Cheyenne Suarez

Barangay secretary na papasok sa trabaho, pinatay ng riding-in-tandem sa Angono

Article (news)

vibe baranagay

Christopher Sitson

ABS-CBN News

Patay ang isang 47-anyos na barangay secretary matapos pagbabarilin ng riding-in-tandem habang naglalakad papasok sa trabaho sa Angono, Rizal noong Biyernes ng umaga, Hulyo 17.Kinilala ang biktimang si Freddie Cañeva, kalihim ng Barangay San Vicente, Angono, na bagaman naisugod pa sa pagamutan at naoperahan ay binawian din ng buhay nitong Linggo ng hapon dahil sa tinamong dalawang tama ng bala sa tagiliran.Batay sa imbestigasyon, tinatahak ni Cañeva ang Doña Nieves Street nang bigla na lang siyang harangin at pagbabarilin ng mga suspek na nakaabang na sa lugar. Ilang metro na lang ang layo ng biktima paliko sa eskinita patungong barangay hall nang mangyari ang krimen.Blangko pa ang pamilya sa dahilan ng pamamaril dahil kilala ang biktima bilang isang maaasahan, mapagmalasakit, at matulunging kawani ng barangay.“Walang kaaway ang asawa ko... Wala kayong puso, para lang kayong nagpatay ng manok na ganun lang ka-easy sa inyo,” pahayag ng maybahay ng biktima.“It’s unimaginable for me to think because my father is just going to his usual work ready to serve the people. Hindi ko magawang maisip bakit nila ginawa &#x27;yun kasi all I know is that my father is really a true man,” dagdag ng 19-anyos na anak ng biktima.Ayon kay Police Lieutenant Colonel Ariel Azurin, hepe ng Angono Police, tukoy na ng pulisya ang pagkakakilanlan ng mga nakatakas na suspek.Sa ikinasa aniya nilang follow-up operation, natunton ang bahay ng mga salarin sa Cainta, Rizal kung saan narekober ang ginamit na motorsiklo. Patuloy pa ang hot pursuit operation sa mga suspek at pagtukoy sa malalim na motibo sa pagpatay.“Wala kaming nakikita na part ng kaniyang trabaho na magiging dahilan para gawin sa kaniya iyon. I think this is something personal. We interviewed the barangay captain, and even &#x27;yung mga kasamahan niya sa barangay. Wala talaga. We will still investigate to know the real motive,” ani Azurin.Labis ang panhihinayang ng mag-ina ng biktima, hindi na nila matutupad ang nais nitong kiddie party sa ika-50 kaarawan nito. Tulong upang makamit ang katarungan ang hiling nila ngayon sa mga awtoridad.“Parang awa niyo na po, sana mahuli niyo po &#x27;yung gumawa sa asawa ko. Sumuko na lang po sila sa batas. Matakot po sila sa Diyos sa ginawa nila,” panawagan ng asawa.“Hindi natutulog ang Diyos. Ang Diyos ang kumikilos para sa amin, ang mga pulisya hindi titigil, hinding-hindi rin po kami susuko na mabigyan ng hustisya. Justice for my father,” dagdag ng anak nito.Mariing kinondena ng Barangay San Vicente ang insidente kasabay ng pakikidalamhati sa pamilya ng biktima.

Patay ang isang 47-anyos na barangay secretary matapos pagbabarilin ng riding-in-tandem habang naglalakad papasok sa trabaho sa Angono, Rizal noong Biyernes ng umaga, Hulyo 17.

Patay ang isang 47-anyos na barangay secretary matapos pagbabarilin ng riding-in-tandem habang naglalakad papasok sa trabaho sa Angono, Rizal noong Biyernes ng umaga, Hulyo 17.