Ciara Annatu

FACT CHECK: Walang dagdag na gastos ang Senado sa impeachment trial

Binago ang konteksto ng pahayag ni Senate President Sherwin Gatchalian tungkol sa P25 milyon na arawang gastusin ng Senado sa isang kumakalat na post online.

Article (news)

ABS-CBN Research and Verification Unit

<div><img src="https://od2-image-api.abs-cbn.com/prod/editorImage/17848878795062.jpg" style="width:960px" class="fr-fic fr-dib" width="960"/></div><p>Binago ang konteksto ng pahayag ni Senate President Sherwin Gatchalian tungkol sa P25 milyon na arawang gastusin ng Senado sa isang kumakalat na post online.  </p><p>Ayon sa isang Facebook post na inilabas noong July 21, 2026, diumano’y P25 milyon kada araw ang gastos ng Senado para sa impeachment trial ni Vice President Sara Duterte. Dahil dito, diumano’y aabot sa P2.3 bilyon ang gastos ng Senado, na umuupo bilang impeachment court, sa kabuuang 92 na araw ng paglilitis.</p><p>Totoong P25 milyon ang gastos ng Senado kada araw, base sa pahayag ni Gatchalian, pero iyan ay mapa-regular na sesyon man o impeachment trial. Ito ay dahil sinabi ni Gatchalian na wala silang dagdag na gastos sa pagpapatakbo ng paglilitis sa bise presidente.</p><div><br/></div><div><strong>ARAWANG GASTOS NG SENADO</strong></div><p>Maaaring kinuha ang halagang P25 milyon mula sa pahayag ni Gatchalian noong <a href="https://youtu.be/tX9xvq-1rkM?t=110" rel="noopener noreferrer" target="_blank">June 2, 2026</a> tungkol sa gastos ng Senado sa pang-araw-araw na operasyon nito.</p><p>“Every day, ang Senate gumagastos ng P25 million, sa kuryente, sa utilities, sa sweldo,” ani Gatchalian.</p><p>Binanggit ito ni Gatchalian noong June 2 nang hindi dumalo sa dalawang magkasunod na sesyon ang ilang senador matapos maaresto si Senator Jinggoy Estrada dahil sa pagkakasangkot niya sa flood control corruption scandal.</p><div><a href="https://www.abs-cbn.com/news/nation/2026/6/2/lacson-majority-bloc-s-no-show-at-senate-session-dereliction-of-duty-1110" rel="noopener noreferrer" target="_blank">Majority bloc accused of holding &#x27;legislation hostage&#x27; over Monday no-show</a></div><p>Paliwanag ni Gatchalian, nasasayang ang pera ng bayan kapag hindi pumapasok o nakadadalo sa sesyon ang mga senador dahil walang maipapasang resolusyon o batas.</p><div><br/></div><div><strong>BUDGET SA IMPEACHMENT TRIAL</strong></div><p>Nang tanungin si Gatchalian sa isang panayam noong <a href="https://youtu.be/V5KsPT85Jtg?t=973" rel="noopener noreferrer" target="_blank">July 16</a> kung magkano ang ginagastos ng Senado araw-araw kapag may impeachment trial, nilinaw niyang walang dagdag na gastos ang Senado sa pagganap nito bilang impeachment court.</p><p>“Walang dagdag gastos dahil itong impeachment ay itinatrato namin bilang plenary session. Hindi kami nagdagdag ng tao, hindi nagdagdag ng pagkain, hindi nagdagdag ng other expenses [...] Walang karagdagang gastos on the part of the Senate dahil parang normal na day-to-day function ang ginagawa namin,” sabi ni Gatchalian.</p><p>Ipinaliwanag din niya na ang prosekusyon at depensa ang sumasagot sa sarili nilang gastusin, gaya ng pagkain at karagdagang kagamitan sa teknolohiya. Nagbibigay lamang ang Senado ng mga pangunahing pasilidad na kailangan sa paglilitis. </p><div><br/></div><div><strong>KABUOANG BUDGET NG SENADO </strong></div><p>Batay sa <a href="https://www.dbm.gov.ph/wp-content/uploads/GAA/GAA2026/VolumeIA/CONGRESS/A.pdf" rel="noopener noreferrer" target="_blank">General Appropriations Act, o GAA, para sa taong 2026</a>, halos P8.6 bilyon ang aprubadong pondo ng Senado. Nasa P4.5 bilyon ang nakalaan para sa Personnel Services at P4.1 bilyon para sa Maintenance and Other Operating Expenses.</p><p>Kung itutuos ang P8.6 bilyon sa bawat mahigit 240 working days sa taong 2026, nasa P35.4 milyon ang budget ng Senado kada araw.</p><p>Mula rito kinukuha ang pondo para sa mga regular na gastusin ng Senado, kabilang na ang suweldo ng mga empleyado, pagkukumpuni at maintenance ng mga kagamitan, renta, internet, tubig, at iba pang gastusing pang-operasyon. <strong><em>– with research from Ciara Annatu, ABS-CBN Research and Verification Unit</em></strong></p><div style="text-align:center"><strong></strong><em></em></div><div style="text-align:center"><br/></div><div style="text-align:center"><em>Kung kayo’y may alam na kahina-hinalang social media page, group, account, o website, artikulo, larawan, o impormasyong ipinapakalat sa mga messaging app, maaring makipag-ugnayan sa aming email </em><a href="mailto:factcheck@abs-cbn.com"><em>factcheck@abs-cbn.com</em></a><em> o X (dating Twitter) account </em><a href="https://twitter.com/abscbnfactcheck" rel="noopener noreferrer" target="_blank"><em>@abscbnfactcheck</em></a><em>.   </em><strong></strong></div>

<p>Binago ang konteksto ng pahayag ni Senate President Sherwin Gatchalian tungkol sa P25 milyon na arawang gastusin ng Senado sa isang kumakalat na post online.</p>