Award-winning student mini-documentaries about an Aeta teacher who walks for hours to get to her class, the endangered heritage of Kapampangan’s writing system, and four children who use “salbabida” or life-savers in crossing a river daily to go to school will air on Knowledge Channel’s “Class Project” this May.
Mapapanood na ang mga award-winning student mini-documentaries sa “Class Project” ng Knowledge Channel ngayong Mayo. Ang tatlong pangunahing documentaries na nagmula sa University of Makati ay naglalahad ng kwento ng isang gurong Aeta na naglalakad ng ilang oras makapagturo lang sa paaralan, ang halos malimutan nang sinaunang pagsulat sa Kapampangan, at apat na batang gumagamit ng salbabida para tawirin ang ilog papuntang paaralan araw-araw .
Sila ang top 3 winners ng “Class Project Intercollegiate Mini-Documentary Competition” ng ABS-CBN, Knowledge Channel, at Philippine Association of Communication Educators (PACE). Mapapanood ang pitong iba pang finalists sa "Class Project Winners' Festival" ng Knowledge Channel simula Mayo 8, Biyernes, ng 7:30 pm.
Mapapanood sa Mayo 8 ang "Titser Gennie" na documentary ng University of Makati tungkol sa gurong Aetang naglalakad ng apat hanggang limang oras sa Sitio Tarukan sa Capas, Tarlac para makapagturo sa kabataang Aeta. Eere ito kasama ng "Kulitan", ang second placer na nagmula rin sa University of Makati na tumatalakay sa sinaunang sistema ng pagsusulat ng mga Kapampangan.
Samantala ang third-placer na "Mga Batang Anipa,” ng University of Makati ay mapapanood sa Mayo 15. Ito ay nagtatampok sa kwento ng apat na kabataang tumatawid sa ilog ng naka-salbabida araw-araw, makapasok lang eskwela.
Mapapanood ito at ang iba pang mga finalists sa Knowledge Channel hanggang Hunyo, at kalaunan sa iWant.
Kabilang sa mga mapapanood sa Knowledge Channel ay ang mga documentaries na kinilala rin bilang finalists. Ito ay ang mga sumusunod: ”Binhi” mula sa Palawan State University, na ipalalabas sa Mayo 15, “City Painted in Red” mula sa Saint Louis University at “Ang Munting Karera ni Vash” mula sa University of Makati, sa Mayo 22, “Iskolar ng Merkado” mula sa Palawan State University at “Hiling sa Dapithapon” mula sa Lyceum of the Philippines-Laguna na parehong eere sa May 29, “Aruga” mula sa Urdaneta City University at “Hachiko ng Lapu-lapu" mula sa Cebu Normal University, na parehong ipapalabas naman sa Hunyo 5.
Ang taunang “Class Project: Intercollegiate Mini-Documentary Competition” ay bahagi ng adbokasiya ng ABS-CBN para suportahan ang kinabukasan ng mga susunod na media practitioners sa pamamagitan ng paglinang sa kakayahan sa paggawa ng pelikula at dokyu ng mga mag-aaral ng communications at media at maipakita sa mas malawak na manonood ang kanilang mga obra.
Panoorin ang “Class Project Winners' Festival” tampok ang sampung finalists ng “Class Project Intercollegiate Mini-Documentary Competition” simula Biyernes (Mayo 8) mula 7:30 pm, sa Knowledge Channel - channel 5 sa ABS-CBN TVplus, channel 5 sa SKYcable, at Channel 12 sa SKYdirect. Samantala, malapit nang mapanood ang "Class Project" sa iWant, bit.ly/iWantClassProject.