Geline Salac

Batang lalaki, nalunod sa dagat sa Cavite City

Article (news)

drown victim

drown victim 2

Bea Cuadra

ABS-CBN News

Matapos ang ilang oras na paghahanap, natagpuan na ang katawan ng isang walong taong gulang na batang lalaki na nalunod sa coastal area ng Barangay 8, Cavite City nitong Miyerkules ng hapon, August 26.Ayon kay Barangay 8 Chairman Joey Fojas, nakita ang bangkay ng bata nitong Huwebes ng madaling araw malapit sa mga nakaparadang bangka sa bahagi ng  kanilang barangay.“Dito po sa barangay din po namin… ang nakakakita po sa amin ay &#x27;yung mga residente po namin doon, na tao ko doon. Nakita po nila doon sa &#x27;yong bata sa gilid po ng barahan ng mga bangka nila po doon,” pahayag ni Fojas.Dagdag pa ng kapitan, pasado 4:00 ng umaga nang matagpuan ang biktima na tinangay ng malakas na agos ng tubig.“Hindi naman po ganung kalayuan pero ito malapit. Ito ay parte po ng Barangay 8 po dito sa Cavite City... Tingin ko po inanod po itong bata dahil galing po sa kalayuan mula po sa pinangyarihan... So tingin ko po ito inanod po,” ani Fojas.Ayon kay Mary Jane Vergara, lola ng biktima, nagpaalam ang apo sa kanyang ina na maliligo sa dagat kasama ang isang kakilala at kaanak na kapwa menor de edad.“Kinwento ng anak ko. Binigyan daw po yun ng 10 pesos umpisa para hindi po pumunta sa dagat, nag-computer. Ngayon pagkatapos siguro mag-computer, nagpaalam ulit maligo. So ngayon, bago rin yung naligo, sinabihan siya ng mama niya na huwag… kayo dun sa malalim ha,” aniya.Pero napunta umano sa malalim na parte ng dagat ang mga bata, doon na nalunod ang biktima.“Siyempre bata po, may katigasan ng ulo, makulit, yun po. Nasunod po yung gusto, pumunta po dun sa malalim, yun po yung nangyari hanggang ngayon…Nadulas po daw ata itong isang bata na ito ngayon. Pagka dulas… inano niya yung dalawang bata… Ngayon nung nasalba na niya yung isa, nawala daw bigla po yung apo ko na yun,” dagdag pa ni Vergara. Mabilis na humingi ng tulong si Fojas sa disaster risk reduction management office at Cavite City Coast Guard upang simulan ang search and rescue operations dakong 5:00 ng hapon noong Miyerkules.Bagamat mababaw ang lugar at maraming naliligo kapag kalmado ang panahon, malakas ang alon nang mangyari ang insidente.Pansamantalang itinigil ang paghahanap bago mag-12:00 ng hatinggabi nitong Miyerkules at nakatakda sanang ipagpatuloy ang search and retrieval operation ng 6:00 ng umaga ngayong Huwebes, hanggang sa nakita na ng mga residente ang labi ng bata.Nagpaalala muli ang kapitan sa mga residente na sundin ang abiso ng lokal na pamahalaan na iwasang maligo sa baybaying dagat kapag may habagat o masungit ang panahon upang maiwasan ang kapahamakan.“Advice din naman po ng ating local government na pagka bagyo o habagat, talagang bawal po maligo sa ating baybaying dagat kasi po delikado po at paalot at malalim po,” sabi ni Fojas.

Ayon sa lola ng biktima, nagpaalam ang apo sa kanyang ina na maliligo sa dagat kasama ang isang kakilala at kaanak na kapwa menor de edad.

Ayon sa lola ng biktima, nagpaalam ang apo sa kanyang ina na maliligo sa dagat kasama ang isang kakilala at kaanak na kapwa menor de edad.