Geline Salac

Babaeng tenant pinagnakawan, tinadtad ng saksak ng anak ng may-ari

Article (news)

blurface bandw

Christopher Sitson

ABS-CBN News

Arestado ang 33-anyos na lalaki matapos pagnakawan at saksakin ng 11 beses ang 23-anyos na babaeng tenant na nangungupahan sa kanilang apartment building sa Barangay San Martin IV, San Jose Del Monte, Bulacan.Sa imbestigasyon, lumalabas na noong July 9 ay bigla na lang pinasok ng suspek ang unit ng biktima at pinunterya ang cellphone na mahigit P6,000 ang halaga at wallet na may lamang P500.“Nung naibigay na nung victim yung cellphone niya at pera niya nung nagsisigaw na itong ating biktima, pinagsasaksak ng ating suspek yung biktima natin and tumakas na po. Gusto lang talaga niyang pagnakawan sir,” ani Police Lieutenant Colonel Reyson Bagain, Chief of Police ng San Jose Del Monte City Police Station.Nagtamo ng labing isang saksak sa iba’t ibang bahagi ng katawan ang biktima na anim na araw na-confine sa ospital.July 24 nang pormal na makapagreport  ang biktima sa San Jose Del Monte City Police na agad namang nagkasa ng follow-up operation.Natunton kinabukasan sa General Trias, Cavite ang suspek na aminado sa nagawang krimen dahil umano sa matinding pangangailangan.Napag-alaman ng pulisya na anak mismo ng may-ari ng inuupahang apartment ng biktima ang suspek.“Ang gusto ko lang sana kunin noon ay yung cellphone at kaunting pera. Nagkataon po na parang manlalaban po siya, kumuha po siya ng kutsilyo. Nataranta po ako. Kaya ko po ginawa yun kasi dinepensahan ko lang yung sarili ko kasi parang gusto niya rin akong saksakin,” paliwanag ng 33-anyos na suspek.Humingi ng tawad ang suspek sa biktima at kanya mismong magulang.“Humihingi ako ng tawad sa kanya. Sana mapatawad niya ako. Hindi ko naman po gusto yun. May anak siya, may anak din po ako. Sa iyo, Ma, mahal na mahal kita, sana mapatawad mo ako. Alam ko naapektuhan yung hanapbuhay natin,” sabi pa ng suspek.Napag-alamang dati nang nasangkot sa pagnanakaw ang suspek na may standing warrant of arrest sa kasong qualified theft.Mahaharap naman siya ngayon sa reklamong Robbery with Frustrated Homicide.

Arestado ang 33-anyos na lalaki matapos pagnakawan at saksakin ng 11 beses ang 23-anyos na babaeng tenant na nangungupahan sa kanilang apartment building sa Barangay San Martin IV, San Jose Del Monte, Bulacan.

Arestado ang 33-anyos na lalaki matapos pagnakawan at saksakin ng 11 beses ang 23-anyos na babaeng tenant na nangungupahan sa kanilang apartment building sa Barangay San Martin IV, San Jose Del Monte, Bulacan.