Geline Salac

Tatay na paulit-ulit umanong hinalay ang sariling anak arestado

Article (news)

rapist dad

Bea Cuadra

ABS-CBN News

Arestado ang isang 44-anyos na lalaking wanted sa eight counts ng qualified rape sa sarili niyang menor de edad na anak sa Novaliches, Quezon City noong Hulyo 30, 2026.Ayon kay  P/Maj. Jonathan Reyes, Deputy Station Commander ng Novaliches Police Station, nagconduct sila ng serye  ng information gathering, surveillance, at stakeout para matunton ang suspek.Lumalabas sa imbestigasyon ng pulisya na nagsimula ang pangaabuso noong Marso 2021—nang 12-anyos pa lamang ang biktima—at nagpatuloy hanggang Setyembre 2025.Mismong panganay na anak na babae ang biktima ng akusado.Ayon sa pulisya, tumagal ang pang-aabuso dahil sa patuloy na pagbabanta ng akusado sa buhay ng pamilya ng biktima.“Nangyari yon ng ganong katagal dahil po &#x27;yung ama tinakot po yung bata na kumbaga nagsumbong sa ibang tao lalong lalo na sa kanyang mama ay papatayin niya yung kanyang kapatid, yung mama niya, tita niya, yung lola niya so natakot po yung bata,” paliwanag ni PMaj. Reyes.“Lately naglakas ng loob na itong bata na magsumbong sa nanay so by April dumulog sila sa himpilan natin. Nakapagfile tayo ng kaso,” dagdag pa ni PMaj. Reyes.Bukod sa eight counts ng qualified rape, natuklasan din ng pulisya na may hiwalay pa itong warrant of arrest para sa dalawa pang counts ng qualified rape.Kinakaharap din ng suspek ang iba pang patong-patong na kaso kabilang ang dalawang counts ng sexual assault, apat na counts ng lascivious conduct, at tatlong counts ng acts of lasciviousness.Itinanggi naman ng suspek ang mga paratang laban sa kaniya.“Hindi ko po nagawa yon… hindi ko nga alam kung bakit nangyari yon pinakulong nila ako… mensahe ko sa kanya sana iurong nila yung kaso ko,” giit ng akusado.Kasalukuyang nakakulong ang akusado sa custodial facility unit ng Novaliches Police Station habang gumugulong ang mga kaso laban sa kaniya.

Arestado ang isang 44-anyos na lalaking wanted sa eight counts ng qualified rape sa sarili niyang menor de edad na anak sa Novaliches, Quezon City noong Hulyo 30, 2026.

Arestado ang isang 44-anyos na lalaking wanted sa eight counts ng qualified rape sa sarili niyang menor de edad na anak sa Novaliches, Quezon City noong Hulyo 30, 2026.