Joshua, magpapakilig sa Cinema One ngayong Oktubre

Ang magaling na Kapamilya heartthrob na si Joshua Garcia naman ang bibida sa Cinema One tampok ang mga tumatak niyang karakter sa pelikula ngayong Oktubre.
 
Saksihan siya bilang ang charming assistant na si Joko sa “I Love You, Hater” (Okt. 9), happy-go-lucky na si Jason sa “Unexpectedly Yours” (Okt. 10), nakakaaliw na pinsan na si Tonying sa “Barcelona: A Love Untold” (Okt. 11), simpleng Caloy sa “Love You to the Stars and Back” (Okt. 12), at mapagmahal na si Vince sa “Vince and Kath and James” (Okt. 13) na mapapanood mula Lunes hanggang Biyernes, 7pm.
 
Samantala, iba’t ibang madidilm na kwento ng pag-ibig ang bibida sa Romance Central tulad ng “I Love You to Death” ni Enchong Dee (Okt. 8), “TxT” ni Angel Locsin (Okt. 15), “Nasaan Ka Man” ni Claudine Barrretto (Okt. 22), at “Segunda Mano” ni Kris Aquino na eera tuwing Linggo, 5pm.
 
Ngayong Oktubre, handog din ng Cinema One ang mga pelikulang maghahatid ng matinding takot at kilabot sa Halloween movie marathon. Saksihan ang “Tiyanak” ni Janice De Belen, “Shake, Rattle & Roll” ni Joel Torre, “The Healing” ni Vilma Santos, “Seklusyon” ni Ronnie Alonte, “Pagpag: Siyam na Buhay” nina Kathryn Bernardo at Daniel Padilla, “Tarot” ni Marian Rivera, “Bloody Crayons” ni Janella Salvador, at iba pang pelikulang puno ng kababalaghan na mapapanood sa Oktubre 30 hanggang 31.
 
Available ang Cinema One, ang tahanan ng Filipino blockbuster movies, sa Cignal ch. 45, SKYcable ch. 56, GSat Direct TV ch. 14, at iba pang local cable service providers. Para sa karagdagang detalye, sundan ang Cinema One sa Facebook, Twitter, Instagram, TikTok, at YouTube.
 
Para sa iba pang updates, sundan ang @abscbnpr sa Facebook, Twitter, Instagram, TikTok, o bisitahin ang www.abs-cbn.com/newsroom.