Geline Salac

Sekyu na isinumbong dahil nag-duty nang lasing, namaril ng katrabaho sa Valenzuela

Article (news)

Christopher Sitson

ABS-CBN News

Arestado ang isang 49-anyos na security guard matapos barilin ang kaniyang katrabahong machine operator sa loob ng isang plastic manufacturing facility sa Barangay Lawang Bato, Valenzuela City noong Linggo, Agosto 16.Batay sa imbestigasyon ng pulisya, Linggo ng hapon nang bigla na lamang nilapitan ng suspek ang nagse-cellphone na biktima at pinaputukan ng kalibre .38 na baril.Nagtamo ng tama ng bala sa tiyan ang biktima ngunit agad na nakadepensa sa sarili.“Ang ating biktima naman po ay nakatakbo at nakakuha po siya ng lamesa kung saan ito &#x27;yung ginamit niyang pang-cover sa kaniyang sarili. Nagkaroon po ng pambuno hanggang sa maagaw niya po &#x27;yung baril ng suspek,” ani Police Major Robin Santos, hepe ng Investigation and Detective Management Section (IDMS) ng Valenzuela City Police.Naawat din ang dalawa ng kanilang mga kasamahan sa trabaho na agad na tumawag ng pulis. Naisugod sa pagamutan ang sugatang biktima na kasalukuyang nagpapagaling.Lumalabas sa imbestigasyon na alitan sa trabaho ang motibo ng suspek.“Diumano, ang ating biktima ay sinusumbong ang gawain nitong suspek na kapag naka-duty siya bilang guwardiya ay nakainom siya. Sinusumbong siya sa management,” dagdag ng opisyal.Narekober mula sa suspek ang ginamit na baril at mga bala. Napag-alaman ng pulisya na walang kaukulang dokumento ang suspek sa pag-aari, pagdadala, at paggamit ng baril.Nasa kustodiya na ng Valenzuela City Police Station ang suspek na tumangging magbigay ng pahayag.Bukod sa frustrated murder, nahaharap din ang suspek sa reklamong paglabag sa Republic Act 10591 o Comprehensive Firearms and Ammunition Regulation Act.

Arestado ang isang 49-anyos na security guard matapos barilin ang kaniyang katrabahong machine operator sa loob ng isang plastic manufacturing facility sa Barangay Lawang Bato, Valenzuela City noong Linggo, Agosto 16.

Arestado ang isang 49-anyos na security guard matapos barilin ang kaniyang katrabahong machine operator sa loob ng isang plastic manufacturing facility sa Barangay Lawang Bato, Valenzuela City noong Linggo, Agosto 16.