Push Admin

Mga kursong magbibigay ng tiyak na trabaho

Article (news)

ABS-CBN News

Hindi lang dapat karunungan ang target ng incoming college students. Importante ring pasukin ang mga kursong tiyak na may trabaho kapag naka-graduate.Ayon sa job site na Jobstreet.com, mainam na ngayon pa lang, alamin na ang mga industriyang lalago pa sa mga susunod na taon. Kung pagbabasehan ang mga plano ng gobyerno, lalago ang mga industriya ng construction, manufacturing, tourism, at services kaya asahan na ring magkakaroon ng mas maraming job vacancies sa mga sektor na ‘yan.Sa datos ng Philippine Statistics Authority, magpapatuloy ang paglago ng construction industry dahil sa mga nakapilang proyektong pang-imprastruktura ng pamahalaan.Kaya papatok ang engineering, architecture, accountancy, at vocational courses, ayon sa Jobstreet.Dahil maganda rin ang takbo ng manufacturing industry, mabilis na magkakatrabaho ang mga magtatapos sa linya ng industrial, mechanical, chemical, at manufacturing engineering. Gayundin ang mga manggagaling sa science, business management, applied statistics o mathematics at iba pang kursong vocational na may kinalaman dito.Sa linya naman ng sumisiglang turismo sa bansa, inaasahang dadami rin ang trabaho para sa mga graduate ng hotel and restaurant management, business management, entrepreneurship, tourism, at liberal arts.Hot course din daw ngayon ang education dahil na rin sa paglago ng sektor ng edukasyon.Paalala rin ng Jobstreet, kahit anong kursong kukunin, mahalagang meron ding training sa teknolohiya.<div>-- Ulat ni Zen Hernandez, ABS-CBN News</div>

Hindi lang dapat karunungan ang target ng incoming college students. Importante ring pasukin ang mga kursong tiyak na may trabaho kapag naka-graduate.

Hindi lang dapat karunungan ang target ng incoming college students. Importante ring pasukin ang mga kursong tiyak na may trabaho kapag naka-graduate.