Cheyenne Suarez

Sunog sa Sampaloc: Babae sugatan, 15 pamilya apektado

Article (news)

Eon Sanchez

ABS-CBN News

<div> </div><div> </div>Isang babae ang nasugatan sa paa habang lumilikas sa gitna ng sunog na sumiklab sa isang residential area sa Marzan Street, Barangay 453, Sampaloc, Maynila, Lunes ng gabi, Agosto 10.Bukod sa sugatan, aabot sa 15 pamilya o 55 indibidwal ang nawalan ng tahanan matapos matupok ng apoy ang 15 bahay na katabi lamang ng Trabajo Public Market.Ayon kay Fire Senior Inspector Cesar Babante, commander ng BFP Manila Station 5, sa ikalawang palapag ng isang bahay nagsimula ang apoy. Mabilis na kumalat ang sunog dahil sa mga istrukturang gawa sa mga lumang kahoy at light materials.“Kung makikita niyo yung structure dito sa kanan ko, ay palengke po ito [Trabajo Public Market], so ang structure po na na-involve ay more on wooden materials,” paliwanag ni Babante.Dahil dito, agad na itinaas sa ikalawang alarma ang sunog ilang minuto matapos sumiklab. Aabot sa 14 na fire truck ang rumesponde at tuluyang naapula ang sunog bago maghatinggabi sa kabila ng masisikip na eskinita.“Kahit na masikip yung papunta sa loob ay, still, nagawa pa rin natin [apulahin ang apoy],” dagdag ni Babante.Kuwento ng residenteng si Janet Surco, 51, patulog na siya nang marinig nila ng kanyang anak ang isang malakas na pagputok. Pagsilip sa pinto, nakita niyang napapalibutan na sila ng makapal na usok.“Ang ginawa ko, binuksan ko agad yung pinto kasi magkatapatan lang yung mga bahay diyan sa loob. Nakita namin usok na usok na. Naghahagilap kami ng fire extinguisher, hindi na kinaya tapos ang ginawa ko, tumakbo na kaagad ako dito sa labas [para] humingi ng tulong sa mga bystander,” dagdag niya.Nailigtas din niya ang kanyang ina na isang senior citizen. Isang bag na may lamang pera at mahahalagang dokumento lamang ang tanging nailigtas niya mula sa natupok nilang tahanan.Tinatayang nasa P200,000 ang kabuuang pinsala sa ari-arian, habang patuloy pang iniimbestigahan ng Bureau of Fire Protection ang eksaktong sanhi ng sunog.

Isang babae ang nasugatan sa paa habang lumilikas sa gitna ng sunog na sumiklab sa isang residential area sa Marzan Street, Barangay 453, Sampaloc, Maynila, Lunes ng gabi, Agosto 10.

Isang babae ang nasugatan sa paa habang lumilikas sa gitna ng sunog na sumiklab sa isang residential area sa Marzan Street, Barangay 453, Sampaloc, Maynila, Lunes ng gabi, Agosto 10.