ayoko na po magpa-interview. Hindi naman totally ako nagtitinda nyan. Ano lang ako, na ano lang ako kasi, napadaan ako kasi, kukuha ko ng gamot ko,&quot; giit ng suspek.Kasalukuyan nang nakikipag-ugnayan ang pulisya sa Food and Drug Administration (FDA) para masuri ang mga nakumpiskang gamot.Inaalam na rin kung may kinalaman ang supplier ng suspek sa mga nauna nang operasyon laban sa ilegal na droga at gamot sa lugar. Base sa rekord, wala namang naunang kaso ang nahuling suspek.Nagpaalala naman si Sernio sa publiko na mag-ingat sa pagbili ng mga gamot online o sa mga bangketa.&quot;Patuloy po nating hinihikayat ang ating publiko na bumili lamang po ng mga gamot na prescribed po ng doktor at sa mga lisensyado at awtorisadong establishmento lamang. Makipagtulungan po sa ating mga kapulisan in case na meron po tayong matanggap na informasyon regarding po dito sa pagbebenta ng abortion pills o kung anumang iligal na aktibidad,&quot; panawagan ni PMaj. Sernio.Nahaharap ngayon ang suspek sa mga reklamong paglabag sa Republic Act 10918 (Philippine Pharmacy Law), RA 9711 (FDA Act of 2009), at RA 3720 (Food, Drug, and Cosmetic Act).

Gumamit ang mga awtoridad ng isang police operative na nagpanggap na buntis para makabili sa suspek.

Gumamit ang mga awtoridad ng isang police operative na nagpanggap na buntis para makabili sa suspek.