Dennis Gasgonia

Lahat ng anggulo sa pagkamatay sa ina at 2 anak sa Bulacan, sinisipat ng pulisya

Article (news)

Jeff Caparas

ABS-CBN News

Tinitingnan ng pulisya ang lahat ng posibleng anggulo sa pagkamatay ng isang babae at dalawa niyang anak na natagpuan sa loob ng isang sasakyan sa San Rafael, Bulacan.Ayon kay Central Luzon Police Director P/BGen. Jess Mendez, patuloy ang pangangalap ng ebidensya para matukoy ang motibo at mabuo ang kuwento sa likod ng insidente. <div><a href="https://www.abs-cbn.com/news/regions/2026/8/20/mag-iina-natagpuang-patay-sa-loob-ng-isang-sasakyan-sa-san-rafael-bulacan-2203">Mag-iina, natagpuang patay sa loob ng isang sasakyan sa San Rafael, Bulacan</a></div>Natagpuan nitong Huwebes ng hapon ang isang multipurpose vehicle na nakaparada sa Barangay Talacsan, San Rafael.Sa likurang upuan ng sasakyan, tumambad sa mga pulis ang bangkay ng isang babae at dalawa niyang anak na edad apat at siyam.“Not yet official, based lang dun sa pagkakita natin, of course isasailalim pa yan sa autopsy. Yung mga visual na nakita natin is may gunshot wound sila, all of them sa temple,” ani Mendez. Batay sa nakalap na impormasyon, bago ang insidente ay nagtungo pa ang biktima sa bahay ng kanyang mga magulang sa Angat, Bulacan, kasama ang dalawang anak.Kumain at nag-usap umano sila roon at nagbigay pa ng pera ang biktima sa kanyang mga magulang. <div><a href="https://www.abs-cbn.com/news/11/11/19/lalaki-hinoldap-pinatay-ng-riding-in-tandem-sa-qc">Lalaki hinoldap, pinatay ng riding-in-tandem sa QC</a></div>Bago mag-alas-singko ng hapon, nagtungo ang babae sa San Rafael kasama ang kanyang mga anak at ibinaba ang isang kaibigan na siya ring nagmaneho ng sasakyan.Pagkatapos nito, muling bumiyahe ang biktima patungong Angat. Bandang alas-singko y medya ng hapon, hindi na umano sumasagot sa telepono ang babae.Ayon kay Mendez, agad nilang sinubukang tukuyin ang mga huling nakausap ng biktima.“Nung na-confirm natin na may mga tao sa loob ng sasakyan na patay na, we immediately conducted interview then hinanap natin yung mga huling kausap,” ani Mendez. Sinusuri rin ng mga imbestigador ang dashcam footage ng sasakyan. Sa paunang pagsusuri, wala umanong nakitang ibang taong sumakay sa sasakyan bago natagpuan ang mga biktima.Patuloy ring kinakausap ng pulisya ang mga nakasama ng biktima bago ang insidente, kabilang ang kanyang dati at kasalukuyang live-in partner.Nilinaw ni Mendez na wala pa silang itinuturing na person of interest.“Isa lang siya sa ngayon sa mga tinanong natin, ininterview natin. Kasi pag sinabi mo na POI may something ka na. We just invited him, baka may alam siya kung ano ang kagalit o ano ng dati niyang ka-live-in,” ani Mendez. “Wala pa tayong kino-consider na POI,” dagdag niya.Gayunman, sinabi ni Mendez na may sinusundan nang lead ang mga imbestigador. “May sinusundan tayo na lead, may sinusundan na tayong lead,” ani Mendez.Samantala, isang 9mm na baril na nakarehistro sa pangalan ng biktima, gayundin ang mga fired cartridge at slug, ang narekober sa crime scene. Sinusuri na rin ng Anti-Cybercrime Unit ang cellphone ng biktima bilang bahagi ng imbestigasyon.<div><a href="https://www.abs-cbn.com/news/01/07/20/8-anyos-na-babae-pinatay-at-ginahasa-sa-candelaria">8-anyos na babae, pinatay at ginahasa sa Candelaria</a></div>Nagsagawa rin ang pulisya ng reenactment sa lugar batay sa isinagawang bullet trajectory analysis ng forensic group. Ayon kay Mendez, kabilang sa tinitingnang anggulo ang posibilidad na suicide.“May tinitingnan din tayong anggulo, kaya tayo nag-conduct ng reenactment na ito. We cover all angles, we check everything,” ani Mendez.Hinihintay ng mga imbestigador ang iba pang resulta ng forensic examination, kabilang ang cross-matching at paraffin test ng mga biktima at iba pang personalidad na kusang sumailalim sa proseso.Nanawagan ang pamilya ng mga biktima sa publiko na huwag munang magpakalat ng maling impormasyon o agad magbintang habang nagpapatuloy ang imbestigasyon.“Sa ngayon bilang awareness sa lahat ng mga tao sa social media or sa kahit anong platform, sana huwag muna tayong mag-spread ng fake news hangga’t hindi natin alam kung ano ba talaga ang nangyari sa kapatid ko,” pakiusap ng kapatid ng biktima. “Mahirap kasi magbintang sa mga tao na wala tayong exact proof. Para na rin sa ikatatahimik ng kapatid ko at dalawang pamangkin ko, gusto ko lang sana muna tahimik muna yung imbestigasyon, para rin sa safety naming lahat,” dagdag niya.<div><a href="https://www.abs-cbn.com/news/11/12/18/babaeng-napagkamalang-aswang-pinatay-at-sinunog-ng-sariling-anak">Babaeng napagkamalang aswang, pinatay at sinunog ng sariling anak </a> </div>Aminado ang kapatid ng biktima na hindi pa rin niya matanggap ang sinapit ng kanyang kapatid at dalawang pamangkin.“Di pa kasi nagsi-sink in sa utak ko na wala siya. Hindi ko pa rin tinatanggap na wala na yung kapatid ko. Sa mga pamangkin ko, mahal na mahal ko sila. Hindi ko kayang tanggapin na ganun lang, wala na sila. Sobrang hirap,” ayon sa kapatid ng biktima.Patuloy ang imbestigasyon ng PNP habang hinihintay ang mga resulta ng forensic examination at sinusuri ang lahat ng posibleng anggulo at lead sa kaso.

Tinitingnan ng pulisya ang lahat ng posibleng anggulo sa pagkamatay ng isang babae at dalawa niyang anak na natagpuan sa loob ng isang sasakyan sa San Rafael, Bulacan.

Tinitingnan ng pulisya ang lahat ng posibleng anggulo sa pagkamatay ng isang babae at dalawa niyang anak na natagpuan sa loob ng isang sasakyan sa San Rafael, Bulacan.