Geline Salac

Pambayad ng tuition, smartphone ninakaw ng kawatan

Article (news)

Christopher Sitson

ABS-CBN News

Sapul sa CCTV ang panloloob ng isang lalaki sa isang bahay sa Barangay NBBS Kaunlaran, Navotas City, nitong Miyerkules ng madaling araw, August 26.Sa video na kuha mag-a-ala-una ng madaling araw ay nasapul ang bigla na lang pagpasok ng isang lalaking naka-facemask sa bahay.Walang pag-a-alinlangan niyang inikot ang sala at umakyat pa sa kwarto sa ikalawang palapag.Pagbaba ay makikitang bitbit na niya ang isang bag na naglalaman pala ng isang smartphone at P25,000 na cash.“Sana pang-tuition ng anak ko today dapat po mag-e-enroll po kami ngayon,” sabi ng biktima.Mabilis na tumakas ang lalaki matapos ang pagnanakaw.Dumaan siya sa gate ng bahay na hindi naka-kandado.Laking pasalamat naman ng mag-anak na walang nasaktan sakanila.“Pinapasalamat ko lang po wala po talagang nangyari sa amin. Buti na lang po walang nasaktan sa amin nung time na yun,” pahayag ng anak ng biktima.“Shocked pa po kami kasi ngayon lang nangyari sa amin ito,” sabi pa ng biktima.Agad nagtungo sa barangay at pulisya ang mga biktima para ipagbigay-alam ang insidente.“Akala mo nga taga-roon siya eh, dire-diretso lang ho siya wala siyang takot. Yung sala inikot niya, hanggang umakyat siya sa second floor. Parang minanmanan na po talaga, Pagkanamanmaman kayo nyan, pag-aaralan ang mga kilos niyo, huwag po magpakampante,” sabi ni Whillie Rivera na Desk Officer ng Barangay NBBS Kaunlaran.Patuloy ang CCTV backtracking ng awtoridad para matukoy ang pagkakakilanlan at mahuli ang suspek.Desidido naman ang mga biktima na magsampa ng reklamo laban sa suspek.“Hindi lang po kasi samin puwede mangyari, pwedeng sa iba rin lalo talagang hindi na safe,” dagdag pa ng biktima.Pinaigting na rin ng awtoridad ang seguridad sa lugar.

Nag-promissory note muna ang isang incoming 3rd year college student matapos tangayin ng isang lalaking nanloob sa kanilang bahay ang P25,000 na cash na bahagi ng pambayad niya sa matrikula.

Nag-promissory note muna ang isang incoming 3rd year college student matapos tangayin ng isang lalaking nanloob sa kanilang bahay ang P25,000 na cash na bahagi ng pambayad niya sa matrikula.