Cheyenne Suarez

Lalaki nagnakaw ng delata, nanuntok ng manager ng convenience store

Article (news)

Eon Sanchez

ABS-CBN News

Arestado ang isang 39-anyos na lalaki matapos umanong magnakaw ng isang lata ng corned beef at manuntok ng store manager sa Pedro Gil Street corner Main Street, Barangay 813, Paco, Maynila nitong Huwebes ng umaga, Agosto 20.Kita sa CCTV ang kalmadong paglakad palayo ng suspek mula sa convenience store habang nilalampasan ang police assistance desk sa lugar. Ilang sandali pa ay hinabol na rin ng biktima ang suspek.“Itong suspect ay pumasok sa isang convenience store tapos may kinuha siyang de-lata na nagkakahalaga ng P378... Pagkalabas ng suspek, hinabol siya nitong store manager tapos nasukol siya doon sa Onyx Street. Noong kinompronta siya ng store manager, bigla na lang siyang sinuntok ng suspect,” ani Police Captain Renny Rogero ng Sta. Ana Police Station.Nabawi ng biktima ang ninakaw na lata ng corned beef, at pagbalik sa convenience store ay doon na niya isinumbong sa mga pulis ang nangyaring pagnanakaw at pananakit ng suspek.Namaga ang kanang bahagi ng mukha ng biktima kaya dinala ito sa ospital para gamutin.Sa follow-up operation ng pulisya, nahabol ng mga tauhan ng San Andres Bukid Police Community Precinct ang suspek sa Onyx Street.Sa kulungan, inamin ng suspek ang pagnanakaw pero iginiit niyang gumanti lamang siya ng suntok sa store manager.“Napagtripan ko lang na kunin… siguro dala na rin ng gutom,” paliwanag ng suspek.“Binigay ko sa kanya [yung corned beef] tapos bigla niya ako sinuntok… nagantihan ko tuloy siya ng suntok. Pasensya na kung nagawa ko sa inyo ‘yan. Pinagsisihan ko na,” giit nito.Bineberipika pa ng barangay sa biktima ang pahayag ng suspek.&quot;Matagal na po &#x27;yan siya diyan pero sobrang bait naman. Wala namang record sa barangay,&quot; ani Barangay Kagawad April Lyn Dimalibot ukol sa biktima. Kinumpirma rin nitong hindi residente ng Barangay 813 ang suspek.Kasalukuyan nang nakakulong sa Sta. Ana Police Station ang suspek na nahaharap sa mga kasong theft at physical injuries.

Arestado ang isang 39-anyos na lalaki matapos umanong magnakaw ng isang lata ng corned beef at manuntok ng store manager sa Pedro Gil Street corner Main Street, Barangay 813, Paco, Maynila nitong Huwebes ng umaga, Agosto 20.

Arestado ang isang 39-anyos na lalaki matapos umanong magnakaw ng isang lata ng corned beef at manuntok ng store manager sa Pedro Gil Street corner Main Street, Barangay 813, Paco, Maynila nitong Huwebes ng umaga, Agosto 20.