Geline Salac

'Akyat-bahay' patay nang makipagbarilan sa pulis sa Binondo

Article (news)

akbahay

akbahayy

Bea Cuadra

ABS-CBN News

Patay ang isang umano’y akyat-bahay habang arestado naman ang kaniyang kasabwat matapos makipagbarilan sa mga pulis sa Barangay 287, Binondo, Maynila, nitong Martes ng gabi, Agosto 25, pasado alas-10:00 ng gabi.Ayon sa pulisya, nagsimula ang insidente nang makita ng isang concerned citizen ang dalawang lalaki na inaakyat ang gusali ng package delivery company sa lugar. Agad itong humingi ng saklolo sa mga barangay tanod at sa mga nagpapatrolyang tauhan ng Manila Police District (MPD) Station 11.Ayon kay PLt. Col. Leopoldo Cajipe Jr., Station Commander ng Meisic Police Station (MPD PS-11), nagkabit ng mga lubid sa pagitan ng mga gusali ang mga suspek upang makalipat at makapasok sa kanilang target na pasukin.“Mayroong mga tumawag sa atin, mga nagpapatrol sa PS-11, kaya nagresponde agad &#x27;yung mga tao natin sa alleged attempted robbery... Kung makikita niyo, may mga sinira na silang mga bintana sa taas at nagsigawan na lang &#x27;yung tao, katulong natin &#x27;yung mga tanod dito. Tapos pumunta sila dito kasi may mga puno sa taas ng building... nakakatulay pala sila diyan at nagkakabit sila ng mga lubid... so nakapunta sila dito sa abandoned [building],” kuwento pa ni Cajipe.Nabulabog at walang nanakaw ang dalawa matapos na dumating ang mga nagrespondeng pulis at tanod. Ang isang suspek ay nahuli mismo sa loob ng pinagnanakawang gusali, habang ang isa naman ay lumipat sa katabing abandonadong gusali gamit ang lubid.Sinuyod ng mga awtoridad ang abandonadong gusali hanggang sa masukol ang tumakas na suspek sa ikatlong palapag nito. Sa halip na sumuko, naglabas ito ng baril at pinaputukan ang mga pulis, na nagresulta sa palitan ng putok na ikinasawi ng suspek.&quot;&#x27;Nung search nila, nakita nila &#x27;yung suspect sa third floor... nung nasukol na nila, pinutukan sila ng suspect natin na nagresulta sa armed encounter na ikinamatay ng isa sa suspect natin. Samantalang &#x27;yung kasama ng suspect natin, nahuli doon mismo sa building,” ani PMaj. Dave Garcia, Hepe ng MPD Homicide Section.Ayon naman sa pamunuan ng barangay, lumalabas sa imbestigasyon na noong Disyembre pa sila nakatatanggap ng reklamo ukol sa serye ng pagnanakaw sa nasabing lugar.&quot;Matagal nang [naiuulat] ito pero hindi namin mahuli-huli... Ngayon lang namin naabutan mismo, natyempuhan talaga… &#x27;Yung tauhan lang nitong building... bintana nila bukas, pagpasok nila, tapos may mga apak sa pader, ibig sabihin napapasok talaga sila,” pahayag ni Herbert Tuisieng, Chairman ng Bgy. 287.Nakuha mula sa nasawing suspek ang kaniyang ginamit na baril na naglalaman ng dalawang live ammunition at isang nakaputok nang cartridge case. Isasailalim naman sa paraffin test at ballistic examination ang mga pulis na nakabaril bilang bahagi ng karaniwang standard operating procedure (SOP).Nabatid din sa pagsusuri ng pulisya na ang namatay na suspek ay may nakaraang kaso na may kaugnayan sa ilegal na droga, habang ang naarestong kasabwat naman ay nasangkot sa mga kasong human trafficking at rape.Dinala na sa punerarya ang bangkay ng suspek habang nasa kustodiya na ng Meisic Police Station ang kasabwat nito na mahaharap sa kasong pagnanakaw.

Patay ang isang umano’y akyat-bahay habang arestado naman ang kaniyang kasabwat matapos makipagbarilan sa mga pulis sa Barangay 287, Binondo, Maynila, nitong Martes ng gabi, Agosto 25, pasado alas-10:00 ng gabi.

Patay ang isang umano’y akyat-bahay habang arestado naman ang kaniyang kasabwat matapos makipagbarilan sa mga pulis sa Barangay 287, Binondo, Maynila, nitong Martes ng gabi, Agosto 25, pasado alas-10:00 ng gabi.