Geline Salac

2 lalaki nagnakaw ng kable ng kuryente sa QC; building nawalan ng kuryente

Article (news)

kabletheft2

kabletheft3

kabletheft4

Bea Cuadra

ABS-CBN News

Arestado ang dalawang lalaki matapos magnakaw ng mga kable ng kuryente sa isang apartment building sa Barangay Greater Fairview sa Quezon City, mag aalas 3:00 ng madaling araw noong Martes, July 7.Sa kuha ng CCTV, unang nahagip ang 29-anyos na lalaking sinusubukang kunin ang kable ng kuryente sa harap ng building.Sa susunod na kuha ng CCTV, kita nang dumaan papunta sa gilid ang lalaki kasama ang 27-anyos na lalaking kasabwat na may dalang puting sako na unang nagsilbing lookout.Maya maya pa ay naglakad na paalis ang dalawa bitbit ang mga ninakaw na kable na nakasilid sa loob ng sako.Ayon kay PLt. Col. Albert Jefferson Relente, Fairview Police Station Commander, nalaman ang pagnanakaw dahil biglang nawalan ng kuryente ang buong gusali.&quot;Itong caretaker sinabihan siya ng mga tenant na brownout walang ilaw sa buong apartment. Ang unang ginawa nitong caretaker tiningnan yung CCTV footage doon sa building at nung nakita niya sa CCTV yung suspek may pumasok may nag akyat bahay sa kanila hinihila yung mga wire &#x27;yun ang nagcause ng brownout sa buong apartment,&quot; pahayag ni PLt. Col. Relente.Agad nagsumbong sa pulisya ang caretaker kaya nagsagawa ng follow-up operation ang mga awtoridad. Natukoy ang pagkakakilanlan ng mga salarin hanggang sa maaresto sila sa labas ng kanilang bahay sa Barangay Holy Spirit, Quezon City nitong Miyerkules ng madaling araw.&quot;Kitang-kita yung mukha doon na tayo nag-umpisa forward tracking at saka nagtanong tanong na rin sa mga kapitbahay at saka sa iba doon sa area. Merong isang concerned citizen na naging informant namin na nakilala itong suspek natin,&quot; dagdag ng station commander.Hindi na narecover ng pulisya ang mga ninakaw na kable dahil naibenta na umano ito ng mga suspek.&quot;Nabenta na nila ito sa isang junkshop na for follow up pa namin at nabenta lang nila ito sa halagang P900… ang pagbenta daw ng wires na ganon na makakapal na wires is P400 yung isang kilo. Ibig sabihin kung P900 nila naibenta more than two kilos yung bigat ng nakuha nila lahat,&quot; ani ni PLt. Col. Relente.Napag-alamang dati nang may record sa pulisya ang 29-anyos na suspek dahil sa ilegal na droga.Aminado naman ang dalawa sa nagawang krimen at idinahilan ang kanilang sitwasyon sa buhay.&quot;Dala lang po sa kahirapan,&quot; ani ng 29-anyos na suspek.&quot;Kahirapan lang din po,&quot; sabi din ng 27-anyos na suspek.Nakakulong na ang mga suspek sa custodial facility unit ng Fairview Police Station at nahaharap sa reklamong robbery.

Nalaman ang pagnanakaw dahil biglang nawalan ng kuryente ang buong gusali sa Barangay Greater Fairview sa Quezon City.

Nalaman ang pagnanakaw dahil biglang nawalan ng kuryente ang buong gusali sa Barangay Greater Fairview sa Quezon City.