Jamaine Punzalan

Article (news)

ABS-CBN News

<p>MANILA — Nagdala ng malakas na ulan ang <a href="https://www.abs-cbn.com/news/weather-traffic/2025/7/17/crising-now-a-tropical-storm-approaches-n-luzon-0604">bagyong Crising </a>sa ilang lalawigan, Biyernes.   </p><div><br/></div><div><strong>CAGAYAN </strong></div><div><br/></div><p>Sa Iguig, Cagayan, makikitang baha na ang paligid ng Ugac Elementary School pasado alas-7 ng umaga, sa mga larawan na ibinahagi ng gurong si Analyn Quinagoran. </p><p>Abot hanggang tuhod ng mga bata o halos dalawang talampakan ang lalim ng baha. </p><p>Ayon kay Quinagoran, mababa raw kasi ang kanilang paaralan kaya mabilis na bahain kapag may malakas na ulan. </p><p>Nagkumahog naman silang itaas ang mga gamit at nagkumpuni na rin ng bubong. </p><p>Suspendido na ang klase mula kindergarten hanggang senior high school sa Iguig gayundin sa 16 pang bayan sa Cagayan. </p><p>Kasama naman ang law school at graduate school sa kanselado ang pasok sa Tuguegarao City kung saan mahigpit na ring ipinatutupad ang liquor ban.</p><p>Nasa red alert status na ang buong probinsya ng Cagayan kaya lalo pang pinagiting ang kahandaan sa posibleng pagtama ng bagyo. </p><p>Naghanda na ang pamahalaang panlalawigan ng mahigit 2,000 family food packs habang naka-standby na ang Task Force Lingkod Cagayan-Quick Response Team.</p><p>Masusi rin ngayong binabatayan ang lebel ng Cagayan River sa bahagi ng Buntun Bridge, kung saan inayos ang water level monitoring gauge nitong Huwebes. </p><p>Sa bayan ng Calayan naman, pabugso-bugsong malakas na ulan at hangin ang nararanasan na rin ayon kay local disaster officer Tito Payas. </p><p>Puspusan naman ang paghahanda ng mga residente na naglagay ng mga harang sa bintana ng kanilang mga bahay.</p><div><br/></div><div><br/></div><div><strong>OCCIDENTAL MINDORO </strong></div><div><script data-wid="auto" type="text/javascript" src="https://content.viralize.tv/display/?zid=AAFz8gWM8iRADsJr&amp;cid=ABcd8Gy6CpJ-pdYR"></script></div><p>Matapos ang magdamagang buhos ng malakas na pag-ulan, lubog na sa baha ang maraming parte ng Occidental Mindoro. </p><p>Sa highway ng Marilao sa bayan ng Calintaan, bumigay na ang isang bahagi ng bundok dahil sa landslide kaya pinag-iingat ang mga mapapadaan dito. </p><p>Nagmistula namang dagat ang bahagi ng sentro ng Calintaan dahil sa baha na nagpalubog sa mga kalsada. Umapaw na rin ang mga palayan at nahihirapan nang makadaan ang mga maliliit na sasakyan. Maging ang ilang mga bahay, hindi nakaligtas at pinasok na rin ng tubig-baha. </p><p>Sa unang tingin ay aakalain namang ilog ang ilang kalsada sa Brgy.  Poblacion sa bayan ng Sablayan. Pahirapan din sa pagdaan ang mga sasakyan sa bahagi ng grand terminal. </p><p>Hindi na rin halos makita ang dagat dahil sa lakas ng ulan at hampas ng alon sa aplaya ng Brgy. Malawaan, bayan ng Rizal. Nakaalerto naman ang mga residente sa posibleng pagtaas pa ng ilog doon.  </p><p>Sa kanilang social media post, ibinahagi ng Provincial Disaster Risk Reduction and Management Office ng Occidental Mindoro na patuloy silang nakabantay. </p><p>Payo nila, huwag nang hintayin pang lalong tumaas ang tubig baha at kung kinakailangan ay lumikas na. </p><div><br/></div><div><strong>PALAWAN  </strong></div><div><script data-wid="auto" type="text/javascript" src="https://content.viralize.tv/display/?zid=AAFz86TOfDIfqXIe&amp;cid=ABcd-KLZmACEZCKO"></script><br/><br/></div><p>Dakong alas-10 ng umaga, hindi pa rin tumitigil ang ulan sa Puerto Princesa. </p><p>Nitong Huwebes pa lang ng gabi ay hindi na madaanan ang ilang kalsada sa Barangay Bacungan dahil sa pagtaas ng baha. Dahil dito, naistranded ang ilang biyahero galing sa Puerto Princesa na patungo sa northern Palawan. </p><p>Sa ngayon ay nakakadaan na rin naman ang mga sasakyan  pero pinaaalalahan na doblehin pa rin ang pag-iingat sa biyahe.</p><div><br/></div><div><strong>BATANES   </strong></div><div><br/></div><div><span class="fr-img-caption fr-fic fr-dib" style="width:495px"><span class="fr-img-wrap"><img src="https://od2-image-api.abs-cbn.com/prod/editorImage/17528090420281752809037778.png" style="width:960px" class="fr-fic fr-dib"/><span class="fr-inner" style="text-align:left"><em>COURTESY: Justine Mark Pillie Fajardo</em></span></span></span>Ramdam na rin sa Batanes ang masamang panahon dulot ng bagyong Crising.</div><p>Sa video na ibinahagi ni Justine Mark Pillie Fajardo, makumlimlim ang kalangitan at may pagbayo ng hangin sa Basco bandang alas-8 ng umaga.</p><p>Halos katatapos lamang daw na bumuhos ang ulan, ayon kay Fajardo.</p><p>“Around 7:20 to 7:35 a.m. ay biglang umulan,” sabi ni Fajardo. </p><p>Paminsan-minsan naman aniya ay sumisilip ang araw. </p><p>Sinamantala naman nilang maghanda para maging ligtas sa epekto ng bagyo ang mga bahay at establisimyento.</p><p>Nakaugalian nilang mga Ivatan na maglagay ng “tapangko” o window shutter at gawin ang “kapanpet” o ang pagtatali sa mga bahay para hindi tangayin ng malakas na hangin. </p><div> </div><div><strong>SOUTHERN LEYTE</strong></div><div><br/></div><p>Hinambalos naman ng malalaking alon ang dalampasigan ng  Pintuyan, Southern Leyte.</p><p>Sa video na ibinahagi ng residenteng si Mary Grace Manocsoc makikitang malalaki ang alon sa dalampasigan ng Brgy. Caubang. Kasabay ng malalaking alon ay ang malakas na hangin at ulan.</p><p>Dahil dito, inilagay na ng mga residente sa mas mataas na bahagi ng dalampasigan ang kanilang mga bangka.</p><p>Kwento pa ni Manocsoc, isang linggo na silang nakakaranas ng mga malalakas na ulan at maalon na karagatan.</p><p>Apektado na aniya ang hanapbuhay ng mga residente sa kanilang lugar.</p><div><br/></div><div><span class="fr-video fr-deletable fr-fvc fr-dvb fr-draggable" contenteditable="false" draggable="true"><iframe width="640" height="360" src="https://www.youtube.com/embed/_P-orSzQhG4??si=SIQk1lq-L0Goa0uH&amp;wmode=opaque&amp;rel=0" frameBorder="0" allowfullscreen="" class="fr-draggable"></iframe></span><br/></div>

<p>Nagdala ng malakas na ulan ang bagyong Crising sa ilang lalawigan, Biyernes.</p>

Crising nagdala ng malakas ng ulan, pagbaha sa mga lalawigan

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Regions

Crising nagdala ng malakas ng ulan, pagbaha sa mga lalawigan

ABS-CBN News,

Karlo Magno A Caracas,

Lynette dela Cruz-Fortunado,

Harris Julio,

Ranulfo Docdocan

Published July 18, 2025 11:25 AM PHT

|

Updated July 18, 2025 10:48 PM PHT

Read More:

ABSNews

ANC promo

weather

weather today

weather news

weather updates

weather latest

weather Philippines

bagyo

Crising

ABS-CBN Newsletter

Your go-to source for the latest news, entertainment highlights, exclusive interviews, and updates on your favorite Kapamilya stars.

ABS-CBN Newsletter

Your go-to source for the latest news, entertainment highlights, exclusive interviews, and updates on your favorite Kapamilya stars.

Sign Up

I have read and agree to the Terms and Privacy Policy.

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.