Daven Tamayo

Bahay na may solar panels, ginawang charging station ng mga magkakapitbahay

Article (news)

Bayan Mo, Ipatrol Mo

Nagmistulang charging station ang bahay nila Bayan Patroller Leny Balingit sa Barangay Sta. Lucia, Calumpit, Bulacan sa loob ng apat na araw na walang suplay ng kuryente sa buong barangay mula August 31 hanggang September 3, 2026. Kuwento ni Bayan Patroller Leny, &#39;good timing&#39; ang pagpapakabit nila ng solar panels noong July 15, tatlong linggo bago magsimulang tumaas ang tubig sa kanilang lugar noong August 8 dahil sa malakas na buhos ng ulan dulot ng habagat. &#39;Basta may araw, walang problema,&#39; ani patroller tungkol sa pakikisuyo ng mga kapitbahay na maki-charge ng kanilang electronic gadgets sa kanilang solar generated system sa bahay. Sanay naman aniya sila dahil magsimula noong 2019 ay nakiki-charge na rin ang kanilang mga kapitbahay sa kanila namang generator kapag nawawalan din ng kuryente tuwing may baha. Sadyang pinutol ng lokal na pamahalaan ang suplay ng kuryente noong Lunes, August 31, sa mga barangay na lubog sa malalim na baha para sa kaligtasan ng mga residente, ayon kay John Paul Adriano, Research &amp; Planning Officer ng Calumpit Municipal Disaster Risk Reduction and Management Office (MDRRMO). Sa tala ng MDRRMO ngayong Biyernes, September 4, hindi pa naibalik ang suplay ng kuryente sa kabuuan ng mga barangay ng Frances, Sapang Bayan, at Gugo. Samantala, wala pa ring kuryente ang ilang bahagi ng anim na barangay kabilang ang Gatbuca, Sta. Lucia, Bulusan, Meysulao, Calizon, at Iba O&#39;Este. Mula noong August 19 ay nakapagtala ang MDRRMO ng tatlong biktima ng electrocution sa Calumpit, ani Adriano. Namatay ang dalawa sa tatlong biktima. Ang una ay mula Barangay San Miguel at ang pangalawa ay mula sa Barangay Iba O&#39;Este, parehong 17-anyos. Ang pangatlong nakuryente, na 31-anyos na kapatid ng pangalawang namatay, ay nagtamo ng sugat pero nakaligtas, ayon pa kay Adriano. Sa 29 na barangay ng Calumpit ay 26 pa ang lubog sa baha hanggang ngayong Biyernes, pagtatapos ni Adriano.

Nagmistulang charging station ang isang bahay na nagpalagay ng solar panels sa Barangay Sta. Lucia, Calumpit, Bulacan.

Nagmistulang charging station ang isang bahay na nagpalagay ng solar panels sa Barangay Sta. Lucia, Calumpit, Bulacan.

Bahay na may solar panels, ginawang charging station ng mga magkakapitbahay

News

Entertainment

Lifestyle

Sports

Metro.Style

More

BINI

Sudoku

Word of the Day

Lotto

Horoscope

Regions

Bahay na may solar panels, ginawang charging station ng mga magkakapitbahay

Bayan Mo,

Ipatrol Mo

Published September 04, 2026 09:21 PM PHT

Read More:

Kuryente

Solar

Charging Station

Calumpit

Bulacan

BMPM

Bayan Patroller

ABS-CBN Newsletter

Your go-to source for the latest news, entertainment highlights, exclusive interviews, and updates on your favorite Kapamilya stars.

ABS-CBN Newsletter

Your go-to source for the latest news, entertainment highlights, exclusive interviews, and updates on your favorite Kapamilya stars.

Sign Up

I have read and agree to the Terms and Privacy Policy.

Haven't received our newsletter?

Check your inbox to verify and confirm your subscription. If you don’t see it, please check your spam or junk folder.

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.