Geline Salac

Article (news)

Camarines Sur

Jonathan Magistrado

ABS-CBN News

<p>BALATAN, Camarines Sur<strong> (2nd UPDATE)</strong> — Patay ang dalawang miyembro ng Philippine Army habang tatlo ang sugatan sa engkwentro sa mga miyembro ng New People’s Army (NPA) sa kabundukan ng Barangay Cabungan sa Balatan, Camarines Sur, Biyernes ng tanghali, Disyembre 19.</p><p>Kabilang sa napatay ang platoon leader na may ranggong first lieutenant at isang sarhento. Sugatan naman ang tatlo pang sarhento, na patuloy na ginagamot sa ospital.</p><p>Batay sa ulat ng Camarines Sur Police Provincial Office (CSPPO), nagsasagawa ng combat operation ang mga sundalo mula sa 9th Infantry Battalion (9IB) at 9th Infantry Division (9ID) ng Philippine Army nang makasagupa ang hindi pa matukoy na bilang ng mga miyembro ng rebeldeng grupo.</p><div><a href="https://www.abs-cbn.com/news/regions/2025/8/12/3-soldiers-killed-in-clash-with-npa-rebels-in-oriental-mindoro-0027">3 soldiers killed in clash with NPA rebels in Oriental Mindoro</a></div><p>Patuloy na nagsasagawa ng pursuit operation ng militar sa rebeldeng grupo.</p><p>Mariing nang kinondena ng 9ID ang pag-gamit umano ng anti-personnel mines ng NPA sa engkwentro .</p><p>Sa isang pahayag, iginiit ng pamunuan ng 9ID na tahasang nilabag ng mga rebelde ang International Humanitarian Law dahil sa paggamit ng APM.</p><p>Nagpaabot na ng pakikiramay ang 9ID sa mga naulilang pamilya, at tiniyak na magpapatuloy ang mga operasyon para mapanatili ang kapayapaan sa Bicol region.</p><p>Ipinag-utos naman ni Police Col. Virgilio Olalia Jr., director ng CSPPO, sa Balatan Police na magsagawa ng checkpoint at chokepoint sa lahat ng posibleng exit points para maharang ang mga tumatakas na rebelde.</p><p>Nag-inspeksyon din ang pulisya sa mga kalapit na ospital para alamin kung may mga pasyenteng may tama ng bala na nagpapagamot doon.</p><div><a href="https://www.abs-cbn.com/news/nation/2025/12/15/pnp-maintains-security-posture-despite-cpp-npa-4-day-ceasefire-1340">PNP maintains security posture despite CPP-NPA 4-day ceasefire</a></div><div><br/></div><div><strong>2 PATAY, 2 SUGATAN SA ENKWENTRO SA CANDELARIA, QUEZON </strong></div><div><br/></div><p>Patay naman ang isang pulis at isang suspek, habang sugatan ang dalawa pang pulis matapos ang magkasunod na engkuwentro sa pagitan ng Quezon Provincial Mobile Force Company at isang armadong grupo sa Candelaria, Quezon, nitong Biyernes ng gabi, Disyembre 19.</p><p>Batay sa imbestigasyon ng Quezon Police Provincial Office (QPPO), nangyari ang unang engkwentro bandang alas-7 ng gabi sa Sitio Pulyok sa Barangay San Isidro. </p><p>Nagsasagawa umano ng routine mobile patrol ang mga tauhan ng QPMFC nang mamataan ang kahina-hinalang grupo ng mga lalaki sa isang taniman ng saging.</p><p>Bigla na lamang umanong pinaputukan ng mga suspek ang mga pulis, dahilan para gumanti ito ng putok.</p><p>Sa tindi ng bakbakan, tatlong pulis ang tinamaan ng bala. Ang isa sa kanila ay idineklarang dead on arrival sa United Candelaria Doctor’s Hospital. </p><p>Patuloy na inoobserbahan ang lagay ng dalawa pang sugatang pulis sa parehong ospital.</p><p>Sa hot pursuit at dragnet operation ng QPPO sa mga tumakas na salarin, muling nagkaroon ng engkwentro na nagresulta sa pagkamatay ng isang suspek na kinilalang si alyas &quot;Tony,&quot; residente ng Barangay Bucal sa Tanza, Cavite.</p><p>Narekober kay &#x27;Tony&#x27; ang ang dalawang 5.56 caliber rifle.</p><p>Nagsasagawa na ng crime scene processing ang SOCO, habang nagpapatuloy ang operasyon ng mga awtoridad sa mga karatig-lugar para matunton ang iba pang mga nakatakas na suspek.</p><p>Mariing kinondena ng QPPO ang insidente, at nagpaabot ng pakikiramay sa pamilya ng nasawing pulis.</p><div><br/></div><div><br/></div><div><strong>RELATED VIDEO:</strong></div><div style="text-align:center"><iframe width="560" height="315" src="https://www.youtube.com/embed/vPci5sPeJrU?si=x6NqWUCu8UBucS15" title="YouTube video player" frameBorder="0" allowfullscreen=""></iframe><br/></div>

<p>Patay ang dalawang miyembro ng Philippine Army habang tatlong ang sugatan sa engkwentro sa mga miyembro ng New People’s Army (NPA) sa kabundukan ng Bgy. Cabungan, Balatan, Camarines Sur, Biyernes ng tanghali, Disyembre 19.</p>

Patay ang dalawang miyembro ng Philippine Army habang tatlong ang sugatan sa engkwentro sa mga miyembro ng New People’s Army (NPA) sa kabundukan ng Bgy. Cabungan, Balatan, Camarines Sur, Biyernes ng tanghali, Disyembre 19.

2 sundalo patay, 3 iba pa sugatan sa engkwentro sa NPA sa Balatan, Camarines Sur

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Regions

2 sundalo patay, 3 iba pa sugatan sa engkwentro sa NPA sa Balatan, Camarines Sur

Jonathan Magistrado,

ABS-CBN News

Published December 20, 2025 09:07 AM PHT

|

Updated December 20, 2025 02:35 PM PHT

Read More:

encounter

New Peoples Army

Philippine Army

insurgency

Camarines Sur

Balatan

ABS-CBN Newsletter

Your go-to source for the latest news, entertainment highlights, exclusive interviews, and updates on your favorite Kapamilya stars.

ABS-CBN Newsletter

Your go-to source for the latest news, entertainment highlights, exclusive interviews, and updates on your favorite Kapamilya stars.

Sign Up

I have read and agree to the Terms and Privacy Policy.

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.