Jauhn Etienne Villaruel

Article (news)

Christopher Sitson

ABS-CBN News

<div><span class="fr-img-caption fr-fic fr-dib" style="width:960px;display:block" width="960"><span class="fr-img-wrap"><img src="https://od2-image-api.abs-cbn.com/prod/editorImage/1783986010065Screen Shot 2026-07-14 at 7.04.27 AM (3).jpg" style="width:960px" class="fr-fic fr-dib" width="960"/><span class="fr-inner" style="text-align:left">Arestado ang limang miyembro ng tinaguriang &quot;Gapos Gang&quot; matapos maaktuhan ng pulisya na nanloloob sa isang bahay sa Barangay Concepcion Dos, Marikina City, noong madaling araw ng Lunes, Hulyo 13. <em>Courtesy: Marikina CPS via Christopher Sitson, ABS-CBN News</em></span></span></span></div><p>MAYNILA — Arestado ang limang miyembro ng tinaguriang &quot;Gapos Gang&quot; matapos maaktuhan ng pulisya na nanloloob sa isang bahay sa Barangay Concepcion Dos, Marikina City, noong madaling araw ng Lunes, Hulyo 13.</p><p>Sa isang CCTV footage, makikita ang pagdating ng isang itim na van sa parking area ng isang kainan sa Marcos Highway pasado alas-11 ng gabi ng Linggo, kung saan bumaba ang mga sakay nito. </p><p>Sa isa pang kuha, makikita naman ang grupo ng mga lalaki na nagpupulong sa tabi ng mga sasakyan bago isagawa ang panloloob.</p><p>“Nag-usap-usap muna sila kung paano ang magiging galaw nila bago pumasok sa bahay. Noong July 8 pa po sila rito at minanmanan na po nila &#x27;yung bahay na kanilang biniktima,” ani Police Colonel Jenny Tecson, Chief of Police ng Marikina City Police Station.</p><div><br/></div><div><strong>PEKENG WARRANT</strong></div><div><br/></div><p>Ilang minuto bago mag-alas-12 ng hatinggabi, dumating ang isa pang sasakyan kung saan sumakay ang ilan pa sa mga suspek bago sabay-sabay na umalis. Kita sa video na hindi pa nakatakip ang mga mukha ng mga suspek.</p><p>Ayon sa pulisya, kinatok ng walong suspek ang bahay ng isang negosyante at nagpanggap na mga tauhan ng PNP, SWAT, at NBI gamit ang mga pekeng warrant of arrest.</p><p>“Sa pagpapanggap nila bilang alagad ng batas, pagpasok nila ay agad-agad nilang pinutol &#x27;yung kawad ng Wi-Fi na nagkokonekta sa CCTV ng bahay at ginapos &#x27;yung mga naroon sa loob,” pahayag ni Eastern Police District (EPD) director Brigadier General Melecio Buslig, Jr.</p><div><br/></div><div><strong>NAKAPAG-TEXT NG SAKLOLO</strong></div><div><br/></div><p>Hinalughog ng mga suspek ang buong bahay at inutusan pa ng isa sa kanila ang biktima na buksan ang cellphone nito upang ilipat ang lahat ng laman ng kanyang online wallet. Gayunman, nagawa nitong mag-text at humingi ng saklolo sa pulisya.</p><p>“Pagdating po namin sa area, on progress (kasalukuyang nagaganap) &#x27;yung robbery,” ayon kay PCMS Rolando Cornejo, Shift Supervisor ng Marikina CPS Substation 8.</p><p>Dahil sa pagkabigla sa pagdating ng mga pulis, hindi na nakapalag ang limang suspek habang nasapul naman sa CCTV ang pagtakas ng tatlo pa nilang kasamahan.</p><p>Natangay ng mga nakatakas na suspek ang mga cash, alahas, at gadget na may kabuuang halaga na aabot sa mahigit P3 milyon.</p><p>Narekober naman sa limang naaresto ang isang tablet, mamahaling relo, isang baril, apat na sumpak o improvised gun, mga balaclava mask, mga cellphone, cable ties, at tatlong kopya ng pekeng warrant of arrest.</p><p>“Hindi kami hihinto hanggang hindi kayo nakukulong,” babala ni Buslig sa tatlong nakatakas na suspek.</p><p>“Kapag ang pulis ay nag-implement ng search warrant, kailangang naka-uniporme, may kasamang taga-barangay, magalang na kakatok, at ipapakita ang opisyal na dokumento,&quot; payo naman nito sa publiko.</p><p>Kasalukuyan nang nasa kustodiya ng Marikina Police ang mga naarestong suspek na nahaharap sa mga kasong Robbery with Violence Against or Intimidation of Persons, Usurpation of Authority, Illegal Possession of Firearms, Slight Illegal Detention, at Falsification of Public Documents.</p><div><br/></div><div><strong>KAUGNAY NA VIDEO</strong></div><div><strong><span class="fr-video fr-deletable fr-fvc fr-dvb fr-draggable" contenteditable="false" draggable="true"><iframe width="640" height="360" src="https://www.youtube.com/embed/gBtlr0qD1Ec?&amp;wmode=opaque&amp;rel=0" frameBorder="0" allowfullscreen="" class="fr-draggable"></iframe></span></strong><br/></div>

<p>Arestado ang limang miyembro ng tinaguriang "Gapos Gang" matapos maaktuhan ng pulisya na nanloloob sa isang bahay sa Barangay Concepcion Dos, Marikina City, noong madaling araw ng Lunes, Hulyo 13.</p>

Arestado ang limang miyembro ng tinaguriang "Gapos Gang" matapos maaktuhan ng pulisya na nanloloob sa isang bahay sa Barangay Concepcion Dos, Marikina City, noong madaling araw ng Lunes, Hulyo 13.

Panloloob ng ‘Gapos Gang’ na nagpanggap na mga pulis sa Marikina napurnada, 5 huli

News

Entertainment

Lifestyle

Sports

Metro.Style

More

BINI

Sudoku

Word of the Day

Lotto

Horoscope

Nation

Panloloob ng ‘Gapos Gang’ na nagpanggap na mga pulis sa Marikina napurnada, 5 huli

Christopher Sitson,

ABS-CBN News

Published July 14, 2026 07:42 AM PHT

Read More:

Marikina

gapos gang

barangay concepcion dos

suspects

lalaki

grupo

pekeng warrant of arrest

eastern police district

ABS-CBN Newsletter

Your go-to source for the latest news, entertainment highlights, exclusive interviews, and updates on your favorite Kapamilya stars.

ABS-CBN Newsletter

Your go-to source for the latest news, entertainment highlights, exclusive interviews, and updates on your favorite Kapamilya stars.

Sign Up

I have read and agree to the Terms and Privacy Policy.

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.