Ciara Annatu

FACT CHECK: Lumang pahayag ni Chel Diokno, maling iniuugnay sa kasalukuyang impeachment

Muling inungkat ang dating pahayag ni Akbayan Partylist Rep. Chel Diokno tungkol sa umano’y suporta ng mga Pilipino sa impeachment ni Vice President Sara Duterte at maling iniuugnay sa kasalukuyang impeachment trial.

Article (news)

ABS-CBN Research and Verification Unit

<div><img src="https://od2-image-api.abs-cbn.com/prod/editorImage/17878289788762.jpg" style="width:960px" class="fr-fic fr-dib" width="960"/></div><p>Muling inungkat ang dating pahayag ni Akbayan Party-List Rep. Chel Diokno tungkol sa umano’y suporta ng mga Pilipino sa impeachment ni Vice President Sara Duterte at maling iniuugnay sa kasalukuyang impeachment trial.</p><p>Ang pahayag ni Diokno ay mula pa noong 2025, bago pa ang kasalukuyang impeachment trial. Noong panahong iyon, idineklarang “<a href="https://www.abs-cbn.com/news/nation/2025/7/25/supreme-court-duterte-impeachment-articles-unconstitutional-1601" rel="noopener noreferrer" target="_blank">unconstitutional</a>” ng Korte Suprema ang naging impeachment proceedings laban kay Duterte.</p><p>Sa mga post ng mga Facebook page na “<em>Pinoy Showbiz</em>” at “<em>Masang Pilipino</em>,” gayundin ng isang Facebook user noong August 17 at 18, 2026, ginamit ang larawan ni Diokno upang ipakitang sinabi niya na “80%” o “majority” ng mga Pilipino ay pabor na matanggal si Duterte sa kaniyang puwesto.</p><p>Sa isang larawang ibinahagi ng isa sa mga Facebook page, nilagyan pa ito ng petsang August 17, 2026, na maaaring magbigay ng maling impresyon na kamakailan lamang sinabi ni Diokno ang naturang pahayag, kahit na mula pa ito noong nakaraang taon.</p><p>As of August 27, 2026, nakakuha na ang tatlong post ng kabuuang 33,200 reactions, 13,500 comments, at 401 shares. </p><div> </div><div><strong>IMPEACHMENT COMPLAINT LABAN KAY DUTERTE NOONG 2025 </strong></div><p>Ginamit sa mga post ang naging pahayag ni Diokno mula sa kaniyang <a href="https://x.com/ChelDiokno/status/1950450806035194361">post sa X noong July 30, 2025</a>:</p><p>“Ang mahalaga ngayon: matuloy ang impeachment complaint laban kay VP Sara Duterte. Katulad ng 80% ng mga Pilipino, naniniwala tayong dapat siyang managot sa kanyang pananagutan sa bayan.”</p><p>Ayon sa kampo ni Diokno, batay ang kaniyang pahayag sa resulta ng isang <a href="https://qa.philstar.com/headlines/2025/06/09/2449291/almost-8-10-believe-sara-duterte-should-face-senate-impeachment-trial-survey" rel="noopener noreferrer" target="_blank">OCTA Research survey</a> na inilabas noong June 9, 2025 na nagsabing 78%, o halos 8 sa bawat 10 Pilipino, ang nagsabing dapat humarap si Duterte sa impeachment trial sa Senado.</p><p>Matatandaang noong <a href="https://sc.judiciary.gov.ph/sc-house-impeachment-complaint-vs-vp-duterte-barred-by-1-year-rule-due-process-or-fairness-applies-during-all-stages-of-impeachment-process/" rel="noopener noreferrer" target="_blank">July 25, 2025</a>, idineklara ng Korte Suprema na labag sa Konstitusyon ang articles of impeachment na isinumite ng Kamara de Representantes sa Senado.</p><p>Ayon sa desisyon ng Korte Suprema, nilabag nito ang probisyon ng Konstitusyon na nagbabawal sa paghahain ng higit sa isang impeachment complaint laban sa isang impeachable official sa loob ng isang taon, o ang “one-year bar” rule.</p><p>Sinunod ng Senado ang desisyon ng Korte Suprema at idinispatsa ang impeachment complaint noong <a href="https://www.abs-cbn.com/news/nation/2025/7/29/senate-to-tackle-supreme-court-ruling-on-duterte-impeachment-on-aug-6-1717" rel="noopener noreferrer" target="_blank">August 6, 2025</a>. </p><div> </div><div><strong>KASALUKUYANG IMPEACHMENT TRIAL</strong></div><p>Matapos ang one-year ban, noong February ng kasalukuyang taon ay naghain ng mga panibagong impeachment complaint ang mga progressive at civil society group sa Kamara. <a href="https://www.abs-cbn.com/news/nation/2026/2/8/akbayan-confident-impeach-complaint-vs-sara-duterte-sufficient-in-form-substance-1325" rel="noopener noreferrer" target="_blank">Isa na rito ang Akbayan Partylist</a> na kinabibilangan ni Diokno.</p><p>Sa pagitan ng March at April, nagsagawa ang House Committee on Justice ng pagdinig tungkol sa mga inihain na complaint na humantong sa <a href="https://www.abs-cbn.com/news/nation/2026/5/11/-2nd-eye-ok-house-impeaches-sara-duterte-again-1702" rel="noopener noreferrer" target="_blank">pagkaka-impeach ng Kamara</a> kay Duterte noong May 11.</p><p>Umakyat ang impeachment complaint sa Senado, at noong May 18 ay <a href="https://www.abs-cbn.com/news/nation/2026/5/18/senate-set-to-convene-as-impeachment-court-for-sara-duterte-trial-1211" rel="noopener noreferrer" target="_blank">nag-convene</a> ito bilang impeachment court.</p><p>Simula noong July 6 ay nagpapatuloy ang impeachment trial ni Duterte sa Senado.</p><div> </div><div style="text-align:center"><em>Kung kayo’y may alam na kahina-hinalang social media page, group, account, o website, artikulo, larawan, o impormasyong ipinapakalat sa mga messaging app, maaring makipag-ugnayan sa aming email </em><a href="mailto:factcheck@abs-cbn.com"><em>factcheck@abs-cbn.com</em></a><em> o X (dating Twitter) account </em><a href="https://twitter.com/abscbnfactcheck" rel="noopener noreferrer" target="_blank"><em>@abscbnfactcheck</em></a><em>. </em></div>

<p>Muling inungkat ang dating pahayag ni Akbayan Partylist Rep. Chel Diokno tungkol sa umano’y suporta ng mga Pilipino sa impeachment ni Vice President Sara Duterte at maling iniuugnay sa kasalukuyang impeachment trial.</p>