Virgilio Lorenzo Jr

Bahay at water refilling station ng mag-asawa nalubog sa lahar sa Zambales

Article (news)

Bayan Mo, Ipatrol Mo

ABS-CBN News

Nalubog sa lahar ang bahay at water refilling station na pag-aari ng mag-asawang magsasakang sina Bayan Patroller Anthony Manzano at Clarita Manzano sa Barangay Sta. Fe, San Marcelino, Zambales sa kasagsagan ng ulan na dulot ng Habagat noong August 9, 2026.Tanging asul na bubong na lang ang makikita sa kanilang bahay. Kuwento ni Bayan Patroller Anthony, unang niragasa ng baha ang kanilang bahay at wala pang isang oras, pinasok naman ito ng lahar pati na ang katabing water refilling station na naipundar ng kanyang asawa matapos ang 20 taong pagtatrabaho sa Dubai.Dagdag pa ni Anthony, malaki ang kanilang panghihinayang dahil pangalawang beses nang nalubog ng lahar ang kanyang tinitirhan. Unang nalubog ang kanilang ancestral home doon din sa Bgy. Sta. Fe nang pumutok ang Bulkang Pinatubo noong 1991.    Nang makausap ng BMPM si Anthony noong Biyernes, August 21, nanunuluyan muna silang mag-asawa sa bahay ng kanyang nanay na nasa mas mataas na bahagi ng barangay. Pero patuloy ang pangamba ni Anthony dahil pati ang bahay ng kanyang nanay ay bahagya nang naabot ng tubig at lahar.&#x27;Pag umuulan hindi ako nakakatulog, takot na takot ako dito. Nilalamon na ang paanan ng bahay ng nanay ko,&#x27; kuwento ni patroller.Hindi naman aniya sila makaalis dahil bukod sa mahihirapan silang ilikas ang kanilang mga gamit ay wala naman silang mapupuntahan. Ang nag-iisa nilang anak na nasa Amerika ay kagagaling lang sa isang medical procedure kaya hirap din na makapagbigay ng tulong.Ayon naman kay Jeffrey Paulo, Public Information Officer ng San Marcelino, pito ang totally damaged na bahay sa Bgy. Sta. Fe dahil sa lahar flow nitong kasagsagan ng habagat.Sa Bgy. Sta. Fe rin naputol ang steel bridge at nasira ang dike dahil sa malakas na agos ng tubig sa ilog noong August 9 kaya maraming residente ang hirap sa transportasyon.Tiniyak naman ng lokal na pamahalaan na kapag gumanda na ang panahon ay sisimulan nang itayo ang temporary wooden footbridge para makatawid ang mga residente.

Nalubog sa lahar ang bahay at water refilling station na pag-aari ng mag-asawang magsasakang sina Bayan Patroller Anthony Manzano at Clarita Manzano sa Barangay Sta. Fe, San Marcelino, Zambales sa kasagsagan ng ulan na dulot ng Habagat noong August 9, 2026.

Nalubog sa lahar ang bahay at water refilling station na pag-aari ng mag-asawang magsasakang sina Bayan Patroller Anthony Manzano at Clarita Manzano sa Barangay Sta. Fe, San Marcelino, Zambales sa kasagsagan ng ulan na dulot ng Habagat noong August 9, 2026.