Dennis Gasgonia

Article (news)

Bayan Mo, Ipatrol Mo

Mabilis na umaksyon at nagbigay ng paunang lunas ang isang nursing student sa isang jeepney driver na nanghina habang namamasada malapit sa Bocaue Toll Plaza papasok ng North Luzon Expressway sa Bulacan pasado alas-8 ng umaga noong Huwebes, May 28, 2026.Nakilala ang nursing student sa video na si Precious Pescador, 20 taong gulang at freshman nursing student sa Dr. Yanga&#x27;s Colleges, Inc. (DYCI).Ang driver naman ay kinilalang si Luis Herno Gavilo, 49 taong gulang mula sa Pulong Buhangin, Sta. Maria, Bulacan at namamasada ng jeep na may biyaheng Sta. Maria-Monumento.Makikita sa video ni Bayan Patroller Ashley Del Rosario na pinupunasan ni Precious ang driver habang may isa pang babaeng pasahero na nagpapaypay sa kanya.Kuwento ni Precious, nagpakita na ng kakaibang senyales sa kalusugan si Gavilo nang sumakay pa lang siya sa jeep sa Barangay Bagbaguin.  Papunta sana siya sa  paaralan para kumuha ng pagsusulit.Ani Precious, naka-ilang beses din inihinto ng driver ang jeep kahit na walang pasaherong sumasakay o bumababa. “Napansin ko po na mukhang naiinitan, confused, at balisa po si Tatay [Gavilo]. Then, mabibitawan po ni Tatay [Gavilo] yung manibela. Napansin ko po na parang naghahabol pa po ng hininga,&quot; dagdag niya.<div><a href="https://www.abs-cbn.com/news/2026/3/24/good-samaritan-lalaki-sinaklolohan-ang-sugatan-at-umiiyak-na-aso-0937">Good Samaritan: Lalaki sinaklolohan ang sugatan at umiiyak na aso</a></div>Nang baybayin na ni Gavilo ang kalsada malapit sa Bocaue Toll Plaza ay biglang napunta sa kabilang lane ang kanilang sasakyan at muntik na itong bumangga sa isa pang sasakyan, kuwento pa ni Precious. Hindi naman aniya nasaktan ang kapwa niya pasahero dahil nakabig pa ni Gavilo ang manibela at ligtas na naitabi ang jeep sa gilid ng kalsada. Agad naman siyang nanghingi ng tulong sa mga tao sa paligid para tumawag ng ambulansiya mula sa pinakamalapit na ospital.Dagdag pa ni Precious, dito na lumapit at tumulong ang isa pang nursing student ng DYCI na si Joana Mae Barquilla na noon ay kabababa lang mula sa bus.Kuwento naman ni Joana, tumulong siya sa pagbibigay ng sapat na ventilation sa nanghinang driver gamit ang portable fan.Sa obserbasyon ni Precious ay mainit ang balat, nauutal magsalita, at mabilis ang tibok ng pulso ni Gavilo nang suriin nila ni Joana ang driver.&quot;Unti-unti na pong nawawalan ng malay si Tatay [Gavilo] kaya tuloy-tuloy po namin siyang kinausap,&quot; saad ni Precious. Nagsagawa agad siya ng Tepid Sponge Bath (TSB) bilang paunang lunas na makikitang ginagawa niya sa video. Pinalamig din niya ang katawan ng driver gamit ang malinis na basahan na inabot ng isang bystander.Kuwento ni Precious, habang tinutulungan ang driver, sinubukan ding kumontak ng anak ng driver na si Noel sa kanilang mga kamag-anak pero lowbat ang kanilang cellphone. Napansin ni Precious na balisa at umiiyak na rin ang 13-anyos na anak ng driver kaya pinakalma na lang siya ni Joana.Saad ng dalawa, oras ang kalaban nila sa mga panahong iyon dahil tumagal din ng halos 20 minuto ang pag-agapay nila bago dumating ang mga rumespondeng volunteers sakay ng ambulansiya mula sa Joni Villanueva General Hospital.Sumama sina Precious at Joana sa driver na isinakay sa ambulansiya. Kasama din nila si Noel na habang nasa loob ng ambulansiya ay ikinuwento niyang alas-3 ng madaling araw pa lang ay bumiyahe na silang mag-ama kaya wala silang sapat na pahinga.Sa pagsusuri ni Precious, nakaranas si Gavilo ng heat exhaustion at fatigue dahil sa puyat.Pagdating sa Joni Villanueva General Hospital sa Bocaue, Bulacan ay ipinasok agad sa Emergency Room si Gavilo. Naghintay naman ng 15 minuto sa labas ng ER sina Precious at Joana kasama si Noel bago dumating sa ospital ang misis ng driver na si Monica Molod Gavilo pasado alas-10 ng umaga.Bandang alas-11 ng umaga ay inihatid na ng mga rumespondeng volunteers sina Precious at Joana sa kanilang paaralan para masimulan sa oras ang kanilang pagsusulit.Kuwento pa ni Precious, sa kalagitnaan ng kanilang exam ay ipinatawag sila ni Joana ng ilang faculty members at professors para sabihin na bilang pabuya sa kanilang kabayanihan ay makatatanggap sila ng full grant scholarship, matriculation, at individual cash rewards mula mismo sa presidente ng DYCI na si Michael S. Yanga.<div><a href="https://www.abs-cbn.com/focus/03/31/17/nawawalang-lolo-nahanap-sa-tulong-ng-mga-good-samaritan">Nawawalang lolo nahanap sa tulong ng mga &#x27;good Samaritan&#x27;</a></div>Kinumpirma naman ni DYCI Vice-president for Operations Mary Ann Lim sa BMPM na ang sakop ng scholarship nila Precious at Joana ay mula Academic Year 2026-2027 hanggang maka-graduate sa kolehiyo ang dalawa.Sa Facebook page ng DYCI ay nagbahagi ng pahayag ang kolehiyo para bigyang pugay ang kabutihang loob na ipinakita nina Precious at Joana.&quot;Precious went to school without having the chance to review for her final exam. But what she did was far greater than simply passing an examination in a Nursing subject. She saved a life,&quot; ayon sa pahayag.&quot;Acts like these remind us that being a DYCIan is not only about excellence in academics, but also about having a heart that responds when others need help the most. Your kindness and compassion made a difference. We are truly proud of you, Precious Jewel Pescador and Joana Mae Barquilla, freshman Nursing students from DYCI–College of Health Sciences,&quot; dagdag pa sa pahayag.Ayon kina Precious at Joana, wala pang mga dokumentong naibahagi ang paaralan patungkol sa kanilang scholarship pero sa Application for Tuition Fee Discount, Scholarship Privilege, and Financial Grants na dokumentong hawak ni Precious ay &quot;DLSSF 6 Full Scholarship&quot; ang kanyang Classification Code.<div><a href="https://www.abs-cbn.com/life/08/17/22/guro-sa-batangas-good-samaritan-ng-mga-estudyante">Guro sa Batangas, itinturing na &#x27;good samaritan&#x27; ng mga estudyante </a> </div>Bukod sa scholarship at cash rewards kay Precious at Joana ay nagbigay din ng tulong pinansyal ang DYCI  sa pamilya ni Gavilo, ayon kay Lim.Makatatanggap din sina Precious at Joana ng pagkilala sa gaganaping Via Ad Sapientiam o College Recognition Day sa kanilang paaralan sa Hulyo 2026, dagdag pa ni Lim.“Napakalaki ng tulong na ginawang first aid ng dalawang magiting na estudyante. ‘Di sila nagdalawang-isip na bigyan ng paunang lunas… deserve nila to be recognized bilang [mga] bayani,” ani Monica tungkol sa dalawang nursing students na tumulong sa kanyang asawa.Ani Monica, inabisuhan siya ng doctor na bumaba ang potassium at sodium levels ng kanyang asawa kaya ito nanghina.Noong Lunes, June 1, ay inilipat sa Sacred Heart Hospital sa Malolos, Bulacan si Gavilo para sumailalim sa CT scan at na-discharge na siya noong Miyerkules, June 3. - Dexter Agpoon, BMPM Intern

Bilang pasasalamat at pagpupughay ay binigyan ng scholarship ang dalawang nursing students na tumulong sa isang jeepney driver na nanghina habang namamasada sa Bocaue, Bulacan noong May 28, 2026.

Bilang pasasalamat at pagpupughay ay binigyan ng scholarship ang dalawang nursing students na tumulong sa isang jeepney driver na nanghina habang namamasada sa Bocaue, Bulacan noong May 28, 2026.

2 nursing students, binigyan ng scholarship matapos tulungan ang jeepney driver

News

Entertainment

Lifestyle

Sports

Metro.Style

More

BINI

Sudoku

Word of the Day

Lotto

Horoscope

Regions

2 nursing students, binigyan ng scholarship matapos tulungan ang jeepney driver

Bayan Mo,

Ipatrol Mo

Published June 04, 2026 08:47 PM PHT

Read More:

Nursing Students

Jeepney Driver

Bocaue

Bulacan

DYCI

BMPM

Bayan Patroller

ABS-CBN Newsletter

Your go-to source for the latest news, entertainment highlights, exclusive interviews, and updates on your favorite Kapamilya stars.

ABS-CBN Newsletter

Your go-to source for the latest news, entertainment highlights, exclusive interviews, and updates on your favorite Kapamilya stars.

Sign Up

I have read and agree to the Terms and Privacy Policy.

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.