Geline Salac

Barangay kagawad binaril sa tapat ng kanyang bahay sa Makati

Article (news)

kagawadshot

Eon Sanchez

ABS-CBN News

Sugatan ang isang barangay kagawad na isa ring abugado matapos pagbabarilin ng hindi pa nakikilalang suspek sa tapat ng kaniyang bahay sa Barangay Olympia, Makati City, Huwebes ng umaga.Ayon sa Makati City police, nangyari ang insidente bandang alas-8:05 ng umaga sa Zapote Street.Kinumpirma rin ni Barangay Olympia Executive Officer Reynaldo Oczon ang insidente.“Merong barilan kanina at nagkataon na itong nabaril ay isang kagawad ng kabilang barangay, which is Barangay Santa Cruz,” ani Oczon.Sa imbestigasyon, nasa loob ng kanilang bahay ang asawa ng biktima nang makarinig siya ng malakas na putok. Makalipas ang ilang sandali, ipinaalam ng isang kapitbahay na binaril ang kaniyang asawa ng isang lalaking naglalakad sa lugar bago tumakas.Agad na lumabas ang asawa ng biktima at nadatnan ang barangay kagawad na may tama ng bala sa ulo. Humingi siya ng tulong at isinugod ang biktima sa pagamutan.“Nagresponde naman agad yung ating mga bantay-bayan at pagdating nila doon ay agad namang may kunuha na private car sa nabaril na kagawad,&quot; ani Oczon.Natamaan ng bala sa ulo ang biktima.“Okay naman na yung kagawad. Sana magtuloy-tuloy,&quot; ani Oczon.Inilarawan ang suspek na nakasuot ng asul na bull cap, itim na hoodie jacket, maong na pantalon at tsinelas. Nakita umano itong tumakas patungo sa Novaliches Street matapos ang pamamaril.Patuloy ang backtracking sa mga CCTV footage at isinasagawa ang crime scene processing upang matukoy ang pagkakakilanlan ng suspek at motibo sa insidente.Ayon kay Oczon, kinukumpuni pa ang mga CCTV ng barangay sa imbestigasyon dahil kasalukuyan itong hindi gumagana.“Frankly speaking, sa amin po kasi ngayon, under maintenance yung aming CCTV,” aniya.Sa isang pahayag, kinondena ni Makati City Mayor Nancy Binay ang pamamaril sa barangay kagawad at tiniyak na nakahanda ang pamahalaang lungsod na tumulong sa biktima at sa kaniyang pamilya.Ayon kay Binay, inatasan na niya ang Makati police na agarang aksyunan ang kaso at gawin ang lahat upang matukoy at maaresto ang mga responsable. Pinalakas na rin aniya ang presensya ng pulisya sa Barangay Sta. Cruz at sa mga karatig na barangay habang nagpapatuloy ang imbestigasyon.“Nasa pangangalaga ngayon ng mga doktor si Kagawad De Ocampo. Nakikiisa po tayo sa panalangin para sa kanya at sa kanyang pamilya. Kaagad na nakipag-ugnayan ang pamahalaang lungsod sa kanila, at nakahanda tayong tumulong sa anumang kanilang pangangailangan,” ani Binay.“Pinapalakas na rin natin ang presensya ng pulisya sa Sta. Cruz at sa mga karatig na barangay habang nagpapatuloy ang imbestigasyon,” dagdag ng alkalde.Samantala, nagsasagawa na ang Southern Police District (SPD) ng manhunt operation laban sa suspek. Nakadeploy na ang mga tauhan ng Police Substation 1 at ng Investigation and Detective Management Section ng Makati City Police Station upang magsagawa ng tuloy-tuloy na follow-up operation at masusing pagsusuri sa mga CCTV footage sa lugar.“In an immediate and unyielding response, specialized personnel from Police Substation 1 alongside the Investigation and Detective Management Section (IDMS) of the Makati City Police Station have been deployed on high alert,” ayon sa SPD.Nanawagan din ang SPD sa publiko na makipagtulungan sa mga awtoridad at magsumbong kung may anumang impormasyong makatutulong sa imbestigasyon.Bukod sa pagiging barangay kagawad, may law firm din ang bitkima na  kapapasa lamang  sa Bar Examinations at naging abogado noong Pebrero 2026.Sinubukan ng ABS-CBN News na humingi ng pahayag ang pamunuan ng Barangay Sta. Cruz ngunit tumanggi muna itong magsalita habang nagpapatuloy ang imbestigasyon.

Sugatan ang isang barangay kagawad na isa ring abugado matapos pagbabarilin ng hindi pa nakikilalang suspek sa tapat ng kaniyang bahay sa Barangay Olympia, Makati City, Huwebes ng umaga.

Sugatan ang isang barangay kagawad na isa ring abugado matapos pagbabarilin ng hindi pa nakikilalang suspek sa tapat ng kaniyang bahay sa Barangay Olympia, Makati City, Huwebes ng umaga.