Daven Tamayo

Article (news)

Job Manahan

ABS-CBN News

<p>MAYNILA -- Viral sa social media ang pananampal ng isang babae sa staff at customer ng fast food restaurant sa Naic, Cavite matapos umanong hindi mapagbigyan na gawing pambayad ang kanyang cellphone sa pag-order ng pagkain.</p><p>Sa video na ibinahagi sa ABS-CBN News, makikita ang isang babae na pinagduduro, pinagmumura, at nag-dirty finger pa sa mga staff ng fast food restaurant.</p><p>Maya-maya pa, inawat na siya ng rider at iba pang staff, pero hindi ito nagustuhan ng babae na sinampal ang babaeng crew member. Nang lapitan ng isa pang babaeng customer para pakalmahin, nagalit pa siya at sinampal din ang naturang customer, na sinampal din siya pabalik.</p><p>Sa huling bahagi ng video, sinubukan pa niyang umalis sa establisimiyento pero hinarang na siya ng staff at iba pang customer.</p><div><a href="https://www.abs-cbn.com/news/regions/2025/11/12/sapul-sa-cctv-fast-food-restaurant-sa-sta-maria-bulacan-nilooban-ng-4-suspek-0837"><strong>Sapul sa CCTV: Fast food restaurant sa Sta. Maria, Bulacan nilooban ng 4 suspek</strong></a></div><div><br/></div><div><strong>‘WALANG DALANG PERA’</strong></div><p>Ayon sa barangay na nakakasakop sa establisimiyento, dalawa ang nasaktan ng babae na staff ng fast-food chain at isa naman ang nasaktan na customer.</p><p>Nakaalis ang babaeng nagwala matapos makasakay agad ng bus sa labas ng fast food chain.</p><p>“Ang ginawa ng babae, mag-oorder ng pagkain tapos wala siyang dalang pera. Ang gagawin niyang pambayad ay ang bagong selpon niya. Ang ginawa ng crew, kinausap siya nang mahinahon, tinanong ano ang kailangan at nagalit,” ani Kagawad Estee Hernandez, ang officer-on-duty ng Barangay Timalan Balsahan sa Naic.</p><p>“Parang ang dating ng crew sa kanya ay wala siyang pambayad. Pero sabi niya ay brand new na selpon ang iiwanan niya,” dagdag ng kagawad.</p><p>Matapos hindi mapagbigyan, doon na umano nagwala ang babae.</p><p>“Ang suspek na nanakit sa establisimiyento, nagsalita na susunugin din po ang (fast food restaurant) at ang tao, ang crew, at yung isang customer ay pinagbantaan na gigilitan ang leeg,” aniya.</p><p>Sabi ng barangay, batay sa pagsusuri ng mga unang rumesponde, maaaring may problema sa pag-iisip ang babae.</p><div><a href="https://www.abs-cbn.com/news/regions/2025/11/11/suspects-behind-fast-food-robberies-in-bulacan-pampanga-arrested-0713"><strong>Suspects behind fast food robberies in Bulacan, Pampanga arrested</strong></a></div><p>“Talagang masasabi na may problema sa pag-iisip ang babae dahil hindi normal ang pagkilos doon sa establisimiyento. Ganun din ang impormasyon na nakalap namin sa duty officer na pulis noong time na yun,” ani Hernandez.</p><p>Patuloy na sinisikap ng ABS-CBN News kunan ng panig ang naturang fast food restaurant pero wala pa itong tugon sa ngayon.</p><div><br/></div><div><strong>‘ISOLATED CASE’</strong></div><p>Sabi ng isang grupo, paalala ito sa mga restaurant owners na seryosohin ang mga training kaugnay sa ganitong sitwasyon.</p><p>Mahalaga na maging kalmado ang parehong staff at customer at tandaan na ang layunin ay i-deescalate ang tensyon.</p><p>“Sa tingin ko isolated ang ganitong pangyayari and it serves as a reminder kung bakit mahalaga ang training, safety protocols, at tamang pag-handle. Kahit isolated siya, pinakita na ang mga challenges na hinaharap sa restaurant staff araw-araw. Mahalaga na dapat mas palakasin ang mga safety training at protocols sa mga restaurants,” ani David Sison, presidente ng grupong RestoPH.</p><p>Ayon kay Sison, hindi na rin dapat lumapit o makialam ang mga customer para masiguro ang kanilang kaligtasan at dapat hayaan na ang management na iresolba ang sitwasyon.</p><p>“Dapat maiwasan ang confrontation... tumawag ng security o management. Ang goal naman nito is to protect lahat ng customers at iwasan ang escalation. Sa mga customers naman dapat kalmado lang talaga at saka distansya. Kung kailangan tumulong, tumulong na i-report to authorities,” aniya.</p>

<p>Viral sa social media ang pananampal ng isang babae sa staff at customer ng fast food restaurant sa Naic, Cavite matapos umanong hindi mapagbigyan na gawing pambayad ang kanyang cellphone sa pag-order ng pagkain.</p>

Viral sa social media ang pananampal ng isang babae sa staff at customer ng fast food restaurant sa Naic, Cavite matapos umanong hindi mapagbigyan na gawing pambayad ang kanyang cellphone sa pag-order ng pagkain.

Babae nanampal ng staff, customer ng fast food restaurant sa Naic, Cavite

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Regions

Babae nanampal ng staff, customer ng fast food restaurant sa Naic, Cavite

Job Manahan,

ABS-CBN News

Published November 26, 2025 08:51 PM PHT

|

Updated November 27, 2025 05:32 PM PHT

Read More:

Babae

Naic Cavite

Nanampal

Fast food restaurant

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.