Geline Salac

Carnapper tiklo matapos maaksidente habang gamit ang nakaw na plaka

Article (news)

Christopher Sitson

ABS-CBN News

Arestado sa ospital ang isang itinuturing na notoryus na carnapper matapos maaksidente habang gamit ang plaka ng isang ninakaw na motorsiklo sa Antipolo, Rizal.Bistado ang 22-anyos na suspek nang mag-match ang plaka ng kaniyang naaksidenteng motorsiklo noong Biyernes, Hulyo 17, sa Barangay Sta. Cruz sa plaka ng motorsiklong halos tatlong linggo nang hinahanap ng Barangay San Isidro Public Safety Office at Antipolo City Police.“&#x27;Yung plaka nung motor na unang nawawala na recorded dito sa amin, ay nakakabit doon sa motor kung saan naaksidente &#x27;yung suspek,” ani Renante Tuñacao, hepe ng Barangay San Isidro Public Safety Office.Natunton ang suspek sa isang ospital sa Quezon City kung saan ito kasalukuyang nagpapagaling matapos magtamo ng sugat sa tuhod.Nahaharap na ang suspek sa kasong paglabag sa New Anti-Carnapping Act of 2016.Ayon sa barangay at pulisya, ang suspek ay may dati nang mga record sa iba&#x27;t ibang kaso ng carnapping at pangho-holdap sa lugar.Itinanggi ng suspek ang paratang sa kanya.“Noong kinausap po namin siya sa ospital ang sabi niya ay nabili lang niya ito sa kanyang kakilala ng P4,500. Itinatanggi niya po na ninakaw niya ito pero may binabanggit po siya na mga pangalan, mga kasamahan,” ani Lester Galla, miyembro ng San Isidro BPSO. Narekober na ng awtoridad ang plaka, na nagbigay-ginhawa sa 27-anyos na biktima na nangangambang magamit sa panloloko o krimen ang kaniyang pangalan at impormasyon.“Plaka ko po &#x27;yung ginamit. Possible po na kung gumawa man sila ng kalokohan, nangholdap gano&#x27;n, tapos makuha sa CCTV na plaka ko po &#x27;yung gamit, siyempre unang-una ako po &#x27;yung hahabulin ng authority,” sabi ng biktima.Habang nagpapagaling ang suspek sa ospital, nagpapatuloy ang follow-up operation at imbestigasyon ng pulisya upang mabawi ang mismong nawawalang motorsiklo at matukoy ang mga posibleng kasabwat ng suspek.

Arestado sa ospital ang isang itinuturing na notoryus na carnapper matapos maaksidente habang gamit ang plaka ng isang ninakaw na motorsiklo sa Antipolo, Rizal.

Arestado sa ospital ang isang itinuturing na notoryus na carnapper matapos maaksidente habang gamit ang plaka ng isang ninakaw na motorsiklo sa Antipolo, Rizal.