Nelson Morales

Mag-asawang Filipino nawawala sa Myanmar matapos ang lindol

Article (news)

Dabet Panelo

Bayan Mo, Ipatrol Mo

<div><img src="https://od2-image-api.abs-cbn.com/prod/editorImage/1743412245641nawawala sa Myanmar 03312025.jpg" style="width:960px" class="fr-fic fr-dib" alt="Puspusan ang paghahanap ng kaibigan ng mag-asawang Alexis Gale at Edsil Jess Adalid na hindi pa din nakikita matapos ang 7.7 magnitude na lindol na tumama sa Mandalay, Myanmar noong Biyernes, Marso 28, 2025. Bayan Patroller Rojan Talita (left) with Alexis Gale (center) and Edsil Jess Adalid (right), Peb. 28, 2025. COURTESY: Bayan Patroller Rojan Talita"/>Puspusan ang paghahanap ng kaibigan ng mag-asawang Alexis Gale at Edsil Jess Adalid na hindi pa din nakikita matapos ang 7.7 magnitude na lindol na tumama sa Mandalay, Myanmar noong Biyernes, Marso 28, 2025. Bayan Patroller Rojan Talita (left) with Alexis Gale (center) and Edsil Jess Adalid (right), Peb. 28, 2025. COURTESY: Bayan Patroller Rojan Talita </div>Sa bidyong ibinahagi ni Bayan Patroller Rojan Talita, isinisigaw niya ang mga pangalan ng kanyang co-teacher at kaibigan na mag-asawang sina Alexis Gale at Edsil Jess Adalid sa harap ng gumuhong Sky Villa condominium sa Mandalay, Myanmar isang araw matapos tamaan ng magnitude 7.7 na lindol noong Marso 28, 2025. Ang brown jacket na makikita sa bidyo ay pag-aari ni Edsil, ayon kay Rojan.Ang mag-asawang Adalid ay dalawa sa apat na Filipino na hindi pa nakikita matapos ang malakas na lindol na sanhi ng pagguho ng Sky Villa condominium kung saan sila nakatira.Co-teacher ni Bayan Patroller Rojan si Edsil sa Mandalay International School of Acumen at kaibigan naman si Alexis.Nagbahagi rin si Bayan Patroller Rojan ng mga larawan ng ilang personal na gamit ni Alexis na natagpuan sa paligid ng gumuhong gusali tulad ng puting sandals, asul na damit, at computer chair. Ayon kay patroller, hindi nagtuturo ng summer classes si Edsil kaya wala ito sa paaralan noong lumindol. Kwento ni Bayan Patroller Rojan, kasalukuyan siyang nanananghalian kasama ang iba pang co-teacher na Pinoy nang maramdaman ang unang pag-uga sanhi ng lindol. Agad aniya silang tumakbo sa open field para alalayan din ang mga mag-aaral.&quot;Before po lumindol, na sa lunch area po kami, around 12:40 to 12:50 yung nangyari. Naglu-lunch po kami kasama yung iba ko po kasamahan na Pinoy na mga guro. Tapos yun nga po, pag start nga po ng pagyanig, yung instinct ko po ay nagsabi sa akin na lindol ito, kailangan mo na lumabas so tumakbo ako kaagad sa open area namin,&quot; kwento niya.&quot;So, yun nga po napaka bilis po ng pangyayari, nakikita ko na lang po na yung walls ng building po ng main building ng primary campus po namin na nagtutumbahan na po like falling apart na po, kasama yung pintuan. Ayun po, lahat po ng studyante ay na sa playground po at saka mga teachers. May nakita po ako na isang teacher na hinihila pa po yung mga bata sa isang kwarto po tapos natumba na po yung door at saka yung parte ng wall ng classroom. Tapos everyone’s panicking, most students, especially like the locals also, are their first time to experience that kind of earthquake. Sa akin po, hindi first time sa akin pero first time ko po na makita na may building talaga na nasisira sa harapan ko po, and like, ang lakas po talaga ng lindol,&quot; dagdag pa ni Rojan.Hinintay muna ng mga guro na masundo ng mga magulang ang mga mag-aaral kaya mahigit dalawang oras silang nanatili sa open field bago pumunta sa gusali kung saan sila pansamantalang pinatuloy ng school administration.Nagpapasalamat si Rojan dahil maayos ang kanilang kalagayan sa pasilidad ng paaralan at sagot nito ang mga batayang pangangailangan tulad ng tirahan, pagkain, at iba pang pangangailangan.&quot;Ngayon po, ang school po ang nag bibigay ng basic needs namin at saka shelter, pero wala pa naman po pagkukulang sa mga pagkain, tubig, safe pa naman po kami, nakakaligo kami, may generator po dito, naka solar panel po ang school namin, so may kuryente kami,&quot; aniya.&quot;So okay na na nakakapag charge kami, may wifi po kami, at saka, nagtutulungan po kami na Filipino community, nag dodonate din po ng damit sa mga nawalan ng gamit, na sa Sky Villa po nakatira, tapos ayun po tulong-tulong po kami dito, we support each other, it helps us cope po with the situation,&quot; dagdag ni Rojan.Sa kabila ng kalagayan sa Myanmar ay hindi pa nagbabalak umuwi ni Bayan Patroller Rojan dahil siya ang bread winner ng pamilya sa Dumaguete City at kailangan niyang patuloy na magtrabaho para sa pamilya.<div> </div><div><iframe width="640" height="360" src="https://www.youtube.com/embed/SdtIi8KoYCE??si=PXxsNXibDgGW25rg&amp;wmode=opaque&amp;rel=0" frameBorder="0" allowfullscreen="" class="fr-draggable"></iframe> </div>

Puspusan ang paghahanap ng kaibigan ng mag-asawang Alexis Gale at Edsil Jess Adalid na hindi pa rin nakikita matapos ang 7.7 magnitude na lindol na tumama sa Myanmar noong Marso 28, 2025.

Puspusan ang paghahanap ng kaibigan ng mag-asawang Alexis Gale at Edsil Jess Adalid na hindi pa rin nakikita matapos ang 7.7 magnitude na lindol na tumama sa Myanmar noong Marso 28, 2025.

Mag-asawang Filipino nawawala sa Myanmar matapos ang lindol

News

Entertainment

Lifestyle

Sports

Metro.Style

More

Traffic

Manila

Horoscope

Nation

Mag-asawang Filipino nawawala sa Myanmar matapos ang lindol

Dabet Panelo,

Bayan Mo,

Ipatrol Mo

Published Mar 31, 2025 05:11 PM PHT

|

Updated Mar 31, 2025 05:28 PM PHT

Read More:

Myanmar

lindol

overseas Filipino

ABSNews

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.