Dennis Gasgonia

Jeepney driver na sangkot sa aksidenteng nakapatay ng lady rider, pinananagot ng LTO

Article (news)

ABS-CBN News

<p>Nahaharap sa imbestigasyon ng Land Transportation Office ang driver at operator ng pampasaherong jeep na nasangkot sa isang aksidente na ikinasawi ng isang motorcycle rider sa San Mateo, Rizal. </p><p>Naglabas ng Show Cause Order (SCO) ang LTO laban sa driver at operator dahil sa nangyaring aksidente.</p><div><a href="https://www.abs-cbn.com/news/nation/2026/8/21/babaeng-rider-patay-nang-salpukin-ng-nag-overtake-na-jeep-sa-rizal-0906"><strong>Babaeng rider patay nang salpukin ng nag-overtake na jeep sa Rizal </strong></a> </div><p>Nauna nang napaulat na namatay ang isang 43-anyos na babaeng loan collector matapos salpukin ng jeep na minamaneho ng nasabing driver sa General Luna Avenue, Barangay Guitnang Bayan 1, San Mateo, Rizal noong Huwebes ng gabi, Agosto 20.</p><p>Sa kuha ng CCTV pasado alas-6:00 ng gabi, makikitang nagdire-diretso sa kabilang lane ang jeep kung saan inararo nito ang biktima na pauwi na sana galing sa trabaho sakay ng kanyang motorsiklo.</p><p>Dahil sa lakas ng impact, bumagsak sa kalsada ang motorista at nagtamo ng pinsala. Kalaunan, binawian ito ng buhay habang ginagamot sa San Mateo Hospital.</p><p>Dahil dito, inatasan ang agarang pagsusuko ng driver’s license sa IID na isasailalim sa 90-araw na preventive suspension ang nasangkot na driver. Inilagay naman sa alarm status ang pampasaherong jeep habang nagpapatuloy ang imbestigasyon.</p><div><a href="https://www.abs-cbn.com/news/nation/2026/8/21/suspek-sa-pagpatay-sa-isang-motorista-sa-taguig-arestado-sa-binangonan-0920"><strong>Suspek sa pagpatay sa isang motorista sa Taguig arestado sa Binangonan</strong></a></div><p>Pinagpapaliwanag ang drayber sa paglabag sa Reckless Driving, gayundin sa pagiging Improper Person to Operate a Motor Vehicle. Maaari ding papanagutin ang operator sa paglabag sa Compulsory Registration of Motor Vehicles, Employing Reckless Driver, at Breach of Franchise.  </p><p>“Malubha ang sinapit ng biktima sa aksidenteng ito, na kalaunan ay ikinasawi nito. Kaya naman, babantayan natin ang kasong ito at hindi natin palalampasin ang ganitong insidente at sisiguraduhin nating mananagot ang mapatutunayang lumabag sa batas,” pahayag ni LTO chief Assistant Secretary Markus V. Lacanilao. </p><div> </div>

<p>Nahaharap sa imbestigasyon ng Land Transportation Office ang driver at operator ng pampasaherong jeep na nasangkot sa isang aksidente na ikinasawi ng isang motorcycle rider sa San Mateo, Rizal.</p>

Nahaharap sa imbestigasyon ng Land Transportation Office ang driver at operator ng pampasaherong jeep na nasangkot sa isang aksidente na ikinasawi ng isang motorcycle rider sa San Mateo, Rizal.