Jauhn Etienne Villaruel

Article (news)

Bayan Mo, Ipatrol Mo

<div><img src="https://od2-image-api.abs-cbn.com/prod/editorImage/1747386365193498274030_715373500834218_7795014326587909737_n.jpg" style="width:504px" class="fr-fic fr-dib"/>Aries Gaboy Lim/Facebook </div>MAYNILA — Emosyonal na humarap si Aries Gaboy Lim sa kanyang mga tagasuporta matapos malaman na nanalo siya sa pagka-alkalde sa Talavera, Nueva Ecija sa nagdaang halalan noong Mayo 12, 2025. Naging mainit at mahigpit ang laban ni Lim sa kasalukuyang bise alkalde ng Talavera na si Nerivi Santos-Martinez, na kabilang sa pamilyang Santos na may hawak ng posisyon sa lokal na pamahalaan sa loob ng 21 taon o mula pa 2004.Naunang naging alkalde ang tatay ni Nerivi na si Nerito Sr. noong 2004 at umupo nang tatlong termino hanggang 2013. Si Nerivi naman ay naging alkalde ng Talavera mula 2013 hanggang 2022 at pinalitan siya ng kanyang nakababatang kapatid na si Nerito Jr. na umupo nang isang termino. Habang alkalde si Nerito Jr. mula 2022 hanggang 2025, bise naman niya si Nerivi.Hindi naman lubos na mawawala sa poder ang mga Santos dahil nanalo ang nakababatang Nerito bilang bise alkalde. Si Lim ay anak ni Benito Lim na may-ari ng Ultra Mega Supermarket at ng dating vice mayor ng Talavera na si Tess Gaboy-Lim.Kuwento ni Lim, sumama siya sa pangangampanya ng kanyang ina noon kahit 7 taong gulang pa lang siya.Sa susunod na 3 taong manunungkulan siya, buo ang pag-asa ni Lim na magkakaroon ng magandang pagbabago sa kanilang lugar.  &quot;Marami po tayong plano, una na ang education. But I always say lahat po yan it will all boil down to transparency, accountability and good governance. Kasi useless po lahat ng plano if we cannot execute it well,&quot; sabi ng bagong alkalde.Ang una niyang paglalaanan ng pansin ay ang pagpapatupad ng e-governance na maglalayong magkaroon ng transparency at accountability sa kaban ng bayan. Nais din niyang mawala ang nakasanayan nang political patronage o pagkakaroon ng utang na loob sa mga pulitiko. Pagtitibayin pa aniya ang social pension para sa senior citizens at ipagpapatuloy ang nasimulan ng 10 learning centers na libre para sa mga estudyante ng Talavera.Mensahe naman ni Lim sa kanyang mga kababayan, &quot;We made history not just by winning an election but by proving that hope, integrity and unity still matters. Ito pong panalo natin na ito, hindi po ito sa akin.&quot; &quot;It belongs to every family, every farmer, worker, sa lahat ng kabataan and to all dreamers who believe change is possible,&quot; dagdag niya.

Nanalo bilang alkalde ang 29-year-old konsehal ng Talavera, Nueva Ecija laban sa kasalukuyang bise alkalde na galing sa pamilyang nanungkulan sa bayan mula 2004.

Nanalo bilang alkalde ang 29-year-old konsehal ng Talavera, Nueva Ecija laban sa kasalukuyang bise alkalde na galing sa pamilyang nanungkulan sa bayan mula 2004.

KILALANIN: 29-anyos bagong mayor ng Talavera, Nueva Ecija pinataob ang dynasty

News

Entertainment

Lifestyle

Sports

Metro.Style

More

Traffic

Manila

Horoscope

Regions

KILALANIN: 29-anyos bagong mayor ng Talavera, Nueva Ecija pinataob ang dynasty

Bayan Mo,

Ipatrol Mo,

Dabet Panelo

Published May 16, 2025 05:27 PM PHT

Read More:

Nueva Ecija

dynasty

AGL

Talavera

BMPM

Bayan Patroller

halalan

halalan 2025

politics

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.