Push Admin

Zaijian Jaranilla, solid Kapamilya pa rin

Article (news)

Entertainment.ABS-CBN.com

Emosyonal na pumirma ng bagong kontrata si Zaijian Jaranilla sa ABS-CBN sa naganap na “Solid Kapamilya: The Network Contract Signing” event. Sa gitna ng kanilang tagumpay sa kani-kanilang mga teleserye ngayon, nagpahayag ng taos-pusong pasasalamat si Zaijian sa mga bosses ng ABS-CBN at sa mga fans na patuloy na naniniwala at sumusuporta sa kanya. Nagsimula naman bilang isang childhood wonder sa “<a href="https://ent.abs-cbn.com/maybukaspa">May Bukas Pa</a>,” at ngayon ay isa sa mga inaabangang karakter sa “<a href="https://ent.abs-cbn.com/seniorhigh2023">Senior High</a>,” patuloy na ipinapakita ni Zaijian ang kanyang talento sa pag-arte sa iba’t ibang mga serye na kanyang ginagawa. Sa kanyang bagong kontrata sa Kapamilya network, nagpahayag ng pasasalamat si Zaijian sa mga taong nakatrabaho sa likod ng camera, na itinuturing niyang bagong pamilya. &quot;Walang iwanan sa hirap at ginhawa, iyon po ang pagiging solid Kapamilya, buong buhay ko po nasa showbiz ako lumaki, ang dami kong nabuong pamilya sa likod ng camera, at dahil doon nagkaroon ako ng bagong pamilya,&quot; kwento niya.Dumalo sa contract signing sina ABS-CBN chairman Mark Lopez, ABS-CBN president at CEO Carlo Katigbak, ABS-CBN COO of broadcast Cory Vidanes, ABS-CBN group CFO Rick Tan, ABS-CBN head of TV production at Star Magic head Laurenti Dyogi, at talent manager na si Cris Tapang.Mapapanood si Zaijian sa “<a href="https://ent.abs-cbn.com/seniorhigh2023">Senior High</a>” na mapapanood tuwing weeknight ng 9:30 PM sa <a href="https://ent.abs-cbn.com/articles-news/kapamilya-channel-livestream-12685">Kapamilya Channel</a>, <a href="https://kapamilyaonlinelive.com/">Kapamilya Online Live</a>, A2Z, TV5, <a href="https://iwanttfc.com">iWantTFC</a>, at TFC .