Tovic Salvador

Content creator patay matapos kumain ng devil crab sa Puerto Princesa City

Article (news)

<div><img src="https://od2-image-api.abs-cbn.com/prod/editorImage/1770886645161dev.jpg" style="width:960px" class="fr-fic fr-dib" width="960"/>Courtesy: Punong Brgy. Laddy Gemang</div>MAYNILA — Isang content creator ang patay matapos kumain ng devil crab — isang uri ng alimango na nakalalason — sa Barangay Luzviminda sa Puerto Princesa City.Nakuha umano ng pamilya ng biktimang si Emma Amit ang mga devil crab sa karagatan ng Sitio Tacduan sa naturang barangay noong February 4, pero hindi nila alam na nakalalason ito.Nakapag-vlog pa ito ng pagluto nila ng mga nakuha nila sa dagat.“Ayon sa kanila, ay kumuha ng crab sa laot, at niluto pa nga po noong gabi, at ang nakain totoong crab—talagang makinis ang likod. Kinabukasan, niluto pa rin yung natirang crab, ‘yon pala, ang kanilang naluto, ay isa na po doon ay ang devil crab,” ayon kay Punong Barangay Laddy Gemang ng Barangay Luzviminda.Ayon pa kay Gemang, hindi lang si Amit ang nakakain ng naturang uri ng alimango, kundi maging ang kaibigan nito.“Habang kumakain siya (Amit) noong umaga, dumating ‘yong kaniyang kumare na galing Barangay Mangingisda. Ngayon, noong dumating, inalok niya ng pagkain at kumain din po. Kaso lang, pagkatapos niyang kinain ang isang devil crab, parang namanhid ‘yong kaniyang bunganga kung saan naglalaway na rin siya, kaya hindi na siya umulit kumain,” ayon pa kay Punong Barangay Gemang.Nadala pa raw sa pagamutan ang kaibigan ni Amit at naagapan.Nawalan naman ng malay si Amit at isinugod sa pagamutan pero hindi na nailigtas at binawian ng buhay noong February 6.Nang mag-imbestiga ang barangay, pitong talukap ng devil crab ang nakita nila mula sa basurahan nila Amit.Kinumpirma rin ng punong barangay na ito na ang ikatlong pagkakataon na may nalason dahil sa pagkain ng devil crab sa kanilang barangay.Maaari raw na marami ang naturang alimango sa kanilang lugar, kaya paiigtingin umano nila ang pagbibigay ng paalala sa mga residente na iwasan ang pagkuha at pagkain nito.“Ingatan po ninyo na huwag kainin talaga itong devil crab dahil talagang nakamamatay. Napakadelikado po talagang kainin itong uri ng crab dahil oras lang po talagang namamatay na po kaagad ‘yong nakakain nito.”Matagal na ring nagbibigay ng paalala ang  Bureau of Fisheries and Aquatic Resources (BFAR) na huwag kukunin at kakainin ang devil crab o mas kilala sa mga lokal na “kuret”, “liod”, “kaligmata”, “kagang-bugton” at “karal-karal”, dahil mayroon  itong taglay na lason sa talukap at laman kahit naluto na.Ilan umano sa mga palatandaan ng pagkalason ng devil crab ang mga sumusunod:-Pamamanhid ng dila at paligid ng bibig-Hirap sa paghinga-Paninikii ng dibdib-Pagsusuka, paglalaway at pagkauhaw-Pagkahilo-Pag-iba ng panlasa-Paglabo ng paningin -Pagsakit ng ulo-Pagtatae at pananakit ng tiyan-Hirap sa pagsasalita at paglunok-Pagkaparalisa ng kalamnan na nagiging sanhi ng pagkawala ng malay at pagkamatayPayo naman sa mga makararanas ng ganitong sintomas na agad na pumunta sa pinakamalapit na pagamutan.

Isang content creator ang patay matapos kumain ng devil crab sa Barangay Luzviminda, Puerto Princesa City.

Isang content creator ang patay matapos kumain ng devil crab sa Barangay Luzviminda, Puerto Princesa City.

Content creator patay matapos kumain ng devil crab sa Puerto Princesa City

News

Entertainment

Lifestyle

Sports

Metro.Style

More

Traffic

Manila

Horoscope

Regions

Content creator patay matapos kumain ng devil crab sa Puerto Princesa City

Lynette dela Cruz-Fortunado

Published Feb 12, 2026 05:28 PM PHT

|

Updated Feb 12, 2026 07:13 PM PHT

Read More:

Puerto Princesa City

Devil Crab

Palawan

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.