Nelson Morales

TV PATROL: Lasing na pulis arestado matapos magwala at magpaputok ng baril sa Lucena City

Article (news)

ABS-CBN News

Arestado ang lasing na pulis matapos magwala at magpaputok ng baril sa harap ng isang tindahan sa Lucena City, Quezon Province. Sa imbestigasyon ng pulisya, pumunta ang trenta anyos na patrolman sa tindahan para bumili ng yelo. Sa kuha sa video, makikitang nilulusot niya ang baril sa harang ng tindahan. Matapos nito, tinutukan niya ng baril ang isang binatilyong bumibili ng sigarilyo. Dagdag ng pulisya, pinagbantaan rin ng suspek ang isang magkasintahan. Nauwi ito sa kaguluhan nang paluin ng pulis ang dalaga gamit ang kanyang baril. Inawat ng mga residente ang pulis, pero nagpaputok pa siya ng baril habang patuloy na sumisigaw. Kalaunan, naawat at sumuko rin ang suspek sa tulong ng kapatid niyang pulis rin. Tiniyak ni PNP Quezon Provincial Director Police Colonel Romulo Albacea na mahaharap sa patung-patong na kaso ang suspek at tuluyang matanggal sa serbisyo ang pulis. TV Patrol, Linggo, 13 Hulyo 2025

Arestado ang lasing na pulis matapos magwala at magpaputok ng baril sa harap ng isang tindahan sa Lucena City, Quezon Province.

Arestado ang lasing na pulis matapos magwala at magpaputok ng baril sa harap ng isang tindahan sa Lucena City, Quezon Province.