Cheyenne Suarez

Mag-live-in na nagnakaw ng P600,000 sa amo sa Antipolo timbog sa Negros Oriental

Article (news)

arrestvid sitson1

suspects na nagnakaw sa amo

Christopher Sitson

ABS-CBN News

<div><iframe width="640" height="360" src="https://www.youtube.com/embed/8XzHAaIuCk8?&amp;wmode=opaque&amp;rel=0" frameBorder="0" allowfullscreen="" class="fr-draggable"></iframe> </div>Arestado ang maglive-in partner matapos tangayin ang halos P600,000 na kita ng kanilang amo sa Barangay Mayamot, Antipolo City.Nagtatrabaho ang mga suspek na 25-anyos na lalaki at 21-anyos na babae sa isang poultry business.Ayon sa Antipolo Component City Police Station, dumulog sa kanila ang 34-anyos na complainant na may-ari ng negosyo at inireport ang dalawa niyang tauhan.Sa kanyang salaysay, Sabado ng umaga, June 28, 2025, ay hinahanap ng complainant ang maglive-in partner na inakala niya na lumabas lang at may binili.&quot;Pero nung hapon na hindi na bumalik, tapos na find out niya na may nawawala na pera sa kanya na almost P600,000,&quot; sabi ni Police Lieutenant Colonel Jaime Pederio Jr, Officer-In-Charge ng Antipolo Component City Police Station.Dito na nagsumbong ang biktima sa mga pulis.&quot;Nung gabi nalaman po nung may-ari na sa pagtatanong sa mga kamag-anak, ang kanyang empleyado pala ay umuwi ng probinsya sa Negros Oriental, Bayawan City,&quot; sabi ni PLtCol. Pederio. Bumuo ng tracker team ang Rizal police at nagkasa ng follow-up operation sa Bayawan City, Negros Oriental katuwang ang mga pulis sa naturang probinsya.Lunes, June 30, nadakip ang mga suspek at ibinalik ng Antipolo City. Ayon sa pulisya, sa P600,000 na natangay, P100,000 na lang ang naibalik ng mga suspek dahil ginamit na nila sa pamasahe at pagbili ng mga pasalubong. Aminado ang mga suspek sa ginawang pagnanakaw.&quot;Gusto na po namin umuwi. Pamasahe tapos balik sana namin &#x27;yung sobra. Boss pasensya,&quot; sabi ng 25-anyos na suspek.&quot;Desperado na po umuwi talaga. Pasensya po talaga. Sana iurong na lang po &#x27;yung kaso kasi may bata kaming naiwan,&quot; ayon sa 21-anyos na suspek.Apat na taon na sa trabaho ang lalaking suspek habang isang taon ang babaeng suspek. Doon na sila nagkakilala.Nakakulong na sila sa Antipolo CCPS custodial facility at nahaharap sa kasong Qualified Theft.

Arestado ang maglive-in partner matapos tangayin ang halos P600,000 na kita ng kanilang amo sa Barangay Mayamot, Antipolo City.

Arestado ang maglive-in partner matapos tangayin ang halos P600,000 na kita ng kanilang amo sa Barangay Mayamot, Antipolo City.