Geline Salac

Tangke ng LPG sumabog sa Valenzuela, 3 kritikal

Article (news)

Christopher Sitson

ABS-CBN News

Kritikal ang tatlong mag-anak matapos sumabog ang LPG tank sa loob ng kanilang apartment unit sa Barangay Bagbaguin, Valenzuela City nitong Huwebes ng umaga, Agosto 27.Sa lakas ng pagsabog, nasapul sa CCTV ang pagbuwal ng isang nakaparadang motorsiklo at pagtalsik ng mga gamit.Nadamay din ang katapat na bahay na natanggalan ng grills.Sumiklab ang sunog matapos ang pagsabog na tumupok sa buong apartment unit.“Kala ko sa pelikula ko lang makikita ito pero aktuwal talaga. Grabe. Maya-maya narinig ko BOOG! ang lakas talaga sobrang lakas. Kaba, trauma, pakiramdam ko yung sigaw nila naririnig ko lagi,” pahayag ni Marilyn Señan na residente sa lugar.Nagtulong-tulong ang mga residente, barangay, BFP, at fire volunteers para apulahin ang apoy.Kritikal ang lagay ng tatlong miyembro ng pamilya Garcia na nasa loob ng silid nang mangyari ang pagsabog.Kabilang sa mga biktima sina Rodolfo, isang senior citizen at kanyang dalawang anak na sina Roderick at Lodivina.Nakalanghap sila ng usok at nalapnos ang mga balat.“Kailangang daw po i-intubate dahil sa nalanghap na (usok) ng super kalan. Pinansyal (na tulong) po sana. Masipag po yung hipag ko, may isa po siyang anak, solo parent,” sabi ng kaanak ng mga biktima.Sumingaw na LPG tank na gagamitin sana ng isa sa mga biktima ang tinitingnan ng awtoridad na sanhi ng pagsabog.“Luma na rin po yung tangke, tapos sumingaw, hindi naman ho siguro napansin na kalat na po roon sa loob kasi kulob po eh. Magti-trigger ho talaga iyon. Pag may naamoy na tayong singaw, may leak po iyon wag na po natin ituloy na gamitin,” pahayag ni Louie Limen na responding officer mula sa Barangay Bagbaguin Fire Volunteer Brigade.Patuloy ang imbestigasyon ng Bureau of Fire Protection sa insidente.Tiniyak naman ng Valenzuela LGU sa pamilya ng mga biktima ang suporta hanggang sila’y makarekober.

Kritikal ang tatlong mag-anak matapos sumabog ang LPG tank sa loob ng kanilang apartment unit sa Barangay Bagbaguin, Valenzuela City nitong Huwebes ng umaga, Agosto 27.

Kritikal ang tatlong mag-anak matapos sumabog ang LPG tank sa loob ng kanilang apartment unit sa Barangay Bagbaguin, Valenzuela City nitong Huwebes ng umaga, Agosto 27.