Dennis Gasgonia

Article (news)

Nicole Frilles

ABS-CBN News

Nananawagan ng hustisya ang pamilya ng 24-anyos na lalaking sibilyan matapos siyang masawi sa naganap na engkwentro sa pagitan ng mga sundalo at hinihinalang miyembro ng New People’s Army (NPA) sa Barangay Juan Andre, Donsol, Sorsogon noong Marso 25.Kinilala ang biktima na si James Quiñones, isang manggagawa na may asawa at tatlong taong gulang na anak.Ayon sa ina ng biktima na si Lorna Quiñones, umalis ang kanyang anak bandang alas-6:30 ng umaga para mag-abang ng bangka patungong sentro ng Donsol para dumalo sa moving up ceremony ng kanyang anak na nasa pre-kinder.Ibinahagi ni Lorna na masaya at excited si James at may plano pa umanong ipasyal ang kanyang pamilya matapos ang seremonya. Bitbit din niya ang bag na naglalaman ng mga damit na kanilang susuotin para sa okasyon.Pero makalipas ang ilang sandali, nakarinig umano sila ng sunod-sunod na putok ng baril malapit sa kanilang lugar.Bumalik pa umano si James sa kanilang bahay para tiyakin ang kaligtasan ng mga batang papasok sana sa paaralan bago muling umalis patungong baybayin.Sa kabila ng pag-aalala ni Lorna, pinili pa rin umanong tumuloy si James dahil naghihintay ang kanyang mag-ina.Ilang minuto matapos siyang umalis, muling umalingawngaw ang mga putok ng baril.Kalaunan, nakatanggap ng tawag si Lorna na may isang lalaking nabaril sa baybayin na may dalang bag. Agad siyang nagtungo sa lugar at doon niya natagpuan ang sinapit ng kanyang anak.“Parang hayop na pinatay ang anak ko,” ani Lorna.Dagdag niya, matagal siyang humingi ng tulong pero walang nakalapit agad dahil sa takot ng mga residente.Ilang oras ang lumipas bago umano dumating ang bangka na sinasakyan ng mga lalaking nakasuot ng uniporme ng sundalo, pero wala umanong ibinigay na pahayag sa kanila.“Tiningnan lang po kami ng anak ko,” dagdag ni Lorna.Ayon sa pahayag ng mga awtoridad, posibleng ligaw na bala ang tumama sa biktima, pero iginiit ni Lorna na hindi ito kapani-paniwala. “Hindi po ligaw na bala iyon. Tadtad ng bala ang anak ko,” aniya. Inilarawan ni Lorna ang kanyang anak bilang masipag at responsableng ama na nagsusumikap para sa kanyang pamilya.“Kahit maaga siyang nag-asawa, responsable na papa po ‘yan. Lahat ginagawa para sa kanyang mag-ina,” kuwento niya.Ayon sa ulat, nagkaroon ng engkwentro ang 31st Infantry Battalion laban sa tinatayang pitong hinihinalang miyembro ng NPA kung saan isa ang nasawi. Walang iniulat na sugatan sa panig ng gobyerno.Hindi pa nagpaunlak ng panayam ang Donsol Municipal Police Station hinggil sa insidente, dahil patuloy pa umano ang imbestigasyon. Wala ring tugon ang 31st Infantry Battalion sa mensahe ng ABS-CBN. Nakikiusap ang pamilya Quiñones sa mga netizen na igalang sila at alamin muna ang buong katotohanan. “Sa mga men in uniform, kailangan pong patas ang laban. Dapat ang hustisya ay hindi lang para sa mayayaman. Kami pong mahihirap, sana ay makaranas din ng hustisya, lalo na para sa anak ko,” saad ni Lorna. Dumating na ang mga labi ni James sa kanilang bahay para sa kanyang burol.<div> </div>

Nananawagan ng hustisya ang pamilya ng 24-anyos na lalaking sibilyan matapos siyang masawi sa naganap na engkwentro sa pagitan ng mga sundalo at hinihinalang miyembro ng New People’s Army (NPA) sa Barangay Juan Andre, Donsol, Sorsogon noong Marso 25.

Nananawagan ng hustisya ang pamilya ng 24-anyos na lalaking sibilyan matapos siyang masawi sa naganap na engkwentro sa pagitan ng mga sundalo at hinihinalang miyembro ng New People’s Army (NPA) sa Barangay Juan Andre, Donsol, Sorsogon noong Marso 25.

Amang dadalo sa moving up ng anak, nasawi sa engkwentro sa Sorsogon

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Regions

Amang dadalo sa moving up ng anak, nasawi sa engkwentro sa Sorsogon

Nicole Frilles,

ABS-CBN News

Published March 28, 2026 11:18 PM PHT

Read More:

Engkwentro

Sibilyan

NPA

Philippine Army

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.